جسٹن ٹروڈو اور کیٹی پیری کے درمیان تعلقات کی خبروں کی تصدیق ہوگئی
اشاعت کی تاریخ: 12th, October 2025 GMT
امریکی پاپ گلوکارہ کیٹی پیری اور کینیڈا کے سابق وزیراعظم جسٹن ٹروڈو کے درمیان تعلقات کی خبروں کی تصدیق ہوگئی۔
سوشل میڈیا پر وائرل ہونے والی ویڈیو میں دونوں کو حال ہی میں کیلیفورنیا کے ساحل سانتا باربرا کے قریب پیری کی یاٹ ’’کاراول‘‘ (Caravelle) پر ایک دوسرے کے ساتھ محبت بھرے لمحات گزارتے ہوئے دیکھا گیا ہے۔
ویڈیو میں دیکھا جاسکتا ہے کہ 40 سالہ کیٹی پیری اور 53 سالہ جسٹن ٹروڈو یاٹ کے بالائی حصے میں ایک دوسرے کو گلے لگاتے اور بوسہ لیتے ہوئے نظر آرہے ہیں جس سے مہینوں سے گردش کرتی افواہوں کی باضابطہ تصدیق ہوگئی۔
دونوں انتہائی پُرسکون نظر آئے اور اردگرد موجود سیاحوں کی موجودگی سے بالکل بے فکر دکھائی دیے۔ اس موقع پر کیٹی پیری سیاہ رنگ کے سوئمنگ سوٹ میں ملبوس تھیں جبکہ ٹروڈو کو ان کی پیٹھ پر ہاتھ رکھے ہوئے دیکھا گیا۔
قریب ہی موجود عینی شاہد نے ٹروڈو کو ان کے بازو پر بنے منفرد ’Haida raven‘ ٹیٹو سے پہچانا جو کینیڈا کی مقامی تہذیب سے ان کے تعلق کی علامت ہے۔
واضح رہے کہ کیٹی پیری ان دنوں اپنے عالمی ٹور میں مصروف ہیں جس سے وہ اب تک تقریباً 8 کروڑ ڈالر کی کمائی کرچکی ہیں۔
جسٹن ٹروڈو نے رواں سال تقریباً ایک دہائی بعد وزارتِ عظمیٰ سے استعفیٰ دیا تھا اور اگست 2023 میں اپنی اہلیہ صوفی گریگوار سے باضابطہ علیحدگی اختیار کی تھی۔ ان کے تین بچے 18 سالہ زیویئر، 16 سالہ ایلا گریس اور 11 سالہ ہیڈریئن ہیں۔
دوسری جانب کیٹی پیری کی پانچ سالہ بیٹی ڈیسی ڈوو بلوم ہے جو اداکار اور سابق منگیتر اورلینڈو بلوم سے ہے۔ پیری اور بلوم نے رواں سال اپنی 9 سالہ رفاقت ختم کی تھی۔ اس سے قبل وہ 2010 سے 2012 تک کامیڈین رسل برانڈ سے شادی کے بندھن میں بندھی رہیں۔
پیری اور ٹروڈو کے درمیان رومانس کی افواہیں سب سے پہلے جولائی میں اُس وقت سامنے آئی تھیں جب دونوں کو مونٹریال کے معروف ریستوران Le Violon میں ایک ساتھ کھانا کھاتے دیکھا گیا تھا۔
.ذریعہ: Express News
کلیدی لفظ: جسٹن ٹروڈو کیٹی پیری پیری اور
پڑھیں:
سونے کی عالمی اور مقامی مارکیٹوں میں قیمت آج قیمت کتنی ہوگئی؟
کراچی:سونے کی عالمی اور مقامی مارکیٹوں میں آج قیمتوں میں استحکام دیکھا جا رہا ہے۔
بین الاقوامی بلین مارکیٹ میں فی اونس سونے کی قیمت بغیر کسی تبدیلی کے 4ہزار 165ڈالر کی سطح پر مستحکم رہنے کے باعث مقامی صرافہ مارکیٹوں میں بھی جمعرات کو 24قیراط کے حامل فی تولہ سونے کی قیمت بغیر کسی تبدیلی کے 4لاکھ 38ہزار 862 روپے کی سطح پر مستحکم رہی۔
اسی طرح ملک میں فی 10 گرام سونے کی قیمت بغیر کسی تبدیلی کے 3لاکھ 76ہزار 253روپے کی سطح پر مستحکم رہی۔
سونے کے نرخوں کے برعکس بین الاقوامی بلین مارکیٹ میں فی اونس چاندی کی قیمت 1.60ڈالر کے اضافے سے 53.70ڈالر کی سطح پر آنے سے مقامی صرافہ مارکیٹوں میں بھی فی تولہ چاندی کی قیمت مزید 160روپے کے اضافے سے 5ہزار 642روپے اور فی 10 گرام چاندی کی قیمت بھی 138روپے کے اضافے سے 4ہزار 699روپے کی سطح پر آگئی۔
ڈی پی ورلڈ آئی ایل ٹی20 اسکولز کپ 2025 کے فائنلسٹ ٹیموں کا اعلان