چین نے کشیدگی بڑھنے پر شہریوں کو جاپان کا سفر نہ کرنے کی ہدایت جاری کر دی
اشاعت کی تاریخ: 14th, November 2025 GMT
بیجنگ: چین اور جاپان کے درمیان سفارتی تناؤ میں اضافہ ہوتے ہی بیجنگ نے اپنے شہریوں کو واضع ہدایت جاری کی ہے کہ وہ آئندہ مہینوں میں جاپان کا غیر ضروری سفر کرنے سے گریز کریں، یہ فیصلہ دونوں ممالک کے درمیان حالیہ سیاسی کشیدگی کے تناظر میں کیا گیا ہے جو جاپانی وزیراعظم کی تائیوان سے متعلق بیان بازی کے بعد مزید شدت اختیار کر گئی ہے۔
ترجمان وزارتِ خارجہ نے اپنے بیان میں کہا کہ جاپانی وزیراعظم کے حالیہ موقف نے چین کی خودمختاری اور علاقائی سالمیت پر براہِ راست اثر ڈالا ہے۔
بیجنگ نے اس بیان پر سخت ردعمل دیتے ہوئے جاپان کے سفیر کو طلب کیا اور باقاعدہ سفارتی احتجاج ریکارڈ کرایا، چین نے واضح کیا ہے کہ تائیوان اس کا داخلی معاملہ ہے اور کسی بھی بیرونی مداخلت کو یکسر مسترد کیا جائے گا۔
چینی حکام کے مطابق جاپان میں موجودہ ماحول غیر یقینی اور حساس ہو چکا ہے اور مستقبل قریب میں سفری پابندیوں، ویزا مسائل یا سیکیورٹی خدشات کے بڑھنے کا امکان موجود ہے، اسی بنیاد پر چینی شہریوں کو ہدایت کی گئی ہے کہ وہ فی الحال جاپان کے سفر کے بارے میں انتہائی احتیاط سے فیصلہ کریں اور موجودہ صورتحال پر نظر رکھیں۔
ماہرین کے مطابق یہ سفری انتباہ دونوں ممالک کے تعلقات میں بڑھتے ہوئے تناؤ کی ایک واضح علامت ہے، حالیہ برسوں میں مشرقی ایشیا کی جیوپولیٹکس میں تائیوان کا مسئلہ مرکزی نقطہِ اختلاف بن چکا ہے، جس کی وجہ سے نہ صرف چین اور جاپان کے درمیان فاصلے بڑھ رہے ہیں بلکہ خطے میں کشیدگی بھی مسلسل بڑھ رہی ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل جاپان کے
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا