بیٹی کی مغربی طرز کی شادی کی ویڈیو وائرل، خامنہ ای کے مشیر علی شمخانی کا ردعمل آگیا
اشاعت کی تاریخ: 23rd, October 2025 GMT
بیٹی کی مغربی طرز کی شادی کی ویڈیو وائرل، خامنہ ای کے مشیر علی شمخانی کا ردعمل آگیا WhatsAppFacebookTwitter 0 23 October, 2025 سب نیوز
ایران کے سپریم لیڈر آیت اللہ سید علی خامنہ ای کے مشیر ایڈمرل علی شمخانی نے بیٹی کی مغربی طرز کی شادی کی وائرل ویڈیو پر ردعمل دے دیا۔
گزشتہ دنوں علی شمخانی کی بیٹی کی شادی کی تقریب کی ویڈیو سوشل میڈیا پر وائرل ہوئی، یہ ویڈیو گزشتہ برس اپریل میں ہونے والی شادی کی تقریب کی ہے۔
ویڈیو میں علی شمخانی اپنی بیٹی کا ہاتھ تھامے، نچھاور پھولوں کے درمیان شادی ہال میں داخل ہوتے ہوئے نظر آتے ہیں، وہ اپنی بیٹی کے ساتھ اسٹیج تک جاتے ہیں، جہاں ان کا داماد اپنی فیملی کے ساتھ موجود ہوتا ہے اور گروپ تصاویر کے بعد واپس چلے جاتے ہیں۔
تاہم، سب کی توجہ اس بات پر گئی کہ ویڈیو میں علی شمخانی کی بیٹی اور اہلیہ مغربی طرز کے لباس میں نظر آئیں، جب کہ تقریب میں موجود دیگر خواتین بھی بغیر حجاب کے دکھائی دیں۔
ایران میں جہاں پردے اور حجاب پر سخت پابندی ہے، وہاں اس ویڈیو نے حیرانی اور تنازع پیدا کر دیا۔
خیال رہے کہ علی شمخانی ایران کے سینئر ترین عہدیداروں میں شمار ہوتے ہیں۔
انہوں نے امریکا کے ساتھ جوہری مذاکرات میں حصہ لیا اور خواتین کے حقوق کے لیے ملک میں ہونے والے مظاہروں کے خلاف کریک ڈاؤن کی قیادت بھی کی اور وہ سابق قومی سلامتی کونسل کے سربراہ بھی رہ چکے ہیں۔
ایرانی میڈیا کے مطابق علی شمخانی کی بیٹی کی شادی کی لیک ویڈیو نے تہران میں عوامی اور سیاسی حلقوں میں ہلچل پیدا کر دی ہے۔
ایرانی سوشل میڈیا صارفین نے اسے دوغلا پن قرار دیتے ہوئے مطالبہ کیا کہ علی شمخانی تمام عہدوں سے فوری مستعفی ہوں اور مذہبی حلقوں نے ویڈیو کو ایران کے سخت اسلامی ضوابط کی خلاف ورزی قرار دے کر شدید تنقید کی۔
دوسری جانب علی شمخانی کے حامیوں نے کہا کہ ویڈیو کا لیک ہونا ایک بیرونی سازش ہو سکتی ہے، جس کا مقصد انہیں بدنام کرنا ہے۔
انہوں نے اسے ایران کے اندرونی معاملات میں مداخلت اور سیاسی استحکام کو نقصان پہنچانے کی کوشش قرار دیا۔
بعدازاں علی شمخانی نے اپنی خاموشی توڑتے ہوئے اس ویڈیو پر ردعمل دیتے ہوئے کہا کہ وہ ابھی تک زندہ ہیں، یہ جملہ وہ گزشتہ جون میں اسرائیل کے فضائی حملے سے محفوظ رہنے کے بعد بھی استعمال کر چکے ہیں۔
انہوں نے صحافی سے گفتگو میں ویڈیو کے لیک ہونے کے پیچھے اسرائیل کے ہاتھ ہونے کا اشارہ بھی دیا اور اسے بیرونی بھی مداخلت قرار دیا۔
علی شمخانی نے مزید کہا کہ یہ تقریب صرف خواتین کی تھی اور وہ صرف اپنی بیٹی کو اسٹیج تک چھوڑنے گئے تھے، اس لیے وہاں پر مردوں کی موجودگی کا سوال ہی پیدا نہیں ہوتا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمستونگ سے اغوا ہونے والے پولیس افسر کی لاش مل گئی غزہ امن مشن میں متعدد ممالک شمولیت پر آمادہ؛ امریکی وزیر خارجہ کا انکشاف چین اور امریکہ کے درمیان معاشی و تجارتی مذاکرات کل سے ملائشیا میں ہوں گے چین کا شامی عبوری حکومت سے دہشت گردی کے خلاف اپنی ذمہ داریاں پوری کرنے کا مطالبہ امریکا کا روس کی دو بڑی آئل کمپنیوں پر پابندیاں لگانے کا اعلان اسرائیلی پارلیمنٹ نے مقبوضہ مغربی کنارے کو ضم کرنے کی منظوری دے دی یورپی فریق چین اور روس کی کمپنیوں کے معمول کے تجارتی تبادلوں پر اعتراض کرنے کا اہل نہیں ہے ، چینی وزارت خارجہCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: علی شمخانی کی شادی کی بیٹی کی
پڑھیں:
سعودی عرب کی ابراہیمی معاہدے میں شمولیت تاریخی قدم ہوگا، نیتن یاہو کا ٹرمپ کی شرط پر ردعمل
نیتن یاہو - فوٹو: فائلاسرائیلی وزیراعظم بن یامین نیتن یاہو نے امریکی صدر ڈونلڈ ٹرمپ کے سعودی عرب پر سول جوہری معاہدے کےلیے ابراہیمی معاہدے میں شمولیت کی شرط سے متعلق ردِ عمل دے دیا۔
برطانوی خبر رساں ادارے رائٹرز کی رپورٹ کے مطابق ایکس (سابقہ ٹوئٹر) پر جاری ایک بیان میں اسرائیلی وزیراعظم کا کہنا تھا کہ سعودی عرب کا ’ابراہیمی معاہدے‘ میں شامل ہونا مشرقِ وسطیٰ میں امن و سلامتی کے لیے تاریخی اور عظیم پیش رفت ہوگی۔
خیال رہے کہ نیتن یاہو کی جانب سے یہ بیان امریکی صدر ڈونلڈ ٹرمپ کے اس اعلان کے بعد سامنے آیا جس میں انہوں نے امریکہ اور سعودی عرب کے درمیان ہونے والے سول جوہری معاہدے کا ذکر کیا تھا۔
اپنے بیان میں امریکی صدر کا کہنا تھا کہ امریکی محکمہ توانائی اور سعودی عرب کے درمیان سول جوہری معاہدہ منظور کرلیا جائے گا۔
صدر ٹرمپ نے واضح طور پر یہ شرط رکھی تھی کہ امریکہ اور سعودی عرب کے درمیان یہ سول جوہری معاہدہ اسی صورت ممکن ہوگا جب سعودی عرب باضابطہ طور پر ’ابراہیمی معاہدے‘ کا حصہ بنے گا۔
تاہم یہ علم میں رہے کہ اپنے بیان میں اسرائیلی وزیراعظم نے امریکہ اور سعودی عرب کے اس سول جوہری معاہدے کا براہِ راست کوئی تذکرہ نہیں کیا۔
بھارت سے جنگ اور افغانستان میں کارروائی خارج ازامکان نہیں، وزیردفاع