آذربائیجان کی منڈی میں برآمدات بڑھنا خوش آئند ہے، کاٹی
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) کورنگی ایسوسی ایشن آف ٹریڈ اینڈ انڈسٹری (کاٹی) کے صدر محمد اکرام راجپوت نے کہا ہے کہ پاکستان کی جانب سے آذربائیجان کی منڈی میں گوشت کی برآمدات کے لیے رسائی حاصل کرنا ملکی تجارت کے لیے خوش آئند پیشرفت ہے، جس سے پاکستان کے صنعتی اور برآمدی شعبوں کے لیے وسط ایشیائی ممالک میں نئی راہیں کھل سکتی ہیں۔ انہوں نے کہا کہ ٹریڈ ڈویلپمنٹ اتھارٹی آف پاکستان (ٹڈاپ) کی یہ کامیابی نہ صرف گوشت کی صنعت بلکہ دیگر برآمدی شعبوں کے لیے بھی امکانات پیدا کرتی ہے، خصوصاً فوڈ پروسیسنگ، ٹیکسٹائل، فارما اور انجینئرنگ انڈسٹریز کے لیے۔ انہوں نے کہا کہ کراچی کی صنعتیں عالمی معیار کی مصنوعات تیار کر رہی ہیں، مگر نئی منڈیوں تک مؤثر رسائی کے لیے سرکاری سطح پر مربوط تجارتی سفارت کاری ضروری ہے۔ محمد اکرام راجپوت نے کہا کہ آذربائیجان، ازبکستان، قازقستان اور ترکمانستان جیسے ممالک میں پاکستانی مصنوعات کی کھپت کیلئے وسیع مواقع موجود ہیں کیونکہ ان خطوں میں حلال مصنوعات، ٹیکسٹائل، اور صنعتی سامان کی مانگ میں مسلسل اضافہ ہو رہا ہے۔ صدر کاٹی نے مطالبہ کیا کہ پاکستان سے باقاعدگی کے ساتھ بزنس ٹو بزنس (B2B) وفود ان ممالک میں بھیجے جائیں تاکہ براہِ راست تجارتی روابط قائم کیے جا سکیں۔ انہوں نے کہا کہ کاٹی، ٹڈاپ اور وزارتِ تجارت کے ساتھ قریبی رابطے میں ہے اور کورنگی کی صنعتوں کے لیے ٹارگٹ مارکیٹس، لاجسٹک سہولیات اور تجارتی قوانین سے متعلق رہنمائی کیلئے اقدامات کئے جا رہے ہیں۔ پاکستان کی برآمدی پالیسی میں علاقائی تجارت کو ترجیح دینا وقت کی اہم ضرورت ہے۔ محمد اکرام راجپوت نے امید ظاہر کی کہ اگر تمام اسٹیک ہولڈرز کی مشاورت سے ایک مربوط حکمتِ عملی مرتب کی جائے تو پاکستان آئندہ چند برسوں میں وسط ایشیائی خطے میں نمایاں تجارتی حیثیت حاصل کر سکتا ہے۔
ذریعہ
ذریعہ: Jasarat News
پڑھیں:
سابق گورنر چودھری سرور کے بیٹے انس برطانیہ کے وزیر تجارت نامزد
لندن، لاہور (نمائندہ خصوصی، خصوصی نامہ نگار) سابق گورنر پنجاب چودھری محمد سرور کے بیٹے انس سرور برطانیہ کے نئے وزیر تجارت مقرر ہوگئے۔ برطانوی وزیر اعظم اینڈی برنہم نے انس سرور کو وزیر تجارت مقرر کر دیا ہے۔ وہ اپنی نئی تقرری کے بعد ہاؤس آف لارڈ کے ممبر بھی بن جائیں گے۔ انس سرور کو برطانیہ کے تینوں ہاؤسز کا ممبر بننے کا منفرد اعزاز بھی حاصل ہو گیا ہے، وہ اس سے پہلے برطانوی سیاست میں مختلف اہم ذمہ داریاں انجام دے چکے ہیں۔ برطانیہ بھر میں پاکستانیوں نے خوشی کا اظہار کیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع