پشاور ہائیکورٹ کا گورنرپختونخوا کو نومنتخب وزیراعلیٰ سے آج حلف لینے کا حکم
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
251015-01-21
پشاور (مانیٹرنگ ڈیسک) پشاور ہائیکورٹ نے گورنر خیبرپختونخوا کو آج شام 4 بجے تک نومنتخب وزیراعلیٰ سہیل آفریدی سے حلف لینے کا حکم دے دیا، عدالت نے قرار دیا ہے کہ اگر گورنر نے حلف نہیں لیا تو پھر اسپیکر کو ہدایت ہے کہ حلف لے۔ پشاور ہائیکورٹ نے پاکستان تحریک انصاف ( پی ٹی آئی) کی نومنتخب وزیراعلیٰ سہیل آفریدی کی حلف برداری کے لیے دائر درخواست پر محفوظ کیا گیا فیصلہ سنادیا۔ عدالت عالیہ نے گورنر خیبرپختونخوا کو آج شام 4 بجے تک نومنتخب وزیراعلیٰ سہیل آفریدی سے حلف لینے کا حکم دے دیا، عدالت نے قرار دیا ہے کہ اگر گورنر خیبرپختونخوا نے حلف نہیں لیا تو پھر اسپیکر کو ہدایت ہے کہ وہ حلف لیں۔ اس سے قبل نو منتخب وزیراعلیٰ سہیل آفریدی کی حلف برداری کے لیے دائر درخواست پر پشاور ہائیکورٹ میں سماعت ہوئی تھی۔ پی ٹی آئی کے وکیل سلمان اکرم راجا اور گورنرکے وکیل بیرسٹر عامر جاوید کے دلائل مکمل ہونے کے بعد عدالت نے فیصلہ محفوظ کرلیا تھا۔ پی ٹی آئی نے نومنتخب وزیراعلیٰ سے حلف کی درخواست چیف جسٹس کو دے رکھی ہے، چیف جسٹس نے گزشتہ روز بھی درخواست پر سماعت کی تھی، عدالت نے ایڈیشنل اٹارنی جنرل کو گورنر سے کمنٹس لیکر عدالت کو آگاہ کرنے کا حکم دیا تھا۔
ذریعہ: Jasarat News
کلیدی لفظ: نومنتخب وزیراعلی پشاور ہائیکورٹ سہیل ا فریدی عدالت نے کا حکم
پڑھیں:
پاکستان کی پارلیمنٹ کی کارروائی نہ چلنے دینے کی دھمکی دے دی ہ
وزیراعلیٰ پختونخواہ کے وزیراعلیٰ سہیل آفریدی نے بھی سابق وزیراعلیٰ علی امین گنڈاپور کے نقش قدم پر چلتے ہوئے پاکستان کی پارلیمنٹ کی کارروائی نہ چلنے دینے کی دھمکی دے دی ہے۔
خیبر پختون خوا کے وزیراعلیٰ اپنی حکومت کی تمام ذمہ داریاں چھوڑ کر راول پنڈی کی اڈیالہ جیل کے قریب ایک پولیس چیک پوسٹ پر ایک دن بیٹھے رہے، ان کی ضد تھی کہ جیل کے حکام ان کی جیل میں قید کی سزا کاٹ رہے ان کی پارٹی کے بانی سے ملاقات کروائیں۔ جیل حکام کا کہنا ہے کہ وہ سیاسی ملاقاتیں کرنے کی اجازت نہیں دے رہے، یہ ملاقاتین جیل کے قواعد کے خلاف ہیں۔ جیل حکام کے اس انکار کو لے کر خیبر پختونخوا کے وزیراعلیٰ نے اڈیالہ جیل والی سڑک پر ایک نالے کے کنارے بیتھ کر رات گزاری۔
پاکستان نے افغانستان سے تاجکستان سرحد پر چینی شہریوں پرحملہ بزدلانہ فعل قرار دیدیا
آج وزیراعلیٰ خیبر پختونخوا سہیل آفریدی نے بانی پی ٹی آئی عمران خان سے ملاقات نہ کرانے پر پاکستان کی پارلیمنٹ کی کارروائی نہ چلنے دینے کی دھمکی دے دی۔
جمعہ کو اڈیالہ جیل کے باہر رات نالے کے کنارے گزارنے کے بعد سہیل آفریدی صبح کو اسلام آباد چلے گئے اور وہاں اسلام آباد ہائی کورٹ کے چیف جسٹس سے ملاقات کرنے کی کوشش کی۔ چیف جسٹس نے ججوں کے طریقہ کار پر عمل کیا اور ایک وزیراعلیٰ سے اس اچانک، بے وجہ ملاقات سے انکار کر دیا۔
شہر کی فضا بدستور آلودہ،سول سیکرٹریٹ میں آلودگی کی شرح خطرناک حد سے تجاوز کر گئی
بعد میں میڈیا کے کیمروں کے سامنےسہیل آفریدی نے دعویٰ کیا کہ میں تمام آئینی اور قانونی راستے اپنا چکا ہوں ، ایسا کون سا راستہ بچا ہے جس کے بعد میں اپنے لیڈر سے ملاقات کرسکوں۔
وزیر اعلیٰ خیپر پختونخوا سہیل آفریدی نے میڈیا کیمروں ےک سامنے دھمکی دی کہ میری عمران خان سے ملاقات نہ کراوائی گئی تو میں پارلیمنٹ کی کارروائی نہیں چلنے دوں گا۔ اس کے ساتھ سہیل آفریدی نے منگل کو اسلام آباد ہائی کورٹ کے سامنے احتجاج کرنے کا اعلان کیا ۔
بلوچستان میں نان کسٹم پیڈگاڑیوں کے خلاف کارروائی کا فیصلہ
ایک اور 26نومبر برپا کرنے کی دھمکی
مؤثق میڈیا آؤٹ لیٹس کی رپورٹ کے مطابق سہیل آفریدی نے ہائی کورٹ کو بھی دھمکی دی کہ اگر عدالت انصاف نہ کرپائے تو عوام خود انصاف کریں گے۔ عوام انصاف کریں گے تو قانون کو بھی ہاتھ میں لیں گے ، حالات خراب ہوئے تو کنٹرول نہیں ہوسکیں گے۔
دوسری جانب امن وامان کی صورتحال کے پیش نظر اڈیالہ جیل کے اطراف سکیورٹی کو آج ہائی الرٹ کر دیا گیا ہے ۔ سہیل آفریدی نے جب گورکھپور پولیس چیک پوسٹ کے قریب نالے کے کنارے پر دھرنا دیا تھا تو وہاں معمولی نفری موجود رہی کیونکہ سہیل آفریدی کے ساتھ کچھ ہی لوگ موجود رہے۔ اب سہیل آفریدی دھرنا چھوڑ کر واپس پشاور جا چکے ہیں۔
ڈاکٹر نبیحہ علی خان کی نئی ویڈیو سوشل میڈیا پر توجہ کا مرکز بن گئی
Waseem Azmet
کمشنر سیسی سے مزدور نمائندوں کی ملاقات 20 نومبر کو ملاقات برائے مزدوروں کے مسائل