فلپائن: بس کھائی میں گرنے کا حادثہ‘ ہلاکتوں میں مزید اضافہ
اشاعت کی تاریخ: 29th, December 2025 GMT
data-id="863a0a8" data-element_type="widget" data-widget_type="theme-post-content.default">
منیلا: فلپائن میں گزشتہ روز بس کے کھائی میں گرنے کا دلخراش حادثہ پیش آیا تھا، جس میں 4 افراد کے ہلاکتوں کی اطلاعات تھیں، حادثے میں 23 افراد زخمی بھی ہوئے تھے۔
نیوز ایجنسی کی تازہ ترین رپورٹ کے مطابق زخمیوں میں سے مزید 6 افراد کے ہلاک ہونے کی اطلاعات ہیں، ہلاکتوں میں اضافے کے بعد مجموعی طور پر اب تک 10افرادہلاک ہوچکے ہیں۔ اعلیٰ حکام کے مطابق بس میٹرو منیلا سے جنوب کی جانب سفر کر رہی تھی کہ اس دوران ڈیل گیلیگو کی میونسپلٹی میں بس بے قابو ہو کر کھائی میں جا گری۔ رپورٹ کے مطابق بس میں 2 ڈرائیور سمیت کل 27 افراد سوار تھے۔
شہری انتظامیہ کا کہنا ہے کہ کھائی کے نیچے موجود درختوں نے بس کو مزید نیچے گرنے سے روک لیاتھا، جس کی وجہ سے زیادہ نقصان سے تحفظ ملا۔ واضح رہے کہ پولیس نے حادثے کی وجوہات جاننے کے لیے تحقیقات تاحال جاری رکھے ہوئے ہیں۔
ذریعہ
ذریعہ: Jasarat News
پڑھیں:
حساس معلومات لیک ہونے کا معاملہ، جے ڈی وینس کے قریبی سکیورٹی اہلکار کے خلاف تحقیقات
واشنگٹن: امریکی نائب صدر جے ڈی وینس کی سکیورٹی ٹیم سے وابستہ ایک خفیہ سروس اہلکار کے خلاف تحقیقات شروع کر دی گئی ہیں۔ اہلکار پر الزام ہے کہ اس نے نائب صدر کے سفری انتظامات سے متعلق حساس معلومات میڈیا تک پہنچائیں۔
امریکی خفیہ سروس کے ترجمان انتھونی گگلیلمی نے ایک بیان میں تصدیق کی کہ نائب صدر کے حفاظتی یونٹ کے ایک رکن کے خلاف انتظامی تحقیقات جاری ہیں، جبکہ ممکنہ طور پر فوجداری تحقیقات بھی کی جا سکتی ہیں۔
ترجمان کے مطابق اہلکار پر آپریشنل اور معلوماتی سکیورٹی سے متعلق ضوابط کی خلاف ورزی کے الزامات ہیں۔ انہوں نے کہا کہ کسی بھی ایسی سرگرمی کو برداشت نہیں کیا جائے گا جو کسی اعلیٰ سرکاری شخصیت کی سلامتی کو خطرے میں ڈال سکتی ہو۔
یہ معاملہ اس وقت سامنے آیا جب ایک امریکی نشریاتی ادارے نے رپورٹ شائع کی کہ نائب صدر جے ڈی وینس اپنی سکیورٹی ٹیم سے بعض ذاتی نوعیت کے سفری انتظامات کی درخواست کرتے رہے ہیں، جس پر بعض اہلکار ناراضی کا اظہار کر رہے تھے۔
رپورٹ کے مطابق ان درخواستوں میں ایک واقعہ یہ بھی شامل تھا جس میں جے ڈی وینس مبینہ طور پر اپنے بیٹے کو گالف کی تربیت کے لیے ایک محفوظ گالف کورس تک فوجی ہیلی کاپٹر کے ذریعے لے جانا چاہتے تھے۔
میڈیا رپورٹ کے مطابق اس مقصد کے لیے ’میرین ٹو’ نامی ہیلی کاپٹر استعمال کرنے کی تجویز زیر غور تھی۔ میرین ٹو وہ سرکاری ہیلی کاپٹر ہے جو امریکی نائب صدر کے سفر کے لیے استعمال کیا جاتا ہے۔
تاہم بعد ازاں خراب موسم اور گرج چمک کے باعث یہ پرواز منسوخ کر دی گئی اور منصوبہ عملی شکل اختیار نہ کر سکا۔
تاحال جے ڈی وینس کے دفتر کی جانب سے اس رپورٹ پر کوئی تفصیلی ردعمل سامنے نہیں آیا، جبکہ تحقیقات مکمل ہونے تک خفیہ سروس نے مزید تبصرہ کرنے سے گریز کیا ہے۔
سیاسی مبصرین کے مطابق یہ معاملہ نہ صرف سرکاری وسائل کے استعمال بلکہ حساس سکیورٹی معلومات کے افشا سے متعلق بھی اہم سوالات اٹھا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع