شامی صدر کی پیوٹن سے ڈھائی گھنٹے طویل ملاقات
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
ماسکو (انٹرنیشنل ڈیسک) شامی صدر احمد الشرع نے روس کے صدارتی محل کریملن میں ولادیمیر پیوٹن سے ملاقات کی ،جو ڈھائی گھنٹے تک جاری رہی۔ شامی ذرائع ابلاغ نے تصدیق کی ہے کہ روس پہنچنے والے شامی وفد نے سابق حکومت کی باقی ماندہ افواج کو دوبارہ مسلح نہ کرنے کے لیے ماسکو سے ضمانتیں حاصل کرنے کی کوشش کی۔ وفد نے ماسکو سے شام کی نئی فوج کی تعمیر نو میں دمشق کی مدد کرنے کی درخواست بھی کی ہے۔ شامی صدر احمد الشرع نے پیوٹن کے سامنے اسرائیلی فوج کی طرف سے کسی بھی نئی خلاف ورزی کو روکنے کے لیے روسی پولیس کو دوبارہ تعینات کرنے کا خیال پیش کیا۔ بات چیت میں لاذقیہ میں حمیمیم ائرپورٹ اور شامی ساحل پر طرطوس بحری اڈے کے مستقبلکے علاوہ ملک کے شمال مشرق میں قامشلی ہوائی اڈے پر روسی فوجی موجودگی پر توجہ دی گئی۔ بات چیت میں اقتصادی پہلوؤں پر بھی بات کی گئی۔دوسری جانب روسی وزیرِ خارجہ سرگئی لاروف پیوٹن اور احمد الشرع کی ملاقات کی تصدیق کرتے ہوئے بتایا کہ اس میں شام میں روسی فوجی اڈوں کے مسئلے پر گفتگو کی۔ لا روف نے بتایا کہملاقات میں ہر چیز پر بات ہوئی ۔ اس سے قبل کریملن کے ترجمان دمتری بیسکوف نے کہا تھا کہ پیوٹن اور الشرع کے درمیان ملاقات میں شام میں روسی فوجی اڈوں کا معاملہ زیرِ بحث آنے کی توقع ہے۔ پیوٹن نے بدھ کو اپنے ایک بیان میں کہا تھا کہ روس اور شام کے درمیان کئی دہائیوں سے خصوصی نوعیت کے تعلقات قائم ہیں اور روس کی شام کے ساتھ پالیسی ہمیشہ شامی عوام کے مفادات کی بنیاد پر استوار رہی ہے۔
ذریعہ: Jasarat News
پڑھیں:
بیگم آف جونا گڑھ مسرت جہاں طویل علالت کے بعد انتقال کرگئیں
نائب دیوان جونا گڑھ کا کہنا ہے کہ بیگم آف جونا گڑھ مسرت جہاں طویل علالت کے بعد انتقال کرگئیں۔
بیگم آف جونا گڑھ، تحریک پاکستان کی نامور خواتین میں شمار ہوتی تھی۔
لاہور: وزیراطلاعات پنجاب عظمیٰ بخاری پریس کانفرنس کررہی ہیں