مدینہ منورہ نے ایک اور اہم گلوبل ایوارڈ جیت لیا
اشاعت کی تاریخ: 14th, November 2025 GMT
مدینہ منورہ نے پائیدار ترقی کا شنگھائی گلوبل ایوارڈ جیت لیا ہے۔
عالمی میڈیا رپورٹ اور سعودی پریس ایجنسی کے مطابق مدینہ منورہ نے پائیدار ترقی کے میدان میں ایک اور عالمی اعزاز حاصل کرتے ہوئے شنگھائی گلوبل ایوارڈ برائے پائیدار ترقی کے تیسرے ایڈیشن میں کامیابی حاصل کی ہے۔
سعودی پریس ایجنسی کے مطابق یہ ایوارڈ مدینہ کی شہری اختراع، پائیداری اور معیارِ زندگی کو بہتر بنانے میں نمایاں کارکردگی کا اعتراف ہے۔
یہ ایوارڈ اس بات کی علامت ہے کہ مدینہ منورہ نے شہری ترقی کے لیے ایک متوازن قومی ماڈل اپنایا ہے۔ اس ماڈل کی خاص بات یہ ہے کہ اس میں شہریوں کی ضروریات اور معیارِ زندگی کو سب سے زیادہ اہمیت دی گئی ہے، یعنی ترقی کا عمل صرف عمارتوں یا ڈھانچوں تک محدود نہیں، بلکہ اس کا مقصد لوگوں کی روزمرہ زندگی کو بہتر بنانا ہے۔ اور یہ ماڈل ڈیجیٹل ٹیکنالوجی کے استعمال، ماحول کے تحفظ اور پائیدار ترقی کو فروغ دینے پر مبنی ہے۔
مدینہ منورہ کے میئر فہد بن محمد البلیہشی کا کہنا ہے کہ مدینہ اب پائیدار ترقی کے اہداف کو مقامی سطح پر عملی شکل دینے میں دنیا بھر کے لیے ایک مثال بن گیا ہے، ان کا کہنا ہے کہ شہر نے ایسا نظام قائم کیا ہے جو شہریوں کی شمولیت کو ترجیح دیتا ہے۔ شہریوں کی سہولت کے لیے اٹھائے جانے والے اقدامات میں اربن ڈیٹا پلیٹ فارم ’’منارا‘‘، پبلک ٹرانسپورٹ سسٹم ’’مدینہ بسیز‘‘، وادی العقیق ماحولیاتی بحالی منصوبہ قابلِ ذکر ہیں۔
واضح رہے کہ شنگھائی گلوبل ایوارڈ پائیدار ترقی کے اہداف میں نمایاں کارکردگی دکھانے والے شہروں کو دیا جاتا ہے۔ اس کے تیسرے ایڈیشن میں 33 ممالک کے 58 شہروں نے شرکت کی، جب کہ نتائج کا اعلان کولمبیا کے دارالحکومت بوگوٹا میں منعقدہ تقریب میں کیا گیا۔
.
ذریعہ
ذریعہ: Al Qamar Online
کلیدی لفظ: پاکستان کھیل پائیدار ترقی کے گلوبل ایوارڈ
پڑھیں:
صدر آصف علی زرداری سے بلوچستان کے صوبائی وزراء کی ملاقات
ویب ڈیسک: صدرِ مملکت آصف علی زرداری سے بلوچستان کے صوبائی وزراء کی بلاول ہاؤس کراچی میں ملاقات ہوئی جس میں بلوچستان میں امن و امان، ترقیاتی منصوبوں اور صوبے کی مجموعی صورتحال پر تبادلہ خیال کیا گیا۔
صدر ِمملکت نے بلوچستان میں ترقی کے عمل کو مزید تیز کرنے کی ضرورت پر زور دیتے ہوئے کہا کہ بلوچستان کے عوام کو بنیادی سہولیات کی فراہمی اور صوبے کی ترقی حکومت کی اولین ترجیحات میں شامل ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
انہوں نے بلوچستان میں جاری ترقیاتی منصوبوں پر پیش رفت تیز کرنے کی ہدایت کی۔
صدر مملکت نے کہا کہ بلوچستان کی ترقی، امن و امان کی صورتحال کو بہتر کرنے، عوامی فلاح اور صوبے میں معاشی سرگرمیوں کے فروغ کے لیے تمام متعلقہ ادارے مربوط انداز میں کام کریں۔
ملاقات میں صوبائی وزیرِ آبپاشی صادق عُمرانی، وزیرِ منصوبہ بندی و ترقی ظہور بلیدی، وزیرِ صحت میر بخت کاکڑ، وزیرِ لائیو اسٹاک سردار فیصل جمالی، وزیرِ صنعت و تجارت کویار ڈومکی، وزیرِ محنت غلام رسول عُمرانی اور پاکستان پیپلز پارٹی بلوچستان کے سینئر نائب صدر میر علی حسن زہری شریک تھے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
تحریکِ تحفظِ آئینِ پاکستان کا پارلیمنٹ ہائوس سے دھرنا ختم