سفری دستاویزات والے مسافر کو سفر سے نہ روکا جا رہا، نہ ہی روکا جائے گا: محسن نقوی
اشاعت کی تاریخ: 2nd, December 2025 GMT
---فائل فوٹو
وفاقی وزیرِ داخلہ و نارکوٹکس کنٹرول محسن نقوی کا کہنا ہے کہ وطن کی بدنامی کا باعث بننے والے کسی مسافر کو سفر کی اجازت نہیں دی جا سکتی، سفری دستاویزات والے مسافر کو سفر سے نہ روکا جا رہا اور نہ ہی روکا جائے گا۔
وفاقی وزیرِ داخلہ محسن نقوی نے لاہور ایئر پورٹ کا دورہ کیا۔ ڈائریکٹر ایف آئی اے علی ضیاء اور متعلقہ حکام بھی اس موقع پر ان کے ساتھ موجود تھے۔
وزیرِ داخلہ محسن نقوی نے مسافروں کے امیگریشن کے عمل کا جائزہ لیا اور مسافر کی ٹریول ہسٹری اور شناختی کارڈ کو پاسپورٹس سے جوڑنے کے نظام کا مشاہدہ کیا۔
محسن نقوی نے تیز رفتار سسٹم پر ڈائریکٹر ایف آئی اے اور ان کی ٹیم کی کارکردگی کو سراہا۔
وزیرِ داخلہ محسن نقوی نے اسلام ایئرپورٹ کا اچانک دورہ کیا، اس دوران انہوں نے ایک ویزا ایجنٹ کے خلاف کارروائی کا حکم دیا۔
اس دوران محسن نقوی بیرونِ ممالک جانے والے مسافروں سے ملے اور اِن سے امیگریشن پراسیس سے متعلق پوچھا۔
محسن نقوی بیرون ممالک سے وطن واپس آنے والے مسافروں کے امیگریشن کاؤنٹرز پر بھی گئے اور مسافروں سے امیگریشن پراسیس کے وقت کے بارے دریافت کیا۔
ایئر پورٹ کی جانب سے جاری کیے گئے اعلامیے کے مطابق مسافروں نے امیگریشن پراسیس پر اطمینان کا اظہار اور ایف آئی اے کے عملے کی تعریف کی۔
مسافروں نے وزیر داخلہ محسن نقوی کو بتایا کہ صرف 2 منٹ میں امیگریشن کا عمل مکمل ہوا، آپ کے ایئرپورٹس کے دوروں سے امیگریشن پراسیس پہلے سے زیادہ بہتر ہوا ہے۔
اس موقع پر محسن نقوی کا کہنا تھا کہ نامکمل یا بوگس دستاویزات کے حامل مسافر کو ہرگز سفر کی اجازت نہیں دی جائے گی، پاکستان کی عزت ہم سب کی عزت ہے۔
.
ذریعہ
ذریعہ: Jang News
کلیدی لفظ: امیگریشن پراسیس داخلہ محسن نقوی محسن نقوی نے والے مسافر مسافر کو
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع