بازیاب خاتون کے شیلٹر ہوم پہنچتے ہی 8 سالہ بچی سے بدفعلی کا انکشاف
اشاعت کی تاریخ: 30th, December 2025 GMT
data-id="863a0a8" data-element_type="widget" data-widget_type="theme-post-content.default">
251230-02-10
کراچی (اسٹاف رپورٹر)کراچی آنے والی آسیہ نامی خاتون کو سی پی ایل سی اور پولیس نے بازیاب کرایا تو شیلٹر ہوم میں داخلے کے بعد اس نے اپنی 8 سالہ بیٹی سے بدفعلی کا سنسنی خیز انکشاف کر دیا۔ پولیس کے مطابق واقعے میں نامزد ملزم کو گرفتار کر کے قانونی کارروائی شروع کر دی گئی ہے۔تفتیشی افسران کے مطابق تین ماہ قبل شیخوپورہ سے آسیہ اپنی تین بیٹیوں اور ایک بیٹے کے ساتھ فرار ہو کر کراچی آئی تھی، جہاں وہ اورنگی ٹاؤن کے علاقے میں سموسے رول کا ٹھیلا لگا کر گزر بسر کر رہی تھی۔ خاتون کے شوہر کی جانب سے تھانہ ماٹانوالہ، شیخوپورہ میں بیوی بچوں کے اغوا کا مقدمہ درج کروایا گیا تھا، جس کی بنیاد پر سی پی ایل سی اور پاکستان بازار پولیس نے مشترکہ کارروائی کی۔پولیس حکام کا کہنا ہے کہ خاتون کو تلاش کر کے سہراب گوٹھ میں واقع شیلٹر ہوم منتقل کیا گیا، جہاں اس نے پولیس کو بتایا کہ چند روز قبل گلشن ضیا، الطاف نگر میں اپنے ٹھیلے پر موجود تھی اور اس دوران اس نے اپنی بیٹی مریم کو یہ کہہ کر گھر بھیجا کہ کپڑے میلے ہو گئے ہیں، جا کر تبدیل کر آؤ۔تفتیشی افسر کے مطابق خاتون نے بیان دیا کہ کچھ دیر بعد بچی واپس آئی تو خوفزدہ تھی اور اس کے ہاتھ میں 40 روپے تھے۔ ایک ہفتے بعد بچی نے والدہ کو بتایا کہ گھر جاتے ہوئے محلے کا حلیم فروش افتخار اس کے پیچھے آیا، زبردستی کپڑے اتارے، بدفعلی کی اور دھمکی دی کہ اگر کسی کو بتایا تو جان سے مار دے گا۔پولیس حکام کے مطابق اسی دوران اغوا کیس کی تفتیش کے سلسلے میں پولیس اور سی پی ایل سی نے خاتون اور بچوں کو تلاش کر لیا اور شیلٹر ہوم منتقل کیا، جہاں واقعے کا انکشاف سامنے آیا۔ پاکستان بازار پولیس نے خاتون کے بیان کی روشنی میں فوری کارروائی کرتے ہوئے نامزد ملزم افتخار حسین کو گرفتار کر لیا۔تفتیشی افسر نے بتایا کہ ملزم کا میڈیکل کروا لیا گیا ہے جبکہ متاثرہ بچی کے قانونی اور طبی مراحل مکمل کیے جا رہے ہیں۔
ذریعہ
ذریعہ: Jasarat News
پڑھیں:
ایران جنگ طول پکڑنے پر ٹرمپ کو میڈیا اور اپنی انتظامیہ کے دباؤ کا سامنا
امریکی صدر کا کہنا تھا کہ اگر سفارتی کوششیں کامیاب نہ ہوئیں اور کوئی معاہدہ طے نہ پایا تو امریکہ ایران کے خلاف سخت کارروائی کرے گا۔ اسلام ٹائمز۔ ایران جنگ کے طول پکڑنے پر امریکی صدر ڈونلڈ ٹرمپ میڈیا اور اپنی انتظامیہ کے دباؤ کا سامنا کر رہے ہیں۔ الجزیرہ ٹی وی کے مطابق امریکی صدر ڈونلڈ ٹرمپ کو میڈیا اور ممکنہ طور پر اپنی ہی انتظامیہ کی جانب سے بڑھتے ہوئے دباؤ کا سامنا ہے، خاص طور پر اس حوالے سے کہ وہ بارہا یہ پیش گوئی کرتے رہے ہیں کہ موجودہ تنازع جلد ہی حل ہو جائے گا۔ تنازع کے آغاز پر ٹرمپ نے دعویٰ کیا تھا کہ جنگ صرف چند دن جاری رہے گی، بعد ازاں انہوں نے کہا کہ معاملہ چند ہفتوں میں حل ہو جائے گا، تاہم جنگ طویل عرصے سے جاری ہے اور اس کے خاتمے کے آثار تاحال واضح نہیں ہیں، اس کے باوجود ٹرمپ مسلسل اس بات پر زور دے رہے ہیں کہ معاہدہ قریب ہے۔
ان کا کہنا ہے کہ اگر سفارتی کوششیں کامیاب نہ ہوئیں اور کوئی معاہدہ طے نہ پایا تو امریکہ ایران کے خلاف سخت کارروائی کرے گا، صدر ٹرمپ روزانہ کی بنیاد پر اس مؤقف کا اعادہ کر رہے ہیں کہ فریقین معاہدے کے قریب پہنچ چکے ہیں، لیکن اگر بات چیت کسی نتیجے تک نہ پہنچی تو امریکا اپنی فوجی طاقت استعمال کرنے سے گریز نہیں کرے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ