ٹنڈوجام،مختلف واقعات میں2 نوجوان جاں بحق
اشاعت کی تاریخ: 10th, December 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوجام (نمائندہ جسارت ) ٹنڈوجام میں مختلف واقعات میں دونوجوان ہلاک ٹنڈو جام کے علاقے ٹنڈو قیصر میں غربت اور بے روزگاری نے ایک اور نوجوان کی جان لے لی 19 سالہ نوجوان نے گھریلو حالت سے تنگ آ کر گھر کے کمرے میں پھندا لگا کر خودکشی کرلی ایک نوجوان آگ سے جلا کر ہلاک گھر کہرام برپا ہو گیا اور علاقے میں سوگ کی فضا چھا گئی۔ تفصیلات کے مطابق درشن مینگھواڑ جو کافی عرصے سے روزگار کی تلاش میں پریشان تھا اور علاقے لوگوں کے مطابق گھریلو مسائل وہ ذہنی دباؤ میںکا شکار تھا اہلِ خانہ کے مطابق آج صبح وہ اپنے کمرے میں گیا اوربہت دیر تک جب کمرے سے باہر نہ آیا گھر والوں کو شک ہونے پر دروازہ کھولنے کی کوشش کی گئی لیکن اندر سے بند تھا گھر والوں نے دروازہ توڑا تو درشن کی لاش چھت کے گارڈر سے رسی کے ذریعے لٹکی ہوئی ملی یہ منظر دیکھ کر گھر میں چیخ و پکار مچ گئی فوتی نوجوان کے والد چندو مینگھواڑ نے بتایامیرا بیٹا بے روزگاری کی وجہ سے سخت ذہنی پریشانی میں مبتلا تھا اسی دبائو اور پریشانی سے تنگ آ کر اس نے اپنی زندگی ختم کر لیاطلاع ملتے ہی ٹنڈو جام پولیس موقع پر پہنچ گئی ضروری کارروائی مکمل کرنے کے بعد لاش کو پوسٹ مارٹم کے لیے حیدرآباد اسپتال منتقل کر دیا گیاپولیس کے مطابق معاملے کی ہر زاویے سے تفتیش جاری علاقہ مکینوں نے بڑھتی ہوئی بے روزگاری پر تشویش کا اظہار کرتے ہوئے حکومت سے مطالبہ کیا ہے کہ نوجوانوں کے لیے روزگار کے مواقع پیدا کیے جائیں تاکہ ایسے المناک واقعات کا سدباب ہو سکے ۔انھوں نے کہا ایک تو بے روزگاری ہے دوسرا ہر چیز کی قیمت آسمان سے باتیں کر رہی ہیں۔ ہریش کمار نے کہا بجلی اور گیس کے بلوںنے ہماری کمر توڑ ڈالی انھیں بھریں یا اپنے بچوں کا پیٹ بھریں ۔علاوہ ازیںٹنڈو جام کے نواحی گاؤں حیدر شاہ آبڑی میں افسوسناک واقعہ پیش آیا جہاں 14 سالہ سید حسنین شاہ ولد عظیم شاہ گیس کے چولھے کے قریب بیٹھا ہوا تھا کہ اچانک اس کے جسم پر لپٹی ہوئی لُوئی کو آگ لگ گئی آگ بھڑکنے کے نتیجے میں نوجوان بری طرح جھلس گیااہلِ خانہ اسے فوری طور پر طبی امداد کے لیے سول اسپتال حیدرآباد لے گئے جہاں ابتدائی طبی امداد فراہم کی گئی، تاہم زیادہ جھلس جانے کے باعث اسے کراچی اسپتال منتقل کیا گیا جہاں نوجوان زخموں کی تاب نہ لاتے ہوئے کراچی اسپتال میں ہی دم توڑ گیاقریبی رشتے داروں کے مطابق سید حسنین شاہ کا ذہنی توازن درست نہیں تھا اور وہ زیادہ تر گھر پر ہی رہتا تھا۔
ذریعہ
ذریعہ: Jasarat News
کلیدی لفظ: بے روزگاری کے مطابق
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ