سال 2025ء: پانی اور پن بجلی کے شعبوں میں حاصل اہداف سے متعلق اعداد و شمار جاری
اشاعت کی تاریخ: 30th, December 2025 GMT
---فائل فوٹو
واٹر اینڈ پاور ڈویلپمنٹ اتھارٹی (واپڈا) کی جانب سے سال 2025ء میں پانی اور پن بجلی کے شعبوں میں حاصل ہونے والے اہداف سے متعلق اعداد و شمار جاری کر دیے گئے۔
واپڈا کے ترجمان کے مطابق 2025ء میں واپڈا نے نیشنل گرڈ کو 33 ارب 12 کروڑ یونٹ سستی پن بجلی مہیا کی، واپڈا پن بجلی نیشنل گرڈ میں توانائی کا سستا ترین ذریعہ ہے، نیشنل گرڈ کو فراہم کی گئی واپڈا پن بجلی کی قیمت 3 روپے 83 پیسے فی یونٹ ہے۔
ترجمان کے مطابق پن بجلی کی پیداوار کے دوران زہریلی اور مضر صحت گیسز کا اخراج زیرو ہوتا ہے، 2025ء میں تربیلا پن بجلی گھر نے نیشنل گرڈ کو 14 ارب 30 کروڑ یونٹ بجلی فراہم کی، تربیلا چوتھے توسیعی منصوبے نے 5 ارب60 کروڑ یونٹ بجلی فراہم کی۔
اسی طرح غازی بروتھا نے نیشنل گرڈ کو 6 ارب 50 کروڑ یونٹ بجلی جبکہ منگلا نے 3 ارب 60 کروڑ یونٹ بجلی فراہم کی۔
اگست میں مہمند پروجیکٹ پر مین ڈیم کی بھرائی شروع کرنے کا اہم ہدف حاصل کیا گیا، دیامر بھاشا ڈیم، مہمند ڈیم، داسو، تربیلا پروجیکٹ سمیت واپڈا کے 8 زیرِ تعمیر منصوبوں پر کام جاری ہے۔
واپڈا کے ترجمان کے مطابق مہمند ڈیم کی تکمیل پر پشاور کو روزانہ 30 کروڑ گیلن پینے کا پانی بھی میسر آئے گا۔
.
ذریعہ
ذریعہ: Jang News
کلیدی لفظ: کروڑ یونٹ بجلی نیشنل گرڈ کو فراہم کی پن بجلی
پڑھیں:
مانچسٹر، پاکستانی قونصل خانہ کے اوقات میں اضافہ
—تصویر بشکریہ سوشل میڈیاقونصلیٹ جنرل آف پاکستان مانچسٹر نے پاکستانی کمیونٹی کی سہولت کے لیے سرکاری اوقات میں اضافہ کر دیا ہے۔
ہائی کمشنر آف پاکستان ٹیپو عثمان کی ہدایت پر اب قونصل خانہ کمیونٹی خدمات کے لئے روزانہ صبح 8:00 بجے کام کا آغاز کرے گا۔
قونصل جنرل امتیاز فیروز گوندل کی جانب سے جاری نوٹیفکیشن کے مطابق نئے اوقات کار سے کمیونٹی کو بہتر سہولیات فراہم کی جا سکیں گی، جبکہ روزانہ اپوائنٹمنٹ کی تعداد بھی بڑھا دی جائے گی۔
تمام درخواست گزاروں کو ہدایت کی گئی ہے کہ قونصل خانے کی آن لائن اپوائنٹمنٹ پورٹل کے ذریعے وقت لینا ہوگا۔
یہ اپوائنٹمنٹ ہر ہفتہ کے روز صبح 10:00 بجے جاری کی جائیں گی۔درخواست گزار اپوائنٹمنٹ بک کرتے وقت اپنی ذاتی معلومات استعمال کریں اور مقررہ وقت پر پہنچیں۔
30 منٹ سے زیادہ تاخیر سے آنے والے درخواست گزاروں کو نئی اپوائنٹمنٹ لینا ہوگی۔
قونصل جنرل امتیاز فیروز گوندل نے کہا کہ یہ اقدامات کمیونٹی کو مؤثر، شفاف اور بہتر خدمات فراہم کرنے میں مدد گار ثابت ہوں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی