فیلڈ مارشل عاصم منیر نے کیڈٹ کالج وانا پر دہشتگردوں کے حملے کے بعد کیا ہدایات دی تھیں؟
اشاعت کی تاریخ: 12th, November 2025 GMT
جنوبی وزیرستان کے علاقے وانہ میں کیڈٹ کالج پر افغان خوارج کے دہشت گرد حملے کو سیکیورٹی فورسز نے ناکام بنا دیا۔ تمام طلبا اور عملہ محفوظ ہیں جبکہ حملہ کرنے والے تمام دہشت گرد مارے گئے۔
سیکیورٹی ذرائع کے مطابق چیف آف آرمی اسٹاف فیلڈ مارشل عاصم منیر نے خود آپریشن کی نگرانی کی اور موقع پر موجود کمانڈرز کو ہدایت دی کہ یہ نوجوان پاکستان کا مستقبل ہیں، ان میں سے کسی کو نقصان نہیں پہنچنا چاہیے۔
یہ بھی پڑھیے: اسلام آباد میں خود کش دھماکا، وانا کیڈٹ کالج پر بھی وار، آخر یہ ہو کیا رہا ہے؟
آپریشن کمانڈر کرنل محمد طاہر کے مطابق 10 نومبر کو پانچ افغان خوارج نے کیڈٹ کالج وانا پر حملہ کیا۔ ایک خودکش حملہ آور نے داخلی دروازے پر خود کو دھماکے سے اڑا لیا جبکہ دیگر نے اندر داخل ہونے کی کوشش کی۔
سیکیورٹی فورسز نے فوری کارروائی کرتے ہوئے انہیں ایک مخصوص بلاک میں محدود کر دیا تاکہ تمام کیڈٹس کی جانیں محفوظ رہیں۔ کرنل طاہر کے مطابق رات 10 سے ساڑھے 10 بجے کے دوران بھرپور آپریشن کے بعد تمام دہشت گردوں کو ہلاک کر دیا گیا۔
کیڈٹس نے بتایا کہ وہ شام کے وقت ڈرل مقابلے کی تیاری کر رہے تھے جب اچانک دھماکا ہوا۔ انہوں نے فوراً سمجھ لیا کہ یہ تعلیم دشمن عناصر کا حملہ ہے جو انہیں علم سے روکنا چاہتے ہیں۔ پاکستان آرمی کے جوانوں نے اپنی جانوں کو ڈھال بنا کر طلبہ کو محفوظ مقام تک منتقل کیا۔
یہ بھی پڑھیے: کیڈٹ کالج وانا پر حملہ آور تمام دہشتگرد ہلاک، طلبا اور اساتذہ کو ریسکیو کرلیا گیا
کیڈٹس نے عزم ظاہر کیا کہ دشمن کبھی بھی ان کی تعلیم اور عزم کو متزلزل نہیں کر سکتا۔ اساتذہ نے بھی طلبہ کو تسلی دی کہ پاک فوج پہنچ چکی ہے، سب محفوظ رہیں۔
سیکیورٹی فورسز کی بروقت کارروائی سے ایک بڑا دہشت گرد منصوبہ مکمل طور پر ناکام بنا دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خودکش حملہ دہشتگردی فیلڈ مارشل عاصم منیر کیڈٹ کالج وانا.
ذریعہ
ذریعہ: WE News
کلیدی لفظ: خودکش حملہ دہشتگردی فیلڈ مارشل عاصم منیر کیڈٹ کالج وانا کیڈٹ کالج وانا
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار