پیپلزپاٹی کے بے ہنگم منصوبے ،بد انظامی اور کرپشن نے شہر کو تباہی کے دہانے پر پہنچادیا،منعم ظفر خان

اشاعت کی تاریخ: 8th, December 2025 GMT

data-id="863a0a8" data-element_type="widget" data-widget_type="theme-post-content.default">

کراچی (اسٹاف رپورٹر) امیرجماعت اسلامی کراچی منعم ظفرخان نے ادارہ نورحق میں کراچی کا تباہ حال انفرااسٹر کچر، عوامی مسائل اور شہری و بلدیاتی امور کے حوالے سے پریس کانفرنس سے خطاب کرتے ہوئے کہاکہ کراچی اس وقت حادثات کا شکار ہے، شہر کا ہر مسئلہ جوں کا توں ہے اور حکمران مکمل طور پر غافل ہیں۔ پیپلز پارٹی کی حکومت اور کرپشن نے کراچی کو تباہی کے دہانے پر پہنچا دیا ہے، پورا شہر کھنڈر کا منظر پیش کر رہا ہے۔شہر کی سڑکیں جگہ جگہ سے ٹوٹی ہوئی ہیں جبکہ بی آر ٹی ریڈ لائن منصوبہ شہریوں کی جانیں لے رہا ہے۔ ریڈ لائن منصوبہ 2022 میں شروع ہوا تھا، جسے 2024 میں مکمل ہونا تھا مگر اب 2026 تک بڑھا دیا گیا ہے۔ ساڑھے 26 کلومیٹر کا یہ منصوبہ تین سے چار سال میں بھی مکمل ہوتا نظر نہیں آ رہا۔ شہر کے مرکزی چوراہوں کو بغیر کسی پلان
کے اکھاڑ دیا گیا ہے اور کوئی مناسب متبادل راستہ فراہم نہیں کیا گیا۔ یونیورسٹی روڈ پر لاکھوں طلبہ روزانہ اذیت کا شکار ہیں جبکہ حکمرانوں کو عوام کی کوئی پروا نہیں۔انہوں نے صوبائی حکومت پر تنقید کرتے ہوئے کہا کہ صرف دعوے کیے جاتے ہیں، اختیارات نہیں دیے جاتے۔ قابض میئر مرتضیٰ وہاب نے 60 دن میں سڑکیں قابلِ استعمال کرنے کا دعویٰ کیا تھا مگر معلوم نہیں 60 دن کب شروع ہوں گے۔ شہر میں گٹر ابل رہے ہیں اور سڑکیں گڑھوں کا مجموعہ بن چکی ہیں۔جماعت اسلامی نے اپنے ٹاؤنز میں دو سال کے دوران اپنی مدد آپ کے تحت ہزاروں مین ہول کور لگائے، جو اس بات کا ثبوت ہے کہ اگر نیت ٹھیک ہو تو کام ممکن ہے۔گلشن اقبال میں مکان پر قبضے کا واقعہ ہو، نیپا کا سانحہ، کلفٹن کے پارکس، یا شہر کی تباہ حال سڑکیں جماعت اسلامی ہر جگہ عوام کے ساتھ کھڑی رہی ہے۔ہم نے 21 تا 23 نومبر کولاہور میں ہونے والے عظیم اجتماع عام کے بعد عزم کیا ہے کہ کراچی کے حق کے لیے جدوجہد تیز کریں گے،ظالم نظام کے خلاف مزاحمت کریں گے،کرپشن، ناانصافی اور قبضہ مافیا کے خلاف چارٹر آف کراچی لے کر آئیں گے اورشہر کی بحالی کے لیے مکمل لائحہ عمل پیش کریں گے۔منعم ظفر خان نے کہاکہ گلستانِ جوہر انڈر پاس کے کام کے دوران عوام کو شدید اذیت دی جا رہی ہے۔ واٹر اینڈ سیوریج کارپوریشن سالانہ اربوں روپے لیتی ہے لیکن کارکردگی صفر ہے۔ اسی طرح کے ایم سی کے الیکٹرک کے ذریعے بھی یوٹیلٹی چارجز کی مد میں شہریوں سے مزید 4 ارب روپے وصول کر رہی ہے۔1.

6 بلین ڈالر کے KWSSIP منصوبے کا پہلا فیز بھی تاحال عوام کو نظر نہیں آتا۔ 2019 سے 2025 تک 6سال گزر گئے لیکن شہر کا پانی و سیوریج کا نظام بدستور ناکارہ ہے۔کے فور آگمنٹیشن پروجیکٹ نے حالات مزید بگاڑ دیے ہیں۔ اسکیم 33 اور صفورا کے لاکھوں شہریوں کے لیے بھی کوئی متبادل راستہ نہیں دیا گیا۔ کریم آباد انڈر پاس تین سال سے زیر التواء ہے جبکہ اس کی لاگت تین گنا بڑھ چکی ہے۔یونیورسٹی روڈ پر کاروبار تباہ ہو رہے ہیں اور شہری روزانہ گھنٹوں ٹریفک میں پھنس کر دفاتر پہنچتے ہیں۔ نارتھ کراچی کی 7000 روڈ پر کے ایم سی نے کٹنگ فیس لینے کے باوجود کام ادھورا چھوڑ دیا، جبکہ جہانگیر روڈ کی بدترین حالت کے ایم سی انتظامیہ کے لیے سوالیہ نشان ہے۔منعم ظفر خان نے کہاکہ وزیر ٹرانسپورٹ، صوبائی حکومت اور قابض میئر بتائیں کہ شہر کے ساتھ یہ کھلواڑ کب تک جاری رہے گا؟2024 میں گٹر میں گر کر 19بچے جان کی بازی ہار چکے ہیںجبکہ 2025میں اب تک 24بچے گٹروں میں گر کر جاں بحق ہوچکے ہیںاورہر سال اموات بڑھ رہی ہیں۔کراچی کے ساڑھے تین کروڑ عوام کے لیے صرف 300 سے 350 بسیں چل رہی ہیں،شرجیل میمن روز نئے اعلانات کرتے ہیں،کبھی پنک بس،کبھی سکوٹی،کبھی ڈبل ڈیکرمگر حقیقت میں کچھ نہیں ہوتا۔ہیوی ٹریفک قاتل بن چکا ہے،رواں سال 800 سے زائد حادثات250 سے زیادہ نوجوان ہیوی ٹریفک کے ہاتھوں شہیدہوچکے ہیں ،ڈمپر مافیا، ٹرالر مافیا، ٹینکر مافیا کے ہاتھوں پورا شہر یرغمال ہوچکا ہے ۔کراچی کے کئی علاقوں میں لائنز ایریا بھی شامل ہے،14 سے 18 گھنٹے تک بجلی غائب رہتی ہے ، کے الیکٹرک اربوں کما کر بھی شہریوں کو اندھیروں میں دھکیل رہی ہے،تھانوں میں بھی بجلی نہیں۔صوبائی حکومت کا ایجنڈا شہر میں کمرشلائزیشن اور قبضے کا ہے ، کراچی یونیورسٹی کی زمینوں پر نظریںگاڑی ہوئی ہیں ، کیمیکل اینڈ بائیولوجیکل سینٹر کو قبضے میں لینے کی کوشش کی جارہی ہے ، KMC کے اسپتالوں میں اندرونی سندھ سے سیاسی بھرتیاںکی جارہی ہیں،پبلک سیکٹر یونیورسٹیوں کو تباہ کرنے کی تیاری کی جارہی ہیں ۔انہوں نے کہاکہ قابض میئر کی سرپرستی میں کلفٹن اور شہر بھر میں قبضہ مافیا فعال ہوچکا ہے ،عمر شریف پارک،بیچ ویوسمیت دیگر پارکس کی دیواریں گرائی جا رہی ہیں، قبضے ہو رہے ہیں، جماعت اسلامی وہ واحد جماعت ہے جوہر مسئلے پر عوام کے ساتھ کھڑی ہے ،پارکس بحال کر رہی ہے اور 35 ہزار مین ہولز کور جماعت اسلامی نے اپنی مدد آپ کے تحت لگائے ہیں ۔جماعت اسلامی لوڈشیڈنگ کے خلاف نیپرا میں مقدمہ بھی لڑ رہی ہے اورپانی، بجلی، سڑکوں، ٹرانسپورٹ ہر مسئلے پر آواز اٹھا رہی ہے۔پریس کانفرنس میںسیکرٹری اطلاعات زاہد عسکری،نائب صدر پبلک ایڈ کمیٹی عمران شاہد، سیکرٹری ضلع قائدین ویوسی چیئرمین نعمان حمید،سینئرڈپٹی سیکرٹری اطلاعات صہیب احمدبھی موجود تھے ۔
منعم ظفر خان

اسٹاف رپورٹر

ذریعہ

ذریعہ: Jasarat News

کلیدی لفظ: جماعت اسلامی رہی ہیں ہے اور رہی ہے کے لیے

پڑھیں:

سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں

سیٹلائٹ تصاویر نے کوٹلی ستیاں کے جنگلات میں لگنے والی حالیہ بھیانک آگ کی تباہی کی تفصیلات ظاہر کر دیں۔

سپارکو کی جانب سے پر جاری کردہ سیٹلائٹ ڈیٹا کے مطابق گرمی کی حالیہ شدید لہر کے باعث جنگلات میں لگنے والی ہولناک آگ نے پنجاب کے ماحولیاتی لحاظ سے حساس علاقے 'کوٹلی ستیاں' کے 25 مقامات پر پھیلے ہوئے تقریباً 3,037 ہیکٹر (7,504.7 ایکڑ) پر مشتمل قدرتی جنگلات کو خاکستر کر دیا ہے۔

9 مئی سے 29 مئی 2026 تک کی سیٹلائٹ تصاویر کا موازنہ کرنے سے معلوم ہوتا ہے کہ آگ لگنے کے بعد 'چِیڑ' کے جنگلات کو شدید نقصان پہنچا ہے، جو کہ دریائے سندھ اور دریائے جہلم کے اہم ذیلی آبی ذخائر کے لیے انتہائی ضروری ہیں۔

ماہرین نے خبردار کیا ہے کہ اس کے ماحولیاتی اثرات صرف آگ سے جھلسنے والے فوری نقصانات تک محدود نہیں ہیں؛ بلکہ اس آفت نے مقامی پرندوں اور جنگلی حیات کی افزائشِ نسل کے عروج کے سیزن کو شدید متاثر کیا ہے۔

نئے اگنے والے پودوں اور پنیریوں کو تباہ کر دیا ہے، اور اس متاثرہ زمین پر ایسی جڑی بوٹیوں اور جھاڑیوں کے پھیلنے کی راہ ہموار کر دی ہے جو آگ کو برداشت کرنے کی صلاحیت رکھتی ہیں۔

اگرچہ مقامی آبادی اور محکمہ جنگلات کے عملے نے کئی علاقوں میں آگ پر کامیابی سے قابو پا لیا ہے، لیکن تیز اور گرم ہواؤں کے باعث ہمسایہ ڈھلوانوں پر اب بھی آگ پھیل رہی ہے، جس سے ماحول کو مزید نقصان پہنچنے کا خطرہ ہے۔

پیپلزپاٹی کے بے ہنگم منصوبے ،بد انظامی اور کرپشن نے شہر کو تباہی کے دہانے پر پہنچادیا،منعم ظفر خان

سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر