وزیراعلیٰ بلوچستان میر سرفراز بگٹی کی نئی ذمے داری، چیف آف بگٹی قبائل مقرر
اشاعت کی تاریخ: 29th, December 2025 GMT
بگٹی قبائل کے تاریخی اور قبائلی مرکز بیکڑ میں ایک اہم جرگے کا انعقاد کیا گیا جس میں وزیر اعلیٰ بلوچستان میر سرفراز بگٹی کو متفقہ طور پر چیف آف بگٹی قبائل مقرر کر دیا گیا۔
یہ بھی پڑھیں: بلوچوں کو قوم پرستی کے نام پر لاحاصل جنگ میں ڈالا گیا، وزیراعلیٰ سرفراز بگٹی کی پریس کانفرنس
یہ فیصلہ بگٹی قبائل کے تمام بڑے وڈیروں، عمائدین اور معتبرین کی مشاورت سے کیا گیا۔ اس منصب پر اس سے قبل وزیر اعلیٰ کے چچا زاد بھائی وڈیرہ محمد شریف بگٹی فائز تھے جن کی وفات کے بعد یہ عہدہ خالی تھا۔
روایتی پگڑیجرگے کے فیصلے کے بعد بیکڑ میں تقریب کا اہتمام کیا گیا جس میں میر سرفراز بگٹی کو چیف آف بگٹی قبائل کی روایتی پگڑی پہنائی گئی۔
قبلیے کی تمام شاخوں کی نمائندگیتقریب میں بگٹی قبائل کی مختلف شاخوں اور ذیلی قبائل کے سربراہان نے شرکت کی جن میں شمبانی، کلپر، موندرانی، پیروزانی، نوتھانی اور ڈومب قبائل کے چیف وڈیرے اور قبائلی معتبرین شامل تھے۔
قبائلی روایات کے مطابق پگڑی پہنانے کی رسم کو قیادت، اعتماد اور اجتماعی ذمہ داری کی علامت سمجھا جاتا ہے۔
’ دستار ایک امانت ہے‘اس موقعے پر خطاب کرتے ہوئے میر سرفراز بگٹی نے کہا کہ ان کے سر پر رکھی گئی دستار محض ایک اعزاز نہیں بلکہ ایک بڑی امانت اور بھاری ذمہ داری ہے۔
مزید پڑھیے: ریاست کے خلاف بندوق اٹھانے والوں کو جواب دینا ہوگا ، وزیر اعلیٰ سرفراز بگٹی کا سپریم کورٹ بار سے خطاب
بگٹی قبائل کے نئے سربراہ نے کہا کہ میں کبھی بگٹی قوم کو مایوس نہیں کروں گا اور اپنی عوام کی خدمت کر کے اس دستار کا قرض ادا کروں گا۔
انہوں نے اس عزم کا اظہار کیا کہ بگٹی عوام کو درپیش مسائل کے حل کے لیے ہر ممکن کوشش کریں گے۔
تعلیم اولین ترجیح قراروزیر اعلیٰ بلوچستان نے بگٹی قبیلے میں تعلیم کی کمی پر افسوس کا اظہار کرتے ہوئے کہا کہ بگٹی عوام تعلیمی میدان میں پیچھے رہ گئے ہیں اور انہیں تعلیم کی روشنی سے ہم کنار کرنا ان کی اولین ترجیح ہو گی۔
میر سرفراز بگٹی نئے چیف آف بگٹی مقرر#urduinternational #Pakistan #Balochistan #DeraBugti #sarfarazbugti #CMBalochistan #traditionalart pic.
— URDU INTERNATIONAL (@urduintl) December 29, 2025
انہوں نے کہا کہ تعلیم ہی وہ ذریعہ ہے جس کے ذریعے آنے والی نسلوں کو بااختیار بنایا جا سکتا ہے اور قبائلی معاشرے کو ترقی کی راہ پر ڈالا جا سکتا ہے۔
’بلوچوں کو تصادم کی طرف دھکیلا جا رہا ہے‘میر سرفراز بگٹی نے موجودہ حالات پر گفتگو کرتے ہوئے کہا کہ بلوچ اقوام کو دانستہ طور پر جنگ اور تصادم کی طرف دھکیلا جا رہا ہے تاہم بگٹی قبیلہ امن، ترقی اور آئین کے دائرے میں رہ کر جدوجہد پر یقین رکھتا ہے۔
انہوں نے واضح کیا کہ ہمارا جینا مرنا اس وطن کے ساتھ ہےاور بگٹی قبائل ہمیشہ پاکستان کے استحکام اور سلامتی کے ساتھ کھڑے رہیں گے۔
مزاحمتی عناصر کو قومی دھارے میں شامل ہونے کی پیشکشانہوں نے پہاڑوں پر موجود بلوچ نوجوانوں اور مزاحمتی عناصر کو قومی دھارے میں شامل ہونے کی پیشکش بھی کی اور کہا کہ مکالمہ، مفاہمت اور ترقی ہی مسائل کا پائیدار حل ہیں نہ کہ تشدد اور تصادم۔
چیف آف بگٹی قبائل کی اہمیتقبائلی نظام میں چیف آف بگٹی قبائل کا عہدہ غیر معمولی اہمیت کا حامل ہے۔ قبائلی روایات کے مطابق بگٹی قبائل میں نواب کے بعد چیف آف بگٹیز کو دوسرا سب سے بڑا اور بااثر منصب حاصل ہوتا ہے۔ یہ عہدہ بگٹی قبیلے کے حامل فرد کو قبائلی تنازعات کے حل، اجتماعی فیصلوں، اور قبیلے کی سیاسی و سماجی سمت کے تعین میں مرکزی کردار حاصل ہوتا ہے۔
سیاسی تجزیہ کاروں کے مطابق میر سرفراز بگٹی کا بطور وزیر اعلیٰ بلوچستان اور بطور چیف آف بگٹی قبائل تقرر ایک اہم پیشرفت ہے جو صوبائی سیاست اور قبائلی نظام کے درمیان ایک مضبوط ربط قائم کر سکتا ہے۔
مزید پڑھیں: بلوچستان میں میرٹ پر بھرتیاں کی جائیں گی، سرفراز بگٹی
اس دوہری حیثیت سے انہیں نہ صرف قبائلی سطح پر بلکہ صوبائی اور قومی سطح پر بھی مؤثر کردار ادا کرنے کا موقع ملے گا جس کے اثرات بلوچستان میں امن، مفاہمت اور ترقی کے عمل پر مرتب ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
میر سرفراز بگٹی میر سرفراز بگٹی چیف آف بگٹی قبائل مقرر
ذریعہ
ذریعہ: WE News
کلیدی لفظ: میر سرفراز بگٹی میر سرفراز بگٹی چیف ا ف بگٹی قبائل مقرر چیف آف بگٹی قبائل میر سرفراز بگٹی اور قبائلی وزیر اعلی انہوں نے قبائل کے کہا کہ
پڑھیں:
بلوچستان کے نام پر علیحدگی پسند سیاست کرنے کی اجازت نہیں دی جائے گی، جمال رئیسانی
پاکستان پیپلز پارٹی (پی پی پی) کے رکن قومی اسمبلی نوابزادہ جمال رئیسانی نے کہا ہے کہ پاکستان کے خلاف ایک خاموش جنگ لڑی جا رہی ہے جو بارود سے زیادہ نوجوانوں کے ذہنوں کو نشانہ بنا رہی ہے۔ بلوچستان کے نام پر علیحدگی پسند سیاست کرنے کی اجازت نہیں دی جائے گی۔
صوبائی وزرا علی مدد جتک اور عاصم کرد گیلو کے ہمراہ کوئٹہ میں پریس کانفرنس کرتے ہوئے نوابزادہ جمال رئیسانی نے کہاکہ دشمن پاکستان اور بلوچستان کو توڑنے کی کوشش کر رہا ہے۔
ان کا کہنا تھا کہ 2018 میں بشیر زیب نے جب ایک کالعدم تنظیم کی کمان سنبھالی تو حالات مزید خراب ہوئے، جبکہ جنید بشیر زیب کا رائٹ ہینڈ ہے۔
انہوں نے کہاکہ آج کی جنگ ڈیجیٹل پلیٹ فارمز پر لڑی جا رہی ہے اور کالعدم تنظیموں کے کارندے زنگی ایپ کے ذریعے ایک دوسرے سے رابطے میں رہتے ہیں۔
ان کا کہنا تھا کہ کالعدم تنظیمیں سنگل ایپ کے ذریعے آپریشنل منصوبہ بندی جبکہ ڈیلٹا چیٹ کے ذریعے خفیہ بھرتیاں کرتی ہیں۔
نوابزادہ جمال رئیسانی نے کہاکہ آج دشمن صرف گولی کا استعمال نہیں کر رہا بلکہ سوشل میڈیا پر ٹرینڈز چلا کر بھی اپنا ایجنڈا آگے بڑھا رہا ہے۔ ہم نہیں چاہتے کہ نوجوان پہاڑوں کا رخ کریں۔
انہوں نے دعویٰ کیاکہ کالعدم تنظیموں نے اپنی سرگرمیوں میں خواتین کا استعمال بھی شروع کر دیا ہے۔ شہناز بلوچ بلوچ یکجہتی کمیٹی کے جلسوں میں شرکت کرتی تھیں اور ان کا باہوٹ کے ذریعے کالعدم تنظیم سے رابطہ ہوا۔
نوابزادہ جمال رئیسانی نے مزید کہاکہ بلوچ یکجہتی کمیٹی بلوچستان کی قیادت ڈاکٹر صبیحہ کر رہی ہیں اور ان کا بھائی ایک کالعدم تنظیم کا حصہ ہے۔
انہوں نے یہ بھی کہا کہ بلوچ یکجہتی کمیٹی کے کراچی سیل کی قیادت فوزیہ شاہوانی کررہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلوچستان سیاست خاموش جنگ نوابزادہ جمال رئیسانی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ