سگی بیٹی سے زیادتی ثابت، باپ کو 10 سال قید اور ایک لاکھ روپے جرمانہ
اشاعت کی تاریخ: 5th, January 2026 GMT
کراچی کی سٹی کورٹ میں ایڈیشنل ڈسٹرکٹ اینڈ سیشن جج شرقی نے کورنگی صنعتی ایریا میں سگی بیٹی سے زیادتی کے مقدمے کا فیصلہ سنا دیا۔ عدالت نے جرم ثابت ہونے پر ملزم عرفان کو 10 سال قید بامشقت اور ایک لاکھ روپے جرمانے کی سزا سنا دی۔
مزید پڑھیں: بھارت، چلتی وین میں اجتماعی زیادتی، ملزمان گرفتار، متاثرہ خاتون شدید صدمے سے دوچار
عدالت نے حکم دیا کہ جرمانے کی پوری رقم متاثرہ بچی کو بطور معاوضہ ادا کی جائے۔ فیصلے میں کہا گیا کہ ملزم کا کوئی سابقہ کریمنل ریکارڈ موجود نہیں اور تفتیش کے دوران بعض اہم شواہد مکمل طور پر جمع نہ کیے جا سکے، جس کے باعث سزا میں کچھ نرمی برتی گئی۔
فیصلے میں عدالت نے دفاع کی اس دلیل کو مسترد کر دیا کہ جائیداد ہتھیانے کے لیے ملزم کے خلاف جھوٹا مقدمہ درج کرایا گیا۔ عدالت نے ریمارکس دیے کہ ایک ماں اپنی ہی بیٹی سے متعلق ایسا سنگین اور جھوٹا الزام نہیں لگا سکتی۔
مزید پڑھیں: بھارت میں چلتی وین میں خاتون کے ساتھ اجتماعی زیادتی، 2 گھنٹے بعد سڑک پر پھینک دیا گیا
استغاثہ کے مطابق یہ واقعہ ستمبر 2023 میں کورنگی کے علاقے میں پیش آیا تھا، جس پر ملزم کے خلاف کورنگی انڈسٹریل ایریا تھانے میں مقدمہ درج کیا گیا۔ عدالت نے شواہد اور گواہوں کے بیانات کی روشنی میں ملزم کو قصوروار قرار دیتے ہوئے سزا سنائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایڈیشنل ڈسٹرکٹ اینڈ سیشن جج شرقی زیادتی سٹی کورٹ کراچی.
ذریعہ
ذریعہ: WE News
کلیدی لفظ: ایڈیشنل ڈسٹرکٹ اینڈ سیشن جج شرقی زیادتی سٹی کورٹ کراچی عدالت نے
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی