ایمپائر ڈومیسٹک کرکٹ میں پسندیدہ کھلاڑیوں کو آؤٹ نہیں دیتے، سابق کپتان راشد لطیف
اشاعت کی تاریخ: 24th, October 2025 GMT
قومی کرکٹ ٹیم کے سابق کپتان راشد لطیف نے پاکستان کی ڈومیسٹک کرکٹ میں بدعنوانی اور جانبداری کے سنگین الزامات عائد کیے ہیں۔
راشد لطیف نے نجی ٹی وی کے مارننگ شو میں انکشاف کیا کہ ڈومیسٹک سطح پر ایسے کھلاڑیوں کو جان بوجھ کر آؤٹ نہیں دیا جاتا جنہیں سلیکشن کمیٹی یا اثر و رسوخ رکھنے والے افراد قومی ٹیم میں شامل کرنا چاہتے ہیں۔
مزید پڑھیں: محمد رضوان کو مذہبی ماحول فروغ دینے پر کپتانی سے ہٹایا گیا، راشد لطیف کا دعویٰ
ان کے بقول، جن کھلاڑیوں کو اوپر لانا ہوتا ہے، ایمپائر انہیں آؤٹ ہی نہیں دیتے تاکہ وہ اچھے رنز کر سکیں، اور جو پسندیدہ فہرست میں نہیں ہوتے، ان کے خلاف سخت فیصلے کیے جاتے ہیں، انہیں صفر پر بھی آؤٹ دے دیا جاتا ہے۔
سابق کپتان نے مزید کہا کہ اس طرح کے واقعات نہ صرف میرٹ کو نقصان پہنچاتے ہیں بلکہ ڈومیسٹک کرکٹ کے اعتماد اور شفافیت کو بھی مجروح کرتے ہیں۔
مزید پڑھیں: ایشیا کپ: راشد لطیف کو پاک-بھارت میچ میں فکسنگ کا خدشہ، پاکستانی بیٹنگ مشکوک قرار دے دی
انہوں نے کرکٹ بورڈ سے مطالبہ کیا کہ ایمپائرنگ کے نظام میں اصلاحات لائی جائیں۔ پاکستان کرکٹ کو آگے بڑھانے کے لیے سچ بولنا اور غلط کو غلط کہنا ضروری ہے، ورنہ ہم وہی غلطیاں دہراتے رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کرکٹ بورڑ پی سی بی ڈومیسٹک کرکٹ راشد لطیف ناقص ایمپائرنگ.
ذریعہ
ذریعہ: WE News
کلیدی لفظ: پاکستان کرکٹ بورڑ پی سی بی ڈومیسٹک کرکٹ راشد لطیف ناقص ایمپائرنگ ڈومیسٹک کرکٹ راشد لطیف
پڑھیں:
بانی سے ملاقات نہ ہوئی تو وفاقی بجٹ پاس نہیں ہونے دیں گے: سہیل آفریدی
راولپنڈی (اپنے سٹاف رپورٹر سے) وزیراعلیٰ خیبر پی کے محمد سہیل آفریدی نے اپنی اور صوبائی مشیر خزانہ کی بانی چیئرمین پاکستان تحریک انصاف سے ملاقات کرانے کا مطالبہ کرتے ہوئے کہا ہے کہ بانی سے بجٹ پر رہنمائی حاصل کرنا ضروری‘ اس کے لیے اسلام آباد ہائیکورٹ سے بھی رجوع کیا جائے گا۔ علیمہ خان کے ساتھ اڈیالہ جیل کے باہر گفتگو کرتے ہوئے وزیراعلیٰ نے کہا کہ ہمیں مزید دیوار سے لگانے کی کوشش اور ملاقات کا حق نہ دیا گیا تو 10 جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیا جائے گا۔ انہوں نے کہا کہ خیبر پی کے میں حکومت عمران خان کی ہے، اسے ان کے سوا کوئی ختم نہیں کر سکتا۔ انہوں نے مزید کہا کہ حکومت کے پاس نہ موثر داخلہ پالیسی ہے اور نہ ہی خارجہ پالیسی۔ آنے والا وفاقی بجٹ عوام پر ایک معاشی ایٹم بم ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ