چترال: غیرملکی شکاری نے ہزاروں ڈالر دے کر کشمیری مارخور شکار کیا
اشاعت کی تاریخ: 31st, December 2025 GMT
data-id="863a0a8" data-element_type="widget" data-widget_type="theme-post-content.default">
چترال کے علاقے گہریت گول میں ایک غیرملکی شکاری نے کشمیری مارخور کا شکار کیا ہے، محکمہ جنگلی حیات کے مطابق شکار کرنے والا روسی شہری تھا، جس نے مارخور کے شکار کے لیے 68 ہزار امریکی ڈالر کا لائسنس حاصل کیا، شکار کیے گئے مارخور کے سینگوں کی لمبائی 41 انچ بتائی گئی ہے۔
محکمہ جنگلی حیات کا کہنا ہے کہ مارخور پاکستان کا قومی جانور ہے اور اس کا شمار نایاب جنگلی حیات میں ہوتا ہے، شکار کمیونٹی بیسڈ ٹرافی ہنٹنگ پروگرام کے تحت کیا گیا، جس کا مقصد جنگلی حیات کا تحفظ اور مقامی آبادی کو معاشی فائدہ پہنچانا ہے۔
محکمہ کے مطابق اس ہنٹنگ پروگرام سے حاصل ہونے والی آمدن کا بڑا حصہ مقامی لوگوں کی فلاح و بہبود، ترقیاتی منصوبوں اور روزگار کے مواقع پر خرچ کیا جائے گا۔ حکام کا کہنا ہے کہ اس پروگرام کے ذریعے نہ صرف غیر قانونی شکار کی حوصلہ شکنی ہوتی ہے بلکہ مقامی آبادی کو جنگلی حیات کے تحفظ میں شریک بھی کیا جاتا ہے۔
ذریعہ
ذریعہ: Jasarat News
کلیدی لفظ: جنگلی حیات
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی