جرمنی میں نومنتخب میئر پر چاقو سے حملہ، شدید زخمی
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
برلن: جرمنی کے شمال مغربی علاقے میں ایک نومنتخب خاتون میئر پر چاقو سے حملے کے نتیجے میں وہ شدید زخمی ہوگئیں، پولیس نے واقعے کی تصدیق کرتے ہوئے تحقیقات کا آغاز کر دیا ہے۔
عالمی میڈیا رپورٹس کے مطابق ایرس اسٹالزر (Iris Stalzer) جو حال ہی میں ہیرڈکے (Herdecke) شہر کی میئر منتخب ہوئی تھیں، ان کے گھر کے قریب نامعلوم حملہ آوروں نے چاقو سے حملہ کیا۔
مقامی میڈیا کے مطابق ایرس اسٹالزر کو شدید زخمی حالت میں ان کے گھر کے اندر پایا گیا، حملے کے بعد وہ زخمی حالت میں خود کو گھسیٹتے ہوئے گھر کے اندر لانے میں کامیاب ہوئیں، جہاں سے پولیس اور امدادی ٹیموں کو اطلاع دی گئی۔
پولیس کا کہنا ہے کہ حملہ آور فرار ہونے میں کامیاب ہوگئے اور ان کی تلاش جاری ہے، ابھی تک حملے کی وجوہات یا اس کے پسِ منظر کے بارے میں کوئی واضح معلومات سامنے نہیں آئیں۔
عوامی نشریاتی ادارے این ڈی آر (NDR) کے مطابق پولیس یہ جانچ کر رہی ہے کہ آیا واقعہ کے پیچھے کوئی سیاسی محرک موجود تھا یا یہ کسی ذاتی دشمنی کا نتیجہ ہے۔
خیال رہےکہ ایرس اسٹالزر جو سوشلسٹ ڈیموکریٹک پارٹی (SPD) سے تعلق رکھتی ہیں،یہ گزشتہ ماہ کے آخر میں ہیرڈکے کی میئر منتخب ہوئی تھیں، ان کی کامیابی کو مقامی سیاست میں خواتین کی بڑھتی ہوئی نمائندگی کے طور پر سراہا گیا تھا۔
حکام نے بتایا ہے کہ میئر کو فوری طور پر اسپتال منتقل کر دیا گیا ہے جہاں ان کی حالت بہتر ہے، پولیس نے شہریوں سے اپیل کی ہے کہ اگر کسی نے واقعے کے وقت کچھ مشتبہ دیکھا ہو تو فوری طور پر اطلاع دیں۔
ذریعہ
ذریعہ: Jasarat News
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی