پاکستان کا بھی سری لنکا پر احسان ہے، راشد لطیف نے ماضی یاد کرا دیا
اشاعت کی تاریخ: 14th, November 2025 GMT
سابق قومی کرکٹر راشد لطیف نے کہا ہے کہ سری لنکا میں جب حالات خراب تھے تو اس وقت پاکستان نے بھی وہاں کرکٹ کے میدان آباد رکھنے میں اہم کردار ادا کیا۔
سوشل میڈیا پر اپنے ایک بیان میں انہوں نے کہاکہ 1994 میں جب پاکستان ٹیم 3 ٹیسٹ اور 3 ون ڈے انٹرنیشنل کھیلنے سری لنکا گئی تو وہاں کی صورتحال انتہائی خراب تھی۔ ایل ٹی ٹی ای کے ساتھ جھڑپیں جاری تھیں۔ کولمبو میں دو ٹیسٹ میچز کے بعد ایک دھماکا ہوا اور شہر میں کرفیو نافذ کردیا گیا۔
مزید پڑھیں: مشکل وقت میں سری لنکا کا ساتھ قابلِ تحسین ہے، قومی کرکٹرز کا خصوصی پیغام
’جس کے باعث تیسرا ٹیسٹ منسوخ کرنا پڑا۔ مشکل حالات کے باوجود پاکستان ٹیم کولمبو میں ہی رہی اور پاکستان کرکٹ بورڈ اور حکومت کے اس فیصلے کو کھلاڑیوں نے نہایت سنجیدگی سے لیا۔‘
انہوں نے لکھا کہ منسوخ شدہ ٹیسٹ کی جگہ 2 ون ڈے میچ شامل کیے گئے، جس سے مجموعی طور پر 5 میچ ہوئے۔ پاکستان نے ٹیسٹ سیریز 0-2 اور ون ڈے سیریز 1-4 سے جیت لی۔
In 1994, when we went to Sri Lanka to play three Tests and three One Day Internationals, the situation in Sri Lanka was not good.
— Rashid Latif | ???????? (@iRashidLatif68) November 13, 2025
راشد لطیف کے مطابق جنوری 1996 میں سری لنکا کی صورتحال دوبارہ انتہائی خراب ہو گئی، جہاں بم دھماکے، خودکش حملے اور کرفیو معمول بن گئے تھے۔ 1996 کا ورلڈ کپ بھارت، پاکستان اور سری لنکا میں ہونا تھا۔ ویسٹ انڈیز اور آسٹریلیا نے سری لنکا جانے سے انکار کردیا۔ یہ ایک مشکل وقت تھا جس پر پاکستان اور بھارت نے مشترکہ ٹیم تشکیل دے کر اسے کولمبو بھیجا۔
’اس ٹیم میں اظہر الدین، سچن ٹنڈولکر، سعید انور، وسیم اکرم، انیل کمبلے، راشد لطیف، وقار یونس، اجے جادیجا، اعجاز احمد اور عامر سہیل شامل تھے۔‘
ان کے مطابق میچ کے بعد کپتان رانا ٹنگا نے جذباتی خطاب کیا اور دونوں ٹیموں کا شکریہ ادا کیا۔ سری لنکا نے فائنل میں لاہور میں آسٹریلیا کو شکست دے کر ورلڈ کپ جیتا، اور بے نظیر بھٹو نے رانا ٹنگا کو ٹرافی پیش کی۔
راشد لطیف نے بتایا کہ 3 مارچ 2009 کو لاہور میں سری لنکن ٹیم پر حملے کے بعد پاکستان میں انٹرنیشنل کرکٹ کے دروازے بند ہوگئے اور پاکستان نے اپنی ہوم سیریز یو اے ای میں کھیلنا شروع کردیں۔
انہوں نے کہاکہ اب ایک مرتبہ پھر جب بم وفاقی دارالحکومت میں دھماکا ہوا تو سری لنکن ٹیم اسلام آباد میں موجود تھی۔ کچھ کھلاڑیوں نے اپنی مینجمنٹ سے وطن واپس جانے کی درخواست کی، جس سے پی سی بی کو مشکلات کا سامنا کرنا پڑا۔
’پاکستان کرکٹ بورڈ اور حکومت نے فوری سفارتی روابط استعمال کرتے ہوئے سری لنکن بورڈ اور ہائی کمیشن سے رابطہ کیا، جس کے نتیجے میں سری لنکن بورڈ نے پریس ریلیز جاری کی کہ ان کی ٹیم دورہ مکمل کرے گی۔‘
انہوں نے کہاکہ پاکستان میں کرکٹ کی بہت اہمیت ہے، اور سری لنکا کی ٹیم اچھا مقابلہ فراہم کرنے کی صلاحیت رکھتی ہے۔ پاکستان قریباً 8 سے 9 سال تک کوئی ہوم سیریز نہیں کھیل سکا کیونکہ سیکیورٹی خدشات کے باعث تمام ممالک دورے سے گریزاں تھے۔
مزید پڑھیں: سری لنکا کرکٹ ٹیم کو خراج تحسین پیش کرنے کی قرارداد متفقہ طور پر منظور
’لیکن جیسے ہی ہوم سیریز کا آغاز ہوا، تمام بڑی ٹیمیں آسٹریلیا، انگلینڈ، سری لنکا، زمبابوے، جنوبی افریقہ، ویسٹ انڈیز اور نیوزی لینڈ باقاعدگی سے پاکستان کا دورہ کرچکی ہیں۔‘
راشد لطیف نے کہاکہ بھارت کے ساتھ جنگ کے بعد جیو پولیٹکس میں بڑے پیمانے پر تبدیلیاں آئیں جس کے باعث پاکستان کو ایک طاقتور ملک کے طور پر دیکھا جانے لگا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان دہشتگردی راشد لطیف سری لنکا کرکٹ وی نیوز
ذریعہ
ذریعہ: WE News
کلیدی لفظ: پاکستان دہشتگردی راشد لطیف سری لنکا کرکٹ وی نیوز راشد لطیف نے انہوں نے سری لنکا نے کہاکہ کے بعد
پڑھیں:
نیٹ فلکس کی پہلی پاکستانی اوریجنل سیریز ’جو بچے ہیں سنگ سمیٹ لو‘ کب ریلیز ہو گی؟
فرحت اشتیاق کے مقبول ناول ’جو بچے ہیں سنگ سمیٹ لو‘ پر مبنی پاکستان کی پہلی نیٹفلکس اوریجنل سیریز کی ریلیز سے متعلق اہم پیش رفت سامنے آگئی ہے۔
’جو بچے ہیں سنگ سمیٹ لو‘ پہلی بار 2009 میں خواتین ڈائجسٹ میں قسط وار شائع ہوا تھا، جس کے بعد 2013 میں اسے کتابی صورت میں بھی شائع کیا گیا۔ تازہ رپورٹس کے مطابق اس پر مبنی نئی سیریز کو 2026 کے اختتام تک نیٹ فلکس پر ریلیز کیا جائے گا۔
اگرچہ اس سے قبل کئی کامیاب پاکستانی ڈرامے ٹی وی پر نشر ہونے کے بعد نیٹ فلکس پر دستیاب کیے جا چکے ہیں، تاہم ’جو بچے ہیں سنگ سمیٹ لو‘ نیٹ فلکس کی پہلی پاکستانی اوریجنل سیریز ہو گی، جسے ہم ٹی وی اور نیٹ فلکس کے اشتراک سے تیار کیا گیا ہے۔
سیریز کی کاسٹ میں ماہرہ خان، فواد خان، بلال اشرف، حمزہ علی عباسی، ہانیہ عامر، اقرا عزیز، صنم سعید، احد رضا میر، نادیہ خان اور دیگر معروف فنکار شامل ہیں، جبکہ اس کی ہدایت کاری اور پروڈکشن مومنہ درید نے کی ہے۔
یہ سیریز ابتدائی طور پر 2025 میں ریلیز ہونا تھی، تاہم مقررہ وقت پر اس کی نمائش نہ ہو سکی۔ اس کے بعد طویل عرصے تک نہ کاسٹ اور نہ ہی پروڈیوسرز کی جانب سے کوئی باضابطہ اپ ڈیٹ سامنے آئی، جس کے باعث یہ قیاس آرائیاں بھی ہونے لگیں کہ شاید منصوبہ ملتوی یا منسوخ کر دیا گیا ہے۔
اب تازہ اطلاعات کے مطابق مومنہ درید اس وقت سیریز کی فائنل ایڈیٹنگ کی نگرانی کر رہی ہیں، جبکہ توقع کی جا رہی ہے کہ آنے والے دنوں میں کاسٹ اس کی تشہیری مہم کا آغاز بھی کرے گی۔
دوسری جانب، کئی سال کی تاخیر کے باعث پاکستانی ناظرین اب بھی ریلیز کی خبروں پر مکمل یقین کرنے کو تیار نہیں۔ سوشل میڈیا پر ایک مداح نے لکھا، ’’جب تک اقساط ریلیز نہیں ہوتیں، میں یقین نہیں کروں گا۔‘‘ ایک اور صارف نے تبصرہ کیا، ’’مجھے اب بھی اس خبر پر اعتماد نہیں۔‘‘
بھارت سے جنگ اور افغانستان میں کارروائی خارج ازامکان نہیں، وزیردفاع