شکارپور میں امن کی بحال، 71 ڈاکوؤں کا سرینڈر، 209 ہتھیار پولیس کے حوالے
اشاعت کی تاریخ: 22nd, October 2025 GMT
سندھ کے شہر شکارپورمیں منعقدہ تقریب میں کچے کے 71 ڈاکوؤں نے خود کو پولیس کے حوالے کرتے ہوئے غیر مشروط طور پر اپنے ہتھیار جمع کرائے۔
تقریب میں ڈی آئی جی لاڑکانہ ناصر آفتاب، آئی جی سندھ غلام نبی میمن اور وزیر داخلہ سندھ نے شرکت کی، جہاں بڑی تعداد میں ڈاکوؤں نے سندھ حکومت کی سرینڈرپالیسی کے تحت ہتھیار ڈال کر خود کو پولیس کے حوالے کیا۔
ڈی آئی جی لاڑکانہ ناصرآفتاب نے اپنے خطاب میں کہا کہ کچے کا علاقہ ماضی میں اغوا برائے تاوان اور ڈکیتی کی وارداتوں سے پہچانا جاتا تھا، تاہم ایک سال قبل صدر آصف علی زرداری کی زیر صدارت اجلاس میں اس مسئلے کے خاتمے کے لیے جامع پالیسی طے کی گئی۔
یہ بھی پڑھیں:
انہوں نے بتایا کہ پولیس کو جدید سہولیات فراہم کی گئیں، جس کے نتیجے میں ایک مؤثر آپریشن ممکن ہوا، جس میں پولیس، رینجرز اور خفیہ اداروں نے مل کر حصہ لیا۔
ڈی آئی جی لاڑکانہ کے مطابق اب تک 105 ڈاکو مارے جا چکے ہیں، جب کہ آج کی تقریب میں 71 ڈاکوؤں نے خود کو پولیس کے حوالے کیا اور 209 ہتھیار جمع کرائے۔
آئی جی سندھ غلام نبی میمن نے تقریب سے خطاب میں کہا کہ گزشتہ 40 برس سے سندھ کے مختلف علاقوں میں اغوا برائے تاوان کی وارداتیں عام تھیں، تاہم حالیہ برسوں میں امن و امان کی صورتحال بہتر ہوئی ہے۔
مزید پڑھیں:
ان کا کہنا تھا کہ اگرچہ سندھ کے بیشتر علاقے کلیئر ہوچکے ہیں، مگر شکارپور اور گھوٹکی کے کچھ حصے ابھی مکمل طور پر کلیئر نہیں ہوسکے۔
آئی جی سندھ نے مزید بتایا کہ اب تک 171 ڈاکو مختلف آپریشنز میں مارے گئے، جب کہ 421 زخمی حالت میں گرفتار کیے گئے۔
وزیر داخلہ سندھ ضیاالحسن لنجار نے تقریب سے خطاب کرتے ہوئے کہا کہ امن کا قیام سب کی خواہش ہے، اور حکومت کی پالیسی واضح ہے کہ ڈاکو ہتھیار ڈالیں اور پرامن شہری بنیں۔
مزید پڑھیں:
انہوں نے کہا کہ پولیس نے حکومت کی جارحانہ مگر مفاہمانہ پالیسی کے تحت کام کیا اور مختلف برادریوں کے سربراہان کے تعاون سے یہ کامیابی ممکن ہوئی۔
ان کا کہنا تھا کہ ہتھیار ڈالنے والوں کو معاشرے کا مفید شہری بننے کا موقع دیا جائے گا، جبکہ حکومت کچے کے علاقوں میں ترقیاتی منصوبے، سڑکیں اور بچوں کے لیے تعلیم کے مواقع فراہم کرے گی۔
وزیر داخلہ نے مزید کہا کہ حکومت کا ارادہ ہے کہ کچے کے عوام کو روزگار اور بینظیر انکم سپورٹ پروگرام کے کارڈ دیے جائیں، تاکہ وہ ایک پُرامن اور خوشحال زندگی گزار سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اغوا برائے تاوان بینظیر انکم سپورٹ پروگرام ڈی آئی جی لاڑکانہ سرینڈرپالیسی سندھ شکارپور گھوٹکی ناصرآفتاب.
ذریعہ
ذریعہ: WE News
کلیدی لفظ: اغوا برائے تاوان بینظیر انکم سپورٹ پروگرام ڈی آئی جی لاڑکانہ سرینڈرپالیسی شکارپور گھوٹکی ناصرآفتاب پولیس کے حوالے کہا کہ
پڑھیں:
اسلام آباد میں گلاسگو 2026 دولتِ مشترکہ کھیلوں کی افتتاحی تقریب
برطانوی ہائی کمیشن نے گلاسگو 2026 دولتِ مشترکہ کھیلوں کے آغاز کی مناسبت سے اسلام آباد میں ایک خصوصی استقبالیہ تقریب کا انعقاد کیا، جس میں کھیل، حکومت، سول سوسائٹی، میڈیا اور دولتِ مشترکہ کے سابق اسکالرز سمیت مختلف شعبہ ہائے زندگی سے تعلق رکھنے والی شخصیات نے شرکت کی۔
گلاسگو میں 23 جولائی سے 2 اگست 2026 تک منعقد ہونے والے دولتِ مشترکہ کھیلوں میں 74 رکن ممالک اور خطوں کے تقریباً 3 ہزار کھلاڑی حصہ لے رہے ہیں۔ مقابلوں میں 10 مختلف کھیل شامل ہیں، جن میں 6 پیرا اسپورٹس بھی شامل ہیں۔
یہ بھی پڑھیں:دولت مشترکہ میں خدمات سرانجام دینے والی بلی کو نئی ذمہ داریاں مل گئیں
تقریب سے خطاب کرتے ہوئے پاکستان میں برطانوی ہائی کمشنر جین میریٹ نے کہا کہ دولتِ مشترکہ کھیل صرف تمغے جیتنے کا مقابلہ نہیں بلکہ یہ مختلف قوموں کو قریب لانے، صلاحیتوں کو اجاگر کرنے اور کھیلوں کے ذریعے معاشروں کو متحد کرنے کا ذریعہ ہیں۔ انہوں نے کہا کہ پاکستان کی کھیلوں کی تاریخ شاندار رہی ہے اور پاکستانی کھلاڑی آج بھی نوجوان نسل کے لیے باعثِ تحریک ہیں۔ انہوں نے برطانیہ، پاکستان اور دولتِ مشترکہ کے درمیان مضبوط تعلقات پر بھی اطمینان کا اظہار کیا۔
تقریب میں دولتِ مشترکہ اسکالرشپس اور فیلوشپس پروگرام کو بھی اجاگر کیا گیا، جس کے ذریعے گزشتہ 60 برس سے مختلف رکن ممالک کے طلبہ کو اعلیٰ تعلیم اور پیشہ ورانہ مہارت کے مواقع فراہم کیے جا رہے ہیں۔
استقبالیے سے قبل برطانوی ہائی کمیشن نے پاکستان سے تعلق رکھنے والے ان نوجوان رہنماؤں کو بھی اعزازات سے نوازا، جنہیں “ملکہ الزبتھ دوم کامن ویلتھ ٹرسٹ 100 ینگ لیڈرز ایوارڈز” کے لیے منتخب کیا گیا تھا۔
اعزاز حاصل کرنے والوں میں پاک جی پی ٹی کی شریک بانی فرح گل رہوجہ شامل ہیں، جو مصنوعی ذہانت کے ذریعے تعلیم، صحت اور موسمیاتی تبدیلی سے متاثرہ محروم طبقات کی مدد کر رہی ہیں۔ امید فاؤنڈیشن کے بانی حسن اشرف کو محنت کش بچوں اور پسماندہ طبقات کے لیے مفت تعلیم کے فروغ پر سراہا گیا، جبکہ گرلز یونائیٹڈ فار ہیومن رائٹس کی بانی ہادیقہ بشیر کو کم عمری کی شادی کے خاتمے، صنفی تشدد کے خلاف جدوجہد اور بچیوں کی تعلیم کے فروغ پر اعزاز دیا گیا۔ اسی طرح آئی ایس وائی ڈی کے بانی جوشوا دلاور کو نوجوانوں کی شمولیت، صحت میں مساوات، صنفی برابری اور سماعت سے محروم نوجوانوں کی تربیت کے شعبے میں خدمات پر ایوارڈ سے نوازا گیا۔
برطانوی ہائی کمیشن کے مطابق گلاسگو 2026، برطانیہ کی جانب سے 2014 میں گلاسگو اور 2022 میں برمنگھم میں کامیاب دولتِ مشترکہ کھیلوں کے انعقاد کی روایت کو آگے بڑھا رہا ہے، جبکہ اس تقریب کا مقصد کھیل، تعلیم اور نوجوان قیادت کے ذریعے دولتِ مشترکہ ممالک کے درمیان دوستی اور تعاون کو مزید مضبوط بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد برٹش ہائی کمیشن پاکستان دولت مشترکہ
بھارت سے جنگ اور افغانستان میں کارروائی خارج ازامکان نہیں، وزیردفاع