’بزدلانہ حرکت ہے، ہم ڈرنے والے نہیں‘: وزیراعلیٰ کے پی کا دوران خطاب اسلام آباد دھماکے کی اطلاع پر ردعمل
اشاعت کی تاریخ: 12th, November 2025 GMT
ان چیزوں سے ہم ڈرنے والے نہیں، مقابلہ کرتے آئے ہیں، وزیراعلیٰ— فوٹو: اسکرین گریب
خیبر پختونخوا کے وزیراعلیٰ سہیل آفریدی ایک تقریب سے خطاب کررہے تھے جب انہيں اسلام آباد دھماکے کی اطلاع دی گئی۔پشاور میں تقریب سے خطاب کے دوران سہیل آفریدی نے دھماکے کی اطلاع ملتے ہی مذمت کی اور کہا کہ مجھے ابھی بتایا کہ اسلام آباد میں دھماکا ہوا ہے یہ ایک بزدلانہ حرکت ہے اس کی شدید الفاظ میں مذمت کرتے ہیں۔انہوں نے کہا کہ گزشتہ روز وانا میں کیڈٹ کالج پر حملہ ہوا اس کی بھی ہم مذمت کرتے ہیں، ان چیزوں سے ہم ڈرنے والے نہیں، مقابلہ کرتے آئے ہیں۔ان کا کہنا تھاکہ امن کی جدوجہد میں پورے پاکستان نے قربانیاں دی ہیں، پاکستان اور بالخصوص خیبرپختونخوا میں امن لے کر آئیں گے۔ بعدازاں وزیراعلیٰ تقریر ادھوری چھوڑ کر چلے گئے۔خیال رہے کہ اسلام آباد کچہری کے باہر خودکش دھماکا ہوا جس میں 12 افراد شہید اور 30 زخمی ہوگئے جن میں سے کئی زخمیوں حالت تشویش ناک ہے۔پولیس ذرائع کے مطابق دھماکا بھارتی حمایت یافتہ اور افغان طالبان کی پراکسی فتنہ الخوارج کے خودکش حملہ آور نے کیا، دھماکے کی جگہ سے مبینہ خودکش حملہ آور کا سر مل گیا، دھماکے میں آس پاس کھڑے لوگ زد میں آئے اور 3 گاڑیوں کو بھی نقصان پہنچا ، جس میں ایک گاڑی پولیس کی اور دو پرائیویٹ گاڑیاں ہیں ۔
.ذریعہ: Nawaiwaqt
کلیدی لفظ: دھماکے کی
پڑھیں:
ممبران جی بی کونسل کی اسلام آباد دھماکے کی شدید مذمت
ممبران کونسل نے شہداء کے لواحقین سے دلی تعزیت اور ہمدردی کا اظہار کرتے ہوئے زخمیوں کی جلد صحتیابی کے لیے دعا کی۔ انہوں نے کہا کہ پورا ملک شہداء کے خاندانوں کے دکھ میں برابر کا شریک ہے اور دہشت گردی کے خلاف قوم متحد اور پرعزم ہے۔ اسلام ٹائمز۔ گلگت بلتستان کونسل کے ممبران ایوب شاہ، شیخ احمد علی نوری، اقبال نصیر، سید شبیہ الحسنین، عبد الرحمن اور حشمت اللہ نے ایک مشترکہ بیان میں اسلام آباد میں ہونے والی دہشتگردی کی شدید مذمت کرتے ہوئے کہا ہے کہ اس بزدلانہ کارروائی نے پورے ملک کو سوگوار کر دیا ہے۔ بے گناہ شہریوں کا خون بہانے والے انسانیت کے دشمن ہیں، جن کا کسی مذہب، قوم یا نظریے سے کوئی تعلق نہیں۔ایسے حملے قوم کے حوصلے پست نہیں کر سکتے بلکہ ہمیں دہشت گردی کے خاتمے کے عزم میں مزید مضبوط کرتے ہیں۔ انہوں نے مزید کہا کہ ریاست کی اولین ذمہ داری شہریوں کے جان و مال کا تحفظ ہے اور حکومت کو چاہیے کہ دہشت گردی کے خاتمے کے لیے انٹیلی جنس اور سیکیورٹی کے نظام کو مزید مؤثر بنائے تاکہ آئندہ اس طرح کے واقعات کی روک تھام ممکن ہو۔ ممبران کونسل نے شہداء کے لواحقین سے دلی تعزیت اور ہمدردی کا اظہار کرتے ہوئے زخمیوں کی جلد صحتیابی کے لیے دعا کی۔ انہوں نے کہا کہ پورا ملک شہداء کے خاندانوں کے دکھ میں برابر کا شریک ہے اور دہشت گردی کے خلاف قوم متحد اور پرعزم ہے۔
امریکی صدر نے پاک بھارت جنگ میں 8 طیارے گرائے جانے کا دعویٰ کردیا