ہری پور ضمنی انتخاب, ن لیگ کامیاب
اشاعت کی تاریخ: 24th, November 2025 GMT
قومی اسمبلی کے حلقہ این اے 18 ہری پور میں ہونے والے ضمنی انتخاب میں ن لیگ کامیاب ہوگئی۔
قومی اسمبلی کے حلقہ این اے 18 کے تمام 602 پولنگ اسٹیشنز کے نتائج سامنے آگئے، غیر حتمی غیر سرکاری نتیجے کے مطابق مسلم ليگ ن کے بابر نواز خان ایک لاکھ 63 ہزار 996 ووٹ لے کر کامیاب قرار پائے۔
پی ٹی آئی حمایت یافتہ آزاد امیدوار شہرناز عمر ایوب ایک لاکھ 20 ہزار 220 ووٹ لےکر دوسرے نمبر پر رہیں۔
این اے 18 پر شہرناز عمر ایوب (سابق قائد حزب اختلاف عمر ایوب خان کی اہلیہ) سمیت 9 امیدواروں میں مقابلہ تھا۔
پی ٹی آئی کی حمایت یافتہ آزاد امیدوار شہرناز، ن لیگ کے بابر نواز خان اور پیپلزپارٹی کی ارم فاطمہ الیکشن لڑ رہی تھیں، این اے 18 پر 6 آزاد امیدوار بھی ضمنی انتخاب کے میدان میں تھے۔
این اے 18 میں رجسٹرڈ ووٹرز کی تعداد 7 لاکھ 53 ہزار 944 ہے۔ این اے 18 میں مجموعی طور پر 602 پولنگ اسٹیشن قائم کیے گئے۔
این اے 18 کی نشست پی ٹی آئی کے عمر ایوب کے نااہل ہونے پر خالی ہوئی تھی۔ عمر ایوب کو 9 مئی ہنگامہ آرائی کیس میں سزا سنائی گئی تھی۔
ذریعہ: Jang News
کلیدی لفظ: عمر ایوب
پڑھیں:
ضمنی الیکشن: مسلم لیگ ن نے میدان مار لیا: کامیابی کا کریڈٹ نوازشریف کے وژن مریم نواز کی محنت کو جاتا ہے، وزیراعظم
کسووال+ چیچہ وطنی + لاہور+ ہری پور (نامہ نگاران + نوائے وقت رپورٹ) قومی اسمبلی کے 6 اور پنجاب اسمبلی کے 7 حلقوں میں ضمنی انتخاب کے لئے لاہور، فیصل آباد، ساہیوال، ڈیرہ غازی خان، سرگودھا، میانوالی، مظفر گڑھ اور ہری پور میں پولنگ صبح 8 بجے شروع ہو کر شام 5 بجے تک جاری رہی۔ غیر حتمی غیر سرکاری نتائج کے مطابق مسلم لیگ (ن) نے میدان مار لیا۔ مسلم لیگ (ن) نے قومی اسمبلی 4 اور صوبائی کی بھی 4 نشستیں جیت لیں۔ صوبائی اسمبلی کی دیگر 3 نشستوں پر واضح برتری حاصل ہے۔ (ن) لیگ کو قومی اسمبلی کے 2 حلقوں میں واضح برتری حاصل ہے۔ این اے 129 لاہور میں 334 پولنگ سٹیشنز میں سے 132 کے غیر حتمی غیر سرکاری نتائج کے مطابق (ن) لیگ کے میاں لقمان 14653 ووٹ لے کر پہلے نمبر پر رہے۔ آزاد امیدوار چودھری ارسلان 9055 ووٹ لے کر دوسرے نمبر پر رہے۔ این اے 96 فیصل آباد 2 میں مسلم لیگ (ن) کے بلال بدر چودھری 79278 ووٹ لے کر آگے ہیں جبکہ آزاد امیدوار نواب شیر وسیر 26483 ووٹ لے کر دوسرے نمبر پر رہے۔ بلال بدر وزیر مملکت طلال چودھری کے بھائی ہیں۔ پی پی 73 سرگودھا میں مسلم لیگ (ن) کے میاں سلطان علی رانجھا 35132 ووٹ لے کر آگے ہیں جبکہ آزاد امیدوار حارث علی رانجھا 6080ووٹ لے کر دوسرے نمبر پر رہے۔ 163 پولنگ سٹیشنز میں سے 63 غیر حتمی نتائج آئے ہیں۔ پی پی 87 میانوالی مسلم لیگ (ن) کے علی حیدر نور خان نیازی 23853 لیکر آگے جبکہ آزاد امیدوار ایاز خان نیاز 1038 ووٹ لے کر دوسرے نمبر پر رہے۔ ن لیگ کے آزاد علی تبسم 32491 ووٹ لے کر پہلے نمبر پر رہے۔ 171 پولنگ سٹیشنز میں سے 80 کے نتائج آئے ہیں۔ پی پی 115 فیصل آباد میں مسلم لیگ (ن) کے میاں طاہر، پی پی 116 فیصل آباد میں مسلم لیگ (ن) کے احمد شہریار22773 ووٹ لے کر آگے جبکہ آزاد امیدوار ملک اصغر علی قیصر 4507 ووٹ لے کر دوسرے نمبر پر رہے۔ پی پی 269 مظفرگڑھ میں پیپلزپارٹی کے علمدار عباس قریشی 34946 ووٹ لے کر پہلی جبکہ آزاد امیدوار اقبال خان پتافی 24139 ووٹ لے کر دوسرے نمبر پر رہے۔ 156 پولنگ سٹیشنز میں سے 79 کے رزلٹ آئے ۔ پنجاب اسمبلی کے حلق پی پی 115 فیصل آباد 18 کے 159 پولنگ سٹیشنز میں سے 95 ‘پنجاب اسمبلی کے حلقہ پی پی 116 فیصل آباد 19 کے 190 پولنگ سٹیشنز میں سے 100 ‘ پنجاب اسمبلی کے حلقہ پی پی 203 ساہیوال 6 کے 185 پولنگ سٹیشنز میں سے 179 کے غیر حتمی غیر سرکاری نتائج آئے ہیں۔ حلقہ این اے 143 چیچہ وطنی غیر حتمی اور غیر سرکاری نتائج کے مطابق پاکستان مسلم لیگ (ن) کے اُمیدوار چوہدری محمد طفیل جٹ 136313 ووٹ لے کرکامیاب ہو گئے۔ ذرائع کے مطابق ان کے مدمقابل آزاد اُمیدوار ضراراکبر 13120 ووٹ لے کر دوسرے نمبر پر رہے۔ ووٹنگ ٹرن آئوٹ کی شرح تقریباً 24 فیصد رہی۔ پاکستان مسلم لیگ (ن) کے کارکنوں کے ڈھول کی تھاپ پر بھنگڑے ڈالے۔ تمام 492 پولنگ سٹیشنز کے نتائج آ گئے۔ لاہور کے حلقہ این اے 129 کے ضمنی الیکشن میں مسلم لیگ ن کے امیدوار حافظ نعمان نے میدان مار لیا۔ حافظ نعمان نے 63 ہزار 441 ووٹ حاصل کئے جبکہ آزاد امیدوار ارسلان احمد 29 ہزار 99 ووٹ حاصل کر سکے۔ حافظ نعمان کو 34 ہزار 342 ووٹوں کی برتری حاصل ہوئی۔ چیچہ وطنی پی پی 203 سے مسلم لیگ ن کے چودھری محمد حنیف 46900 ووٹ لے کر کامیاب ہو گئے۔ ان کے مقابل فلک شیر 10895 ووٹ لے کر دوسرے نمبر پر رہے۔ پولنگ سٹیشنوں کی تعداد 185 تھی۔ ڈی جی خان کے حلقہ این اے 185 سے مسلم لیگ ن کے محمود قادر لغاری 82 ہزار 413 ووٹ حاصل کر کے کامیاب ہو گئے۔ ان کے مدمقابل پی پی کے دوست محمد کھوسہ 49 ہزار 262 ووٹ لیکر دوسرے نمبر پر رہے۔ پی پی 115 فیصل آباد سے مسلم لیگ ن کے محمد طاہر پرویز 49046 ووٹ لیکر کامیاب ہو گئے۔ آزاد امیدوار محمد اصغر 1898 ووٹ لیکر دوسرے نمبر پر رہے۔ پی پی 98 فیصل آباد میں مسلم لیگ ن کے آزاد علی تبسم 32491 ووٹ لیکر پہلے آزاد امیدوار اجمل چیمہ 21485 ووٹ لیکر دوسرے نمبر پر رہے۔ خیبر پی کے حکومت کے معاون خصوصی برائے اطلاعات شفیع جان نے قومی اسمبلی کے حلقہ این اے 18 کے ضمنی انتخاب میں پی ٹی آئی کی حمایت یافتہ امیدوار شہرناز عمر ایوب کی برتری کا دعویٰ کردیا۔ غیر سرکاری نتائج آنے کے دوران شفیع جان نے دعویٰ کیا کہ پی ٹی آئی کی حمایت یافتہ امیدوار شہر ناز 25 ہزار سے زائد برتری حاصل کرچکی ہیں۔ ہری پور ضمنی الیکشن کے غیر سرکاری نتائج کے مطابق پاکستان تحریک انصاف کی امیدوار شہرناز عمر ایوب کو 25,957 ووٹوں کی واضح برتری حاصل ہے، مختلف پولنگ سٹیشنز کے نتائج کے مطابق پی ٹی آئی کی امیدوار شہرناز عمر ایوب اب تک 87,029 ووٹ حاصل کر چکی ہیں۔ پاکستان مسلم لیگ (ن) کے امیدوار بابر نواز نے اب تک 61,072 ووٹ حاصل کیے ہیں، پاکستان تحریک انصاف کی برتری دراصل بانی چیئرمین عمران خان کے بیانیے اور نظریے کی واضح جیت ہے۔ شفیع جان نے کہا کہ پی ٹی آئی امیدوار کی برتری عوام کے حقیقی تبدیلی کے سفر پر اعتماد کا اظہار ہے، ہری پور کے عوام نے ثابت کیا ہے کہ خیبر پی کے پی ٹی آئی کا مضبوط سیاسی قلعہ ہے، باشعور عوام نے ووٹ کے ذریعے مسلم لیگ (ن) کی سیاست کا باب بند کر دیا ہے۔ پی پی 87 میانوالی سے مسلم لیگ ن کے علی حیدر نور خان 67986 ووٹ لیکر کامیاب رہے۔ جبکہ آزاد امیدوار محمد ایاز خان 6371 ووٹوں کے ساتھ دوسرے نمبر پر رہے۔ حلقہ این اے 104 فیصل آباد سے مسلم لیگ ن کے دانیال احمد 52791 ووٹ لیکر کامیاب اور آزاد امیدوار رانا عدنان جاوید 19262 ووٹ لیکر دوسرے نمبر پر رہے۔ دانیال احمد راجہ ریاض کے بیٹے ہیں۔ پی پی 116 فیصل آباد سے مسلم لیگ ن کے امیدوار رانا احمد شہریار 48 ہزار 824 ووٹ لیکر کامیاب جبکہ آزاد امیدوار ملک اصغر علی 11 ہزار 429 ووٹ لیکر دوسرے نمبر پر رہے۔
فیصل آباد‘ اسلام آباد (نمائندہ خصوصی+ نوائے وقت رپورٹ) فیصل آباد کے دو قومی اور تین صوبائی اسمبلی کے حلقوں میں ضمنی الیکشن انتہائی پر امن ماحول میں ہوا‘ تاہم ٹرن آئوٹ انتہائی کم رہا۔ کئی پولنگ سٹیشنوں پر پولنگ عملہ سارا دن فارغ بیٹھا رہا۔ پولنگ کے دوران کوئی ناخوشگوار واقعہ پیش نہیں آیا۔ وزیراعظم شہباز شریف نے لیگی امیدواروں کو شاندار کامیابی پر مبارک باد دی۔ اپنے پیغام میں انہوں نے کہا کہ ضمنی انتخابات میں کامیابی کا کریڈٹ میاں نواز شریف کے وژن اور ان کی بے مثال قیادت اور پارٹی کارکنوں کی محنت کو جاتا ہے‘ ضمنی انتخابات میں کامیابی وزیراعلیٰ مریم نواز کی پنجاب کی عوام کی ترقی کیلئے شبانہ روز محنت پر عوام کے اعتماد کی عکاسی ہے۔ وزیراعظم شہباز شریف نے ضمنی الیکشن میں مسلم لیگ (ن) کی کامیابی پر مبارکباد پیش کی ہے۔ وزیراعظم نے کہاکہ الیکشن میں جیت حکومتی کارکردگی پر عوام کے اعتماد کا مظہر ہے۔ حافظ نعمان اپنے حلقے کی امنگوں کی ترجمانی اور عوامی خدمت میں شب و روز محنت کریں گے۔ حافظ نعمان کو اور دیگر امیدواروں کی کامیابی پر مبارکباد پیش کرتے ہیں۔وزیرِ اعظم محمد شہباز شریف نے NA-143 چیچہ وطنی کے ضمنی انتخابات میں مسلم لیگ (ن) کے امیدوار محمد طفیل جٹ کو شاندار کامیابی پر مبارکباد دی ہے۔ انہوں نے کہا بلاشبہ NA-143 میں فتح سے عوام نے مسلم لیگ (ن) کے عوامی خدمت کے جذبے پر اعتماد کا اظہار کیا۔ الیکشن میں جیت حکومتی کارکردگی پر عوام کے اظہار کا مظہر ہے۔ محمد طفیل جٹ اپنے حلقے کی امنگوں کی ترجمانی کرتے ہوئے عوامی خدمت میں شب و روز محنت کریں گے۔ وزیراعظم محمد شہباز شریف کی NA-129 لاہور کے ضمنی انتخابات میں مسلم لیگ (ن) کے امیدوار حافظ محمد نعمان کو شاندار کامیابی پر مبارکباد پیش کی ہے۔ انہوں نے کہا قائد میاں محمد نواز شریف کے ویژن اور انکی بے مثال قیادت اور پارٹی کارکنان کی محنت کی بدولت حاصل ہوئی۔ NA-129 میں فتح سے عوام نے مسلم لیگ (ن) کے عوامی خدمت کے جذبے پر اعتماد کا اظہار کیا۔ حافظ محمد نعمان اپنے حلقے کی امنگوں کی ترجمانی کرتے ہوئے عوامی خدمت میں شب و روز محنت کریں گے۔
پنجاب: دفعہ 144 میں مزید 7 روز کی توسیع، احتجاجی سرگرمیوں پر پابندی برقرار