سال کے آخری دن چاند اور سیون سسٹرز ستاروں کا حسین منظر
اشاعت کی تاریخ: 31st, December 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: سال 2025 کے اختتام پر آسمان کے شائقین کے لیے ایک خوبصورت اور یادگار منظر دیکھنے کو ملے گا، سال کے آخری دن زائد نما چاند (Waxing Gibbous Moon) تقریباً مکمل چمک کے ساتھ پلیادیز ستاروں کے جھرمٹ کے قریب نظر آئے گا، جو آسمان پر ایک روشن اور نرم جوڑی بنائے گا اور یوں سال کو الوداع کہنے کا حسین منظر پیش کرے گا۔
پلیادیز جسے عام طور پر سیون سسٹرز کہا جاتا ہے، ستاروں کا ایک مشہور جھرمٹ ہے جو برجِ ثور (Taurus) میں واقع ہے۔ یہ جھرمٹ ہزاروں سال سے دنیا کی مختلف تہذیبوں میں مشاہدے، کہانیوں اور اساطیر کا حصہ رہا ہے، قدیم اقوام پلیادیز کو موسموں کی تبدیلی اور قدرتی اوقات کے تعین کے لیے بھی استعمال کرتی رہی ہیں۔
پلیادیز زمین سے تقریباً 444 نوری سال کے فاصلے پر ہے اور اگرچہ اس میں سینکڑوں ستارے موجود ہیں، مگر عام طور پر سات ستارے نمایاں دکھائی دیتے ہیں، اسی لیے اسے سیون سسٹرز کہا جاتا ہے۔
اس فلکیاتی منظر کو دیکھنے کے لیے کسی دوربین یا ٹیلی اسکوپ کی ضرورت نہیں، صاف آسمان اور سورج غروب ہونے کے بعد چند منٹ کافی ہیں۔ اگر دوربین دستیاب ہو تو پلیادیز کا مدھم اور دھندلا سا نور زیادہ واضح نظر آتا ہے، تاہم کھلی آنکھ سے بھی یہ منظر بخوبی دیکھا جا سکتا ہے۔
پاکستانی وقت کے مطابق بہترین مشاہدہ تقریبا شام 6 بجے سے 9 بجے تک آسمان کی سمت مشرق سے جنوب مشرق کی جانب دیکھیں۔
ماہرین فلکیات کے مطابق اس موقع پر کسی آتش بازی یا خصوصی انتظام کی ضرورت نہیں، صرف چاند، پلیادیز اور سال کی آخری رات ایک ہی حصے میں آسمان پر موجود ہوں گے جو قدرت کی خاموش مگر دلکش خوبصورتی کو اجاگر کریں گے، یہ لمحہ کسی اپنے کے ساتھ دیکھنا سال کے اختتام کو یادگار بنانے کا بہترین موقع ہو سکتا ہے۔
ذریعہ
ذریعہ: Jasarat News
کلیدی لفظ: سال کے
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ