اہلِ کراچی کو نئے سال کا تحفہ: سندھ حکومت کا ڈبل ڈیکر بسیں چلانے کا اعلان
اشاعت کی تاریخ: 30th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی: نئے سال کے آغاز پر کراچی کے شہریوں کے لیے سندھ حکومت کی جانب سے اعلان کیا گیا ہے کہ ڈبل ڈیکر بسیں چلائی جائیں گی۔
سینئر صوبائی وزیر اطلاعات، ٹرانسپورٹ و ماس ٹرانزٹ شرجیل انعام میمن نے اورنج لائن کے گرین لائن میں انضمام کے منصوبے کا افتتاح کرتے ہوئے کہا کہ اس اقدام سے لاکھوں شہریوں کے روزمرہ سفر میں نمایاں آسانی پیدا ہوگی اور کراچی میں جدید سفری سہولیات کے خواب کو عملی شکل ملے گی۔
شرجیل انعام میمن نے بتایا کہ ایدھی اورنج لائن کے چار کلومیٹر طویل ٹریک کو گرین لائن بی آر ٹی سے مکمل طور پر منسلک کر دیا گیا ہے، جس کے بعد اورنگی ٹاؤن کے مکینوں کو نمائش چورنگی اور ناگن چورنگی تک سفر میں براہِ راست سہولت حاصل ہوگی۔ انہوں نے کہا کہ ماضی میں مسافروں کو اورنج لائن کے اختتام پر شدید مشکلات کا سامنا کرنا پڑتا تھا اور انہیں الگ الگ ذرائع استعمال کرنا پڑتے تھے، تاہم سندھ حکومت نے عوامی شکایات کا نوٹس لیتے ہوئے دونوں بی آر ٹی لائنز کو یکجا کرنے کا فیصلہ کیا، جس کے نتیجے میں اب مسافروں کو الگ الگ کرایہ بھی ادا نہیں کرنا ہوگا۔
سینئر وزیر نے کہا کہ گرین لائن بی آر ٹی کا انتظام سندھ حکومت کو منتقل ہونے کے بعد اس کی یومیہ رائیڈر شپ میں نمایاں اضافہ ہوا ہے، جو پہلے 55 ہزار تھی اور اب بڑھ کر 75 ہزار تک پہنچ چکی ہے۔ انہوں نے بتایا کہ حکومت کا ہدف ہے کہ گرین لائن اور ایدھی اورنج لائن بی آر ٹی کے ذریعے روزانہ ایک لاکھ مسافر سفر کریں، تاکہ شہریوں کو ذاتی گاڑیوں پر انحصار کم کرنا پڑے اور ٹریفک کے دباؤ میں بھی کمی آئے۔
شرجیل میمن نے اس موقع پر اعلان کیا کہ نئے سال کے آغاز پر کراچی کے لیے ڈبل ڈیکر بسیں بھی شروع کی جا رہی ہیں، جو ابتدائی طور پر ملیر سے شاہراہ فیصل تک تجرباتی بنیادوں پر چلیں گی۔ جدید الیکٹرک بسیں بھی کراچی پہنچ چکی ہیں اور مستقبل میں مزید ڈبل ڈیکر بسیں شہر کے مختلف روٹس پر متعارف کروائی جائیں گی، جن سے ٹریفک مسائل کے حل میں مدد ملے گی۔
انہوں نے مزید بتایا کہ حیدرآباد میں پیپلز بس سروس کے روٹس میں اضافہ کیا جا رہا ہے جب کہ خیرپور، شکارپور اور ٹنڈوالہیار میں بھی جلد پیپلز بس سروس کا آغاز کیا جائے گا۔
سینئر صوبائی وزیر کا کہنا تھا کہ ریڈ لائن بی آر ٹی منصوبے میں رائٹ آف وے پر عملی کام شروع ہو چکا ہے ۔ وزیراعلیٰ سندھ اور پیپلزپارٹی کی قیادت کی ہدایت ہے کہ ٹرانسپورٹ کے شعبے میں کارکردگی کو مزید بہتر بنایا جائے۔ انہوں نے اس بات پر زور دیا کہ حکومت کسی کو سرکاری زمینوں پر قبضہ کرنے کی اجازت نہیں دے گی اور قانون کی عملداری ہر صورت یقینی بنائی جائے گی۔
.
ذریعہ
ذریعہ: Jasarat News
کلیدی لفظ: ڈبل ڈیکر بسیں لائن بی آر ٹی اورنج لائن سندھ حکومت گرین لائن انہوں نے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی