سیاسی ملاقاتیں ممکن نہیں، وزیراعلیٰ کے پی نے مثبت قدم اٹھایا، فیصل واوڈا
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد :سینیٹر فیصل واوڈا نے کہا ہے کہ اڈیالہ جیل میں بانی پی ٹی آئی عمران خان سے ان کی بہنوں کی ملاقات ان کا جائز حق ہے کیونکہ وہ سیاسی کردار نہیں رکھتیں جبکہ جیل میں سیاسی ملاقاتیں فی الحال ممکن نہیں ہیں۔
سماجی رابطے کی ویب سائٹ ایکس پرافیصل واوڈا نے کہا کہ غیر سیاسی اہلِ خانہ کو ملنے سے روکنا اصولی طور پر درست نہیں اور خوشی ہے کہ یہ قدم اٹھا لیا گیا۔
فیصل واوڈا نے دعویٰ کیا کہ انہوں نے گزشتہ روز ہی مشورہ دیا تھا جس کاآج فائدہ ہوگیا، سیاسی تنازعات میں دو قدم پیچھے اور ایک قدم آگے بڑھنے کی حکمتِ عملی ہی سیاسی حل کی طرف لے جاتی ہے، وزیراعلیٰ خیبرپختونخوا نے اڈیالہ جیل اور اسلام آباد میں کوئی تصادم پیدا نہ کرکے مثبت فیصلہ کیا اور حالات کو بگاڑنے کے بجائے تحمل کا مظاہرہ کیا۔
سینیٹر واوڈا کا کہنا تھا کہ بہنیں غیر سیاسی ہیں اس لیے ان کا عمران خان سے ملاقات کرنا ممکن ہوا، جیل میں سیاسی نوعیت کی ملاقاتوں کی اجازت بدستور نہیں دی جا رہی۔
اپنے بیان میں انہوں نے میران شاہ کے حالیہ واقعے کا ذکر کرتے ہوئے کہا کہ ہمارے بہادر افسر کو بے رحمی سے شہید کیا گیا اور اس واقعے کی ذمہ داری وزیراعلیٰ خیبرپختونخوا پر عائد ہوتی ہے، انہوں نے مطالبہ کیا کہ وزیراعلیٰ خیبرپختونخوا شہید افسر کے اہلِ خانہ سے ملاقات کریں اور ان کی داد رسی کریں۔
فیصل واوڈا نے گورنر خیبرپختونخوا کو بھی یہی پیغام دیتے ہوئے کہا کہ اگر ہم اپنے شہداء کے لیے کھڑے نہیں ہوں گے تو کون کھڑا ہوگا؟ انہوں نے دونوں شخصیات پر زور دیا کہ وہ شہداء کو عزت اور تکریم دینے کے لیے خود اہلِ خانہ کے پاس جائیں۔
ذریعہ: Jasarat News
کلیدی لفظ: فیصل واوڈا نے انہوں نے
پڑھیں:
عمران خان سے ملاقات کی خواہش ہے تو دیوار پر ٹکریں مارتے رہیںفیصل واوڈا
data-id="863a0a8" data-element_type="widget" data-widget_type="theme-post-content.default">
251202-1-6
اسلام آباد(مانیٹرنگ ڈیسک) سینیٹر فیصل واوڈا کا کہنا ہے کہ جن کا احتساب 75 سال میں نہیں ہوا اْن کا اگلے 75 سالوں میں بھی نہیں ہوگا، آرمی چیف موجود ہیں اور کمانڈ ان کے پاس ہے، ایک نوٹیفکیشن کا معاملہ ہے جو آج نہیں تو کل یا پرسوں تک ااجائے گا، چیئرمین آف ڈیفنس فورس کا سیاست سے کوئی تعلق نہیں ہے۔ سینیٹر فیصل واوڈا نے خیبرپختونخوا میں گورنر راج کی خبروں پر ردعمل دیتے ہوئے کہا ہے کہ بدمعاشی کریں گے تو گورنر راج لگ سکتا ہے۔پارلیمنٹ ہاؤس کے باہر میڈیا سے گفتگو کرتے ہوئے فیصل واوڈا نے کہا کہ ہم سب کی کوشش ہونی چاہیے خیبرپختونخوا کے وزیراعلیٰ اپنی ذمہ داریاں نبھائیں۔انہوں نے کہا کہ میں خیبر پختونخوا کے وزیراعلیٰ سے کہوں گا وہ اپنی حکومت چلائیں۔انہوں نے کہاکہ ہائی کورٹ کے آرڈر کے بعد ایک انچ کی غلطی بھی ان کی نا اہلی کا سبب بن سکتی ہے۔سینیٹر فیصل واوڈا نے کہا کہ ہم نہیں چاہتے خیبرپختونخوا میں گورنر راج لگے، اگرآپ نے غنڈہ گردی کرنی ہے تو پھرہمارے پاس کوئی اور آپشن نہیں بچے گا۔فیصل واوڈا نے کہا کہ ہماری خواہش ہے فیصل کریم کنڈی ہی گورنر خیبر پختونخوا رہیں، اگر کسی اور نام کا قرعہ نکلتا ہے تو وہ پھر سیاسی نہیں ہوسکتا، فیصل کریم کنڈی کے نام پر ہمیں کوئی مسئلہ نہیں ہے۔سینیٹر فیصل واوڈا نے کہا کہ اگر اب بھی انہیں بانی پی ٹی آئی سے ملاقات کی خواہش ہے تو دیوار پر ٹکریں مارتے رہیں، دیوار کو کچھ نہیں ہونا اور دیوار سے کچھ نہیں ملنا۔فیصل واوڈا نے کہا کہ ایک ہی راستہ ہے کہ آپ سیاسی طور پر وزیراعظم اور صدر مملکت کے پاس جائیں، صدر آصف علی زرداری اور وزیراعظم شہباز شریف سے ملنے سے ان کا مسئلہ حل ہو جائے گا، ہر مسئلے کی چابی صدر آصف علی زرداری کے پاس ہوتی ہے۔سینیٹر فیصل واوڈا نے کہا کہ نواز شریف کا بیان اور اسمبلی میں آنا بتاتا ہے کہ وہ حکومت کے ساتھ ہیں۔
ہم کس سے بات کریں حکومت تو خود کہہ رہی ہے پوچھ کر بتائیں گے: علیمہ خان