کراچی، پولیس کے ڈاکوؤں کے ساتھ مقابلے، 2 زخمیوں سمیت 5 ڈاکو گرفتار، ایک فرار
اشاعت کی تاریخ: 5th, January 2026 GMT
کراچی:
شہر قائد کے مختلف علاقوں میں پولیس نے اسٹریٹ کریمنلز کے خلاف مؤثر کارروائیاں کرتے ہوئے متعدد مقابلوں کے بعد پانچ ڈاکوؤں کو گرفتار کر لیا، جن میں دو زخمی حالت میں زیرِ حراست ہیں، جبکہ ایک ملزم فرار ہونے میں کامیاب ہو گیا۔
پولیس کے مطابق جوہر آباد تھانے کی حدود لیاری ایکسپریس وے بلاک 15 میں پولیس نے موٹر سائیکل سوار دو مشکوک افراد کو رکنے کا اشارہ کیا تو ملزمان نے پولیس پارٹی کو دیکھتے ہی فائرنگ شروع کر دی۔
جوابی فائرنگ کے بعد ایک ملزم زخمی حالت میں گرفتار کر لیا گیا، جبکہ اس کا ساتھی فرار ہو گیا۔
زخمی گرفتار ملزم کی شناخت کلیم اللہ کے نام سے ہوئی ہے، جبکہ فرار ملزم امجد بتایا جا رہا ہے۔ پولیس نے ملزم کے قبضے سے اسلحہ اور موبائل فونز برآمد کر لیے۔
دوسری جانب قائد آباد مرغی خانہ پل کے قریب بھی پولیس اور ڈاکوؤں کے درمیان مقابلہ ہوا، جس کے نتیجے میں ایک ڈاکو زخمی ہو گیا۔
مزید پڑھیںکراچی، عید گاہ پولیس کا پیٹرولنگ کے دوران ڈکیتوں سے مقابلہ، 2 ملزمان زخمی حالت میں گرفتار
کراچی: بفرزون میں گھر میں ڈکیتی کے دوران 3 ڈاکو پولیس مقابلے میں ہلاک
چھیپا ذرائع کے مطابق زخمی ملزم کو فوری طور پر چھیپا ایمبولینس کے ذریعے جناح اسپتال منتقل کیا گیا، جس کی شناخت رانجی ولد مول چند عمر 25 سال بتائی گئی ہے۔
ادھر ڈیفنس کے علاقے میں پولیس نے ایک اور کارروائی کے دوران مشکوک افراد کو روکنے کی کوشش کی تو ملزمان نے پولیس پر فائرنگ کر دی۔
پولیس کی جوابی کارروائی میں تین ملزمان کو بلا ضرب گرفتار کر لیا گیا۔ گرفتار ملزمان کی شناخت دانش، نیہل عرف سونو اور سہیل عرف سہیلہ کے ناموں سے ہوئی ہے۔
پولیس کے مطابق ملزمان کے قبضے سے اسلحہ، موبائل فونز، دیگر سامان اور موٹر سائیکل بھی برآمد کر لی گئی ہے۔
.
ذریعہ
ذریعہ: Express News
کلیدی لفظ: پولیس نے
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ