ریکوڈک منصوبہ: 6بین الاقوامی اداروں سے مالی معاہدہ طے پاگیا
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:۔ پاکستان کا بلوچستان کے تاریخی ریکوڈک منصوبے کےلئے 6بین الاقوامی مالیاتی اداروں کے ساتھ ساڑھے 3ارب ڈالرز کا فنانسنگ معاہدہ طے پا گیاہے۔
ذرائع کے مطابق ریکوڈک منصوبے کے لیے جن 6بین الاقوامی مالیاتی اداروں کے ساتھ معاہدہ طے پایا ہے ان میں یو ایس ایگزم بینک، ایشیائی ترقیاتی بینک، انٹرنیشنل فنانشل انسٹی ٹیوشنز، انٹرنیشنل ڈیولپمنٹ ایسوسی ایشن اور یورپین بینک شامل ہیں۔
ذرائع کے مطابق یہ ادارے آئندہ 45سے 90دنوں میں شرائط پوری کرنے کے بعد فنانسنگ کا عمل شروع کریں گے اور معاہدے کے تحت ڈونرز کو 4سے پانچ سال کا گریس پیریڈ جبکہ قرض کی واپسی 12سال میں مکمل کرنا ہوگی۔
معاہدے کے تحت فنانسنگ پر شرح سود سنگل ڈیجٹ میں رکھنے پر اتفاق کیا گیا ہے۔ حکام کے مطابق اگر شرائط پر عمل درآمد تیزی سے مکمل ہوا تو دو ماہ کے اندر پہلی قسط بھی جاری ہو سکتی ہے، فنانسنگ معاہدے میں بیرک گولڈ، حکومت بلوچستان، او جی ڈی سی ایل اور پی پی ایل بطور شراکت دار شامل ہیں۔
حکام نے بتایا کہ بیرک گولڈ کا 55فیصد ایکویٹی مارجن، او جی ڈی سی ایل اور پی پی ایل کا 27.
ریکوڈک منصوبے سے پاکستان کو 53ارب ڈالرز کی آمدنی متوقع ہے، جن میں سے 11ارب ڈالر بلوچستان کےلئے فسکل ریونیو، 6ارب ڈالر صوبائی حصہ، 9ارب ڈالر بلوچستان منرل ریسورسز لمیٹڈ کی ایکویٹی، 11ارب ڈالرز وفاقی حکومت کے لیے فسکل ریونیو اور 15ارب ڈالر پی ایم پی ایل کے ایکویٹی انفلوز شامل ہیں۔
ذریعہ: Jasarat News
پڑھیں:
ایشیائی ترقیاتی بینک کا پاکستان کے ٹرانسمیشن نظام کیلیے 33 کروڑ ڈالر قرض منظور
data-id="863a0a8" data-element_type="widget" data-widget_type="theme-post-content.default">
ایشیائی ترقیاتی بینک نے پاکستان کے توانائی ڈھانچے کو جدید خطوط پر استوار کرنے کے لیے 33 کروڑ ڈالر کے نئے قرض کی منظوری دے دی ہے، جو ملکی ٹرانسمیشن نیٹ ورک کے دوسرے اسٹرینتھننگ پراجیکٹ کے لیے مختص کیا گیا ہے۔
یہ منصوبہ حکومتِ پاکستان کی ترجیحی سرمایہ کاریوں میں شامل ہے، جس کا بنیادی مقصد قومی گرڈ کو مزید مستحکم بنانا، قابلِ تجدید اور سستی ہائیڈرو توانائی کو ملک کے بڑے لوڈ مراکز تک موثر انداز میں منتقل کرنا اور پاور سیکٹر کی مجموعی کارکردگی کو بہتر بنانا ہے۔ حکومتی و تکنیکی حلقوں کے مطابق یہ سرمایہ کاری مستقبل کے توانائی بحرانوں پر قابو پانے میں ایک اہم کردار ادا کرے گی۔
اے ڈی بی کی جاری کردہ تفصیلات کے مطابق منصوبے کے تحت 500 کے وی کی تقریباً 290 کلومیٹر طویل نئی ٹرانسمیشن لائن بچھائی جائے گی جب کہ اسلام آباد اور فیصل آباد کو بجلی فراہم کرنے والے اہم گرڈ انفراسٹرکچر کو جدید تقاضوں کے مطابق اپ گریڈ کیا جائے گا۔
اس اقدام سے نہ صرف شمالی علاقوں کے ہائیڈرو پاور پلانٹس سے پیدا ہونے والی بجلی کی ترسیل بہتر ہوگی بلکہ پاکستان کے شمال جنوب پاور کوریڈور میں موجود پرانی رکاوٹیں بھی دور ہوں گی۔
توقع ہے کہ اس اپ گریڈیشن کے بعد 3200 میگاواٹ تک صاف توانائی قومی گرڈ میں شامل کی جا سکے گی، جس سے درآمدی ایندھن پر انحصار کم ہوگا اور توانائی کے شعبے میں پائیداری میں اضافہ ہوگا۔
اس منصوبے پر عمل درآمد نیشنل گرڈ کمپنی آف پاکستان کرے گی، جو پہلے نیشنل ٹرانسمیشن اینڈ ڈسپیچ کمپنی کے نام سے جانی جاتی تھی۔ منصوبہ ادارے کی مالیاتی، تکنیکی، عملی اور انتظامی صلاحیتوں میں بہتری لانے میں بھی معاون ثابت ہوگا۔
اے ڈی بی کی جانب سے منظور کیے گئے مالیاتی پیکج میں 285 ملین ڈالر کا کمرشل قرض اور 45 ملین ڈالر کا رعایتی قرض شامل ہے، جو نیشنل گرڈ کمپنی کو ٹرانسمیشن نیٹ ورک کے پھیلاؤ، مالی نظم و ضبط کی بہتری، ادارہ جاتی استحکام اور عوامی آگاہی کے اقدامات کو آگے بڑھانے میں مدد دے گا۔
اے ڈی بی کی پاکستان میں کنٹری ڈائریکٹر ایما فین کے مطابق یہ منصوبہ دونوں فریقوں کے مضبوط تعلقات کی علامت ہے۔ ان کا کہنا تھا کہ ٹرانسمیشن لائن کی صلاحیت میں اضافہ، کم لاگت ہائیڈرو بجلی کی ترسیل اور تکنیکی نقصانات میں کمی نہ صرف توانائی کے شعبے کا بھروسا بڑھائے گی بلکہ طویل مدتی معاشی ترقی کے لیے بھی اہم ثابت ہوگی۔
انہوں نے مزید کہا کہ یہ منصوبہ ویژن 2025، نیشنل پاور پالیسی 2021 اور پاکستان کی نیشنل ڈیٹرمنڈ کنٹری بیوشنز کے اہداف سے مکمل مطابقت رکھتا ہے، جن میں سستی صاف بجلی، موسمیاتی لچک اور پائیدار ترقی کو بنیادی اہمیت حاصل ہے۔
خوبرو سوشل میڈیا انفلوئنسر کی ماہانہ آمدن جان کر آپ حیران رہ جائیں گے