رواں سال کا پہلا سپر مون آج آسمان پر جگمگائے گا، پاکستان میں بھی نظارہ ممکن؟
اشاعت کی تاریخ: 7th, October 2025 GMT
رواں سال کا پہلا سُپر مون آج رات اپنی پوری آب و تاب کے ساتھ آسمان پر نمودار ہوگا۔
ترجمان اسپارکو کے مطابق سپر مون کے دوران چاند زمین سے تقریباً دو لاکھ چوبیس ہزار میل کے فاصلے پر ہوگا، جس کے باعث وہ معمول کے مکمل چاند کے مقابلے میں 6.6 فیصد بڑا اور 13 فیصد زیادہ روشن دکھائی دے گا۔
ماہرین کا کہنا ہے کہ پاکستان سمیت دنیا بھر میں لوگ اس دلکش منظر سے لطف اندوز ہوسکیں گے، سپر مون سورج غروب ہونے کے فوراً بعد مشرقی افق سے طلوع ہوگا، جب کہ یہ طلوع آفتاب سے قبل مغربی سمت میں غروب ہوجائے گا
اسپارکو کے مطابق رواں سال مزید دو سپر مونز بھی دیکھے جا سکیں گے، ان میں سے سب سے روشن سپر مون 5 نومبر 2025 کو متوقع ہے، جب کہ تیسرا اور آخری سپر مون 5 دسمبر کو دکھائی دے گا۔
ماہرینِ فلکیات کا کہنا ہے کہ سپر مون اُس وقت بنتا ہے جب چاند اپنے مدار میں گردش کرتے ہوئے زمین کے قریب ترین مقام پر پہنچ جاتا ہے، اس وقت چاند عام دنوں کے مقابلے میں زیادہ بڑا، چمکدار اور نمایاں نظر آتا ہے، اسی لیے اسے سپر مون کہا جاتا ہے
.ذریعہ: Nawaiwaqt
پڑھیں:
پاکستان سمیت دنیا بھر میں سپر مون کا خوبصورت نظارہ
دنیا بھر کے ساتھ ساتھ پاکستان میں بھی سال کے پہلے سپر مون کا دلکش منظر آسمان پر دیکھا جا رہا ہے، جس نے رات کے نظارے کو غیر معمولی حد تک خوبصورت بنا دیا۔
ماہرینِ فلکیات کے مطابق اس سپر مون کو ’ہارویسٹ سپر مون‘ کا نام دیا گیا ہے۔ یہ اس وقت ظاہر ہوتا ہے جب چاند اپنے مدار میں زمین کے سب سے قریب پہنچ جاتا ہے۔
اعداد و شمار کے مطابق اس موقع پر چاند زمین سے قریباً 3 لاکھ 56 ہزار 355 کلومیٹر کے فاصلے پر تھا، جب کہ عام طور پر یہ فاصلہ 4 لاکھ 6 ہزار 725 کلومیٹر تک ہوتا ہے۔
سپر مون کے دوران چاند اپنی معمول کی حالت کے مقابلے میں قریباً 6 فیصد بڑا اور 16 فیصد زیادہ روشن دکھائی دیتا ہے، جس کی وجہ سے اس کا نظارہ آسمان پر نہایت دلکش، منفرد اور یادگار بن جاتا ہے۔
فلکیاتی ماہرین کا کہنا ہے کہ رواں سال 5 نومبر اور 4 دسمبر کو مزید دو سپر مون دیکھنے کے امکانات موجود ہیں، جو سال کے اختتام سے قبل آسمان کو ایک بار پھر اپنی روشنی سے منور کر دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان خوبصورت نظارہ دنیا سپر مون وی نیوز
ٹشو پیپرز