وزیر اعلیٰ خیبرپختونخوا 9 تا 11 جنوری سندھ کا دورہ کرینگے ‘حلیم عادل شیخ
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) پاکستان تحریک انصاف سندھ کے صدر حلیم عادل شیخ نے کہاہے کہ وزیر اعلیٰ خیبرپختونخوا 9 تا 11 جنوری سندھ کا دورہ کرینگے،عوامی تحریک کے ذریعے عمران خان کا پیغام گھر گھر پہنچایا جائے گا، 8فروری یومِ سیاہ کے طور پر منائیں گے ، عوامی مینڈیٹ پر ڈاکہ ڈالا گیا،پی ٹی آئی پورے پاکستان کی جماعت ہے، فسطائیت کے آگے نہیں جھکیں گے۔ان خیالات کا اظہار حلیم عادل شیخ نے انصاف ہاؤس کراچی میں پریس کانفرنس کرتے ہوئے کیا،اس موقع پر پی ٹی آئی سندھ کے جنرل سیکرٹری ڈاکٹر مسرور سیال، کراچی کے جنرل سیکرٹری ارسلان خالد، سندھ اسمبلی میں پارلیمانی لیڈر شبیر قریشی، جمال صدیقی، جعفر الحسن، فرخ خان، صیم خان، عائشہ رشیدو دیگر رہنما بھی موجود تھے۔حلیم عادل شیخ نے کہا کہ چیئرمین پی ٹی آئی عمران خان نے اپنا واضح اور دوٹوک پیغام قوم تک پہنچانے کی ذمے داری وزیر اعلیٰ خیبرپختونخوا سہیل آفریدی کو سونپی ہے، اسی سلسلے میں وہ 9 سے 11 جنوری 2026 تک سندھ کا دورہ کر رہے ہیں،پی ٹی آئی کسی ایک صوبے یا شہر کی نہیں بلکہ پورے پاکستان کی جماعت ہے اور عمران خان کا پیغام سندھ کے شہر شہر لے جایا جائے گا۔وزیر اعلیٰ خیبرپختونخوا سہیل آفریدی کا دورہ سندھ پوری تنظیم سے مشاورت کے بعد حتمی شکل دیا گیا ہے۔ 9 جنوری کو سہیل آفریدی کی پارٹی رہنماؤں اور مختلف وفود سے ملاقاتیں ہوں گی۔ بعد ازاں فیڈریشن آف پاکستان چیمبرز آف کامرس اینڈ انڈسٹری کی دعوت پر تاجروں سے ملاقات، ساڑھے چار بجے کراچی پریس کلب میں میٹ دی پریس ہوگی، 10 جنوری کو وزیر اعلیٰ خیبرپختونخوا کراچی سے حیدرآباد کے لیے روانہ ہوں گے۔ دورانِ سفر جامشورو کے مقام پر سندھ یونائیٹڈ پارٹی کے صدر سید زین شاہ کی جانب سے استقبال کیا جائے گا۔ حلیم عادل شیخ نے کہا کہ 11 جنوری کو وزیر اعلیٰ خیبرپختونخوا کراچی میں قیام کریں گے، جہاں ڈسٹرکٹ سینٹرل، کیماڑی، ویسٹ اور ایسٹ میں تنظیمی نشستیں، میڈیا انٹریکشن اور اسٹریٹ موومنٹس ہوں گی۔ اس موقع پر مزارِ قائد پر حاضری دی جائے گی اور عوام سے خطاب کیا جائے گا۔ یوتھ ونگ کی جانب سے خصوصی اسٹریٹ موبلائزیشن بھی کی جائے گی۔انہوں نے واضح کیا کہ اس دورے میں پی ٹی آئی کے سیکرٹری جنرل بیرسٹر سلمان اکرم راجا، صوبائی وزیر مینا خان آفریدی، قومی اسمبلی میں پارلیمانی لیڈر شاہد خٹک، صوبائی وزیر شفیع جان سمیت مرکزی، صوبائی اور پارلیمانی قائدین بھی وزیر اعلیٰ خیبرپختونخوا کے ہمراہ ہوں گے۔ انہوں نے امید ظاہر کی کہ سندھ حکومت دورے کے دوران کسی قسم کی فسطائیت کا مظاہرہ نہیں کرے گی۔8فروری کو یومِ سیاہ قرار دیتے ہوئے حلیم عادل شیخ نے کہا کہ یہ وہ دن ہے جب عوام کے مینڈیٹ پر ڈاکہ ڈالا گیا، ایک سو اسی نشستوں والی جماعت کو زبردستی ہٹایا گیا اور آئین عملاً ختم کر دیا گیا۔ انہوں نے کہا کہ عدلیہ کی آزادی اور عمران خان کی رہائی کے لیے جدوجہد ناگزیر ہے اور آٹھ فروری کی بھرپور تیاری کی جا رہی ہے، پی ٹی آئی فسطائیت کے خلاف ڈٹ کر کھڑی ہے اور عمران خان کے نظریے کو ہر حال میں عوام تک پہنچایا جائے گا۔
اسٹاف رپورٹر
سیف اللہ
ذریعہ
ذریعہ: Jasarat News
کلیدی لفظ: حلیم عادل شیخ نے کہا پی ٹی ا ئی وزیر اعلی نے کہا کہ کا دورہ جائے گا
پڑھیں:
سندھ بلڈنگ، کراچی میں غیر قانونی کمرشلائزیشن کا طوفان
مزمل حسین ہالیپوٹو کی نااہلی کے باعث کراچی کا بنیادی ڈھانچہ شدید دباؤ کا شکار
پی ای سی ایچ ایس بلاک 2میں رہائشی پلاٹ پر کمرشل یونٹس تعمیر، آصف شیخ ملوث
شہر قائد میں رہائشی علاقوں میں غیر قانونی کمرشلائزیشن کا سلسلہ تیزی سے جاری ہے ، جس کے باعث شہر کا بنیادی ڈھانچہ شدید متاثر ہو رہا ہے ۔ شہری حلقوں کا کہنا ہے کہ سندھ بلڈنگ کنٹرول اتھارٹی کے ڈائریکٹر جنرل مزمل حسین ہالیپوٹو کی ناقص نگرانی اور انتظامی کمزوریوں کے سبب رہائشی پلاٹوں پر کمرشل پورشن اور یونٹس کی تعمیرات میں مسلسل دن بہ دن اضافہ ہو رہا ہے ۔تازہ معاملہ پی ای سی ایچ ایس بلاک 2کے پلاٹ نمبر 40-K/40Mکا سامنے آیا ہے ، جہاں مقامی ذرائع کے مطابق رہائشی حیثیت رکھنے والی اراضی پر کمرشل سرگرمیوں اور یونٹس کے قیام کے ذریعے مبینہ طور پر قبضے کیے گئے ہیں۔ ذرائع کا دعویٰ ہے کہ یہ تمام سرگرمیاں آصف شیخ کی سربراہی میں انجام دی جا رہی ہیں، جبکہ متعلقہ ادارے خاموش تماشائی بنے ہوئے ہیں۔شہریوں اور سماجی حلقوں نے مطالبہ کیا ہے کہ غیر قانونی تعمیرات اور کمرشلائزیشن کے خلاف فوری کارروائی کی جائے ، ذمہ دار افسران کا احتساب کیا جائے اور کراچی کے متاثرہ انفراسٹرکچر کو مزید نقصان سے بچانے کے لیے مؤثر اقدامات اٹھائے جائیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ