پاکستان اور انڈونیشیا کا ترجیحی تجارتی معاہدے پر نظر ثانی پر اتفاق
اشاعت کی تاریخ: 9th, December 2025 GMT
پاکستان اور انڈونیشیا نے دوطرفہ تجارتی حجم میں اضافے پر اطمینان کا اظہار کرتے ہوئے ترجیحی تجارتی معاہدے پر نظرثانی کرنے پر اتفاق کرلیا۔
وزیراعظم پاکستان شہباز شریف نے انڈونیشیا کے صدر پرابووو سوبیانتو کا وزیراعظم ہاؤس اسلام آباد میں شاندار استقبال کیا۔ صدر پرابووو سوبیانتو کو وزیراعظم ہاؤس آمد پر گارڈ آف آنر پیش کیا گیا۔
مزید پڑھیں: پاکستان اور انڈونیشیا کے درمیان 7 معاہدوں اور مفاہمتی یادداشتوں کا تبادلہ
ملاقات کے دوران دونوں رہنماؤں کے درمیان دوطرفہ گفتگو ہوئی، جس کے بعد اعلیٰ سطحی وفود کی سطح پر اجلاس بھی منعقد ہوا۔
Prime Minister Muhammad Shehbaz Sharif in a bilateral meeting with the delegation from Indonesia led by the Indonesian President H.
— PTV News (@PTVNewsOfficial) December 9, 2025
ملاقات میں نائب وزیراعظم و وزیر خارجہ اسحاق ڈار، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، کابینہ کے وزرا اور دیگر اعلیٰ حکام بھی شریک تھے۔
دوطرفہ تعلقات اور تعاون پر تبادلہ خیالدونوں رہنماؤں نے پاکستان اور انڈونیشیا کے درمیان تمام شعبوں میں تعلقات کا جائزہ لیا اور سیاسی، سفارتی، اقتصادی، تجارتی، دفاعی، سلامتی، صحت، تعلیم، سائنس و ٹیکنالوجی، زراعت اور ماحولیاتی شعبوں میں تعاون کو مزید مضبوط بنانے کا عزم دہرایا۔ دونوں فریقین نے دوطرفہ تعلقات کو مزید فروغ دینے پر اتفاق کیا۔
تجارت اور اقتصادی تعاوندونوں رہنماؤں نے دوطرفہ تجارتی حجم میں اضافے پر اطمینان کا اظہار کیا اور انڈونیشیا پاکستان ترجیحی تجارتی معاہدے پر نظرثانی کرنے پر اتفاق کیا، جس کی مالیت قریباً 4 ارب امریکی ڈالر ہے۔ اس کے علاوہ تجارتی عدم توازن کو دور کرنے کی کوششیں بھی شروع کرنے پر اتفاق ہوا۔
خاص طور پر حلال صنعت، زرعی اجناس کی تجارت، انفارمیشن ٹیکنالوجی، تکنیکی و پیشہ ورانہ تعلیم میں تعاون بڑھانے پر زور دیا گیا۔
سرمایہ کاری اور مشترکہ منصوبےدونوں ممالک نے خصوصی سرمایہ کاری سہولت کونسل اور انڈونیشیا کے خودمختار دولت فنڈ کے درمیان تعاون کو مضبوط کرنے، مختلف شعبوں میں سرمایہ کاری اور مشترکہ منصوبوں کو فروغ دینے پر اتفاق کیا۔
صحت اور انسانی فلاح و بہبودوزیراعظم شہباز شریف نے صدر پرابووو کے عوامی فلاح و بہبود پر مبنی اقدامات بشمول ’مفت غذائیت سے بھرپور کھانے کے پروگرام‘ کی تعریف کی۔ صحت کے شعبے میں تعاون بڑھانے کے لیے طبی ماہرین کے تبادلے، طبی قابلیت کی باہمی شناخت اور خصوصی تربیت کے مواقع بڑھانے پر بھی بات ہوئی۔
علاقائی اور عالمی مسائلدونوں رہنماؤں نے کشمیر اور غزہ کی صورتحال سمیت دیگر عالمی و علاقائی امور پر تبادلہ خیال کیا۔
انہوں نے تنازعات کے پرامن حل، انسانی حقوق کے تحفظ اور اقوام متحدہ کی متعلقہ قراردادوں کی پابندی کے لیے مشترکہ عزم کا اعادہ کیا۔ وزیراعظم نے غزہ میں صدر پرابووو کی سفارتی اور انسانی کوششوں کو سراہا۔
کثیرالجہتی تعاونانہوں نے اقوام متحدہ، او آئی سی اور ڈی ایٹ جیسے فورمز پر تعاون پر بات کی۔ وزیراعظم نے انڈونیشیا کو ڈی ایٹ کی قیادت سنبھالنے پر مبارکباد دی اور پاکستان کی جانب سے مکمل تعاون کا یقین دلایا۔
معاہدات اور یادداشتیںبات چیت کے اختتام پر دونوں ممالک نے مختلف شعبوں میں مفاہمتی یادداشتوں اور معاہدوں کا تبادلہ کیا۔ وزیراعظم نے صدر پرابووو اور ان کے وفد کے اعزاز میں ظہرانے کا بھی اہتمام کیا۔
مزید پڑھیں: انڈونیشیا نے اسرائیلی جمناسٹ کھلاڑیوں کو ویزا دینے سے انکار کردیا
یہ دورہ پاکستان اور انڈونیشیا کے درمیان سفارتی تعلقات کے قیام کی 75 ویں سالگرہ کے موقع پر کیا گیا، جو دونوں ممالک کے برادرانہ تعلقات میں ایک تاریخی سنگ میل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انڈونیشیا پاکستان ترجیحی تجارتی معاہدہ شہباز شریف ملاقات نظر ثانی وزیراعظم پاکستان وی نیوز
ذریعہ
ذریعہ: WE News
کلیدی لفظ: انڈونیشیا پاکستان ترجیحی تجارتی معاہدہ شہباز شریف ملاقات وزیراعظم پاکستان وی نیوز پاکستان اور انڈونیشیا اور انڈونیشیا کے ترجیحی تجارتی صدر پرابووو کے درمیان پر اتفاق
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ