وائٹ ہاؤس کے لیے سنگِ مرمر کی خریداری اور وینزویلا پر حملہ، ٹرمپ کی چھٹی کیسے گزری؟
اشاعت کی تاریخ: 4th, January 2026 GMT
امریکی صدر ڈونلڈ ٹرمپ رواں ہفتے فلوریڈا میں واقع اپنے نجی گھر میں تعطیلات گزار رہے تھے، کچھ گھنٹوں بعد ہی انہوں نے وینزویلا میں ایک غیر معمولی فوجی کارروائی کی قیادت کی، جس کے نتیجے میں وینزویلا کے صدر نکولس مادورو کو گرفتارکرکے امریکا لایا گیا۔
رائٹرز کی رپورٹ کے مطابق، وینزویلا مشن سے محض ایک دن قبل صدر ٹرمپ فلوریڈا میں واقع اپنے نجی ریزورٹ مارالاگو میں مصروف تھے، جہاں ان کی سرگرمیوں میں عالمی سیاست کے اہم معاملات کے ساتھ ساتھ وائٹ ہاؤس کے لیے سنگِ مرمر اور اونکس کی خریداری بھی شامل تھی۔
یہ بھی پڑھیے: وینزویلا کے عوام کو آزادی دی، نئی حکومت آنے تک ملک ہم چلائیں گے، معزول صدر پر مقدمہ ہوگا، ڈونلڈ ٹرمپ
صدر ٹرمپ نے جمعرات کی رات سوشل میڈیا پلیٹ فارم ’ٹروتھ سوشل‘ پر مختلف موضوعات پر بیانات جاری کیے، جن میں ایران کے مظاہرین کی حمایت، امریکی تیاریوں سے متعلق دعوے اور اپنی صحت سے متعلق پیغامات شامل تھے، تاہم ان پوسٹس میں وینزویلا کا کوئی ذکر نہیں کیا گیا۔
جمعے کی صبح صدر ٹرمپ نے لیک ورتھ بیچ میں ایک اطالوی اسٹون امپورٹر کا دورہ کیا، جہاں انہوں نے وائٹ ہاؤس میں تعمیر ہونے والے 400 ملین ڈالر کے نئے بال روم کے لیے سنگِ مرمر کا انتخاب کیا۔ وائٹ ہاؤس کے ایک اہلکار کے مطابق یہ خریداری صدر ٹرمپ اپنی ذاتی لاگت پر کر رہے ہیں۔
یہ بھی پڑھیے: امریکا کی وینزویلا کے خلاف فوجی کارروائی، اقوام متحدہ کی سلامتی کونسل کا ہنگامی اجلاس طلب
مارالاگو میں قیام کے دوران صدر ٹرمپ کی مصروفیات میں غیر ملکی رہنماؤں سے ملاقاتیں، نئے سال کی بلیک ٹائی تقریب اور سماجی سرگرمیاں شامل رہیں۔ ناقدین کا کہنا ہے کہ اتنے حساس وقت میں ان سرگرمیوں سے یہ تاثر ملتا ہے کہ صدر اہم معاملات سے توجہ ہٹا لیتے ہیں، جبکہ حامیوں کے مطابق وہ بیک وقت کئی امور سنبھالنے کی صلاحیت رکھتے ہیں۔
چند گھنٹوں بعد ہی وینزویلا میں نکولس مادورو کو گرفتار کرنے کا منصوبہ عملی شکل اختیار کر گیا، جس پر عالمی سطح پر شدید ردِعمل سامنے آیا ہے اور کئی ممالک نے اس کارروائی کو بین الاقوامی قوانین کی خلاف ورزی قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تعطیل چھٹی ڈونلڈ ٹرمپ وینزویلا.
ذریعہ
ذریعہ: WE News
کلیدی لفظ: تعطیل چھٹی ڈونلڈ ٹرمپ وینزویلا وائٹ ہاؤس کے لیے
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی