کراچی کی 500 سے زائد مخدوش عمارتوں پر بڑا فیصلہ: اہم اجلاس آج ہوگا
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: شہر قائد میں مخدوش عمارتوں کے باعث قیمتی انسانی جانوں کو لاحق سنگین خطرات کے پیش نظر وفاقی حکومت نے نیشنل ڈیزاسٹر مینجمنٹ اتھارٹی کو فوری اور جامع حکمت عملی ترتیب دینے کی ہدایت کر دی ہے، جس کے تحت آج اسلام آباد میں ایک اہم اعلیٰ سطحی اجلاس منعقد کیا جا رہا ہے۔
اجلاس میں کراچی کی 500 سے زائد خطرناک عمارتوں اور ان میں مقیم ہزاروں افراد کے مستقبل سے متعلق اہم فیصلے متوقع ہیں۔
ذرائع کے حوالے سے نجی ٹی وی کی رپورٹ کے مطابق اجلاس میں سندھ بلڈنگ کنٹرول اتھارٹی کے اعلیٰ حکام کو بھی شرکت کی ہدایت دی گئی ہے، جہاں وہ کراچی میں موجود مخدوش عمارتوں، ناقص تعمیرات، ممکنہ حادثات اور ان کے سدباب کے حوالے سے تفصیلی بریفنگ دیں گے۔
حکام کی جانب سے اس بات پر بھی روشنی ڈالی جائے گی کہ خطرناک عمارتوں کے خلاف کارروائی میں کن قانونی اور انتظامی رکاوٹوں کا سامنا ہے۔
ذرائع کا کہنا ہے کہ کراچی میں اس وقت 500 سے زائد ایسی عمارتیں موجود ہیں جنہیں انتہائی خطرناک قرار دیا جا چکا ہے اور ان میں رہائش پذیر افراد کی جانوں کو شدید خطرات لاحق ہیں۔ متعدد عمارتیں خستہ حالی، ناقص بنیادوں اور غیر قانونی تعمیرات کے باعث کسی بھی وقت بڑے سانحے کا سبب بن سکتی ہیں، جس پر وفاقی حکومت نے تشویش کا اظہار کیا ہے۔
اعلیٰ سطح کے اس اجلاس میں ان عمارتوں کے مکینوں کی محفوظ متبادل آبادکاری، جامع سروے، ایمرجنسی پلان اور فوری حفاظتی اقدامات پر غور کیا جائے گا۔ ذرائع کے مطابق اجلاس میں اس بات پر بھی مشاورت ہوگی کہ خطرناک عمارتوں کو خالی کرانے کے بعد متاثرہ خاندانوں کو کہاں اور کس طرح منتقل کیا جائے تاکہ انسانی بحران پیدا نہ ہو۔
اجلاس میں ملک بھر کے اہم ترقیاتی اور متعلقہ اداروں کے نمائندے بھی شریک ہوں گے جب کہ سندھ بلڈنگ کنٹرول اتھارٹی سے عملی اور قابل عمل تجاویز طلب کی گئی ہیں تاکہ مستقبل میں ایسے حادثات سے بچاؤ ممکن بنایا جا سکے۔ حکام کا کہنا ہے کہ صرف عمارتیں گرانا مسئلے کا حل نہیں بلکہ متبادل رہائش اور قانونی اصلاحات بھی ناگزیر ہیں۔
.
ذریعہ
ذریعہ: Jasarat News
پڑھیں:
عاطف اسلم کا نیا البم ’صبح آئے نہ‘ کب ریلیز ہو گا؟ گلوکار نے بڑی اپڈیٹ دے دی
پاکستان کے عالمی شہرت یافتہ گلوکار عاطف اسلم نے اپنے نئے میوزک البم ’صبح آئے نہ‘ کا باضابطہ اعلان کر دیا ہے۔
گلوکار عاطف اسلم کے مطابق آٹھ گانوں پر مشتمل اس البم میں ’صبح آئے نہ‘، ’سفر میں ہوں‘، ’عشق‘، ’لیٹس ہیو سو فن‘، ’سن سجنا‘، ’ہوں عشق میں‘، ’چار یار‘ اور ’سچے وعدے‘ شامل ہیں اور اس البم کو 31 جولائی کو دنیا بھر کے مختلف میوزک اسٹریمنگ پلیٹ فارمز پر ریلیز کیا جائے گا۔
اپنے نئے البم کے حوالے سے عاطف اسلم کا کہنا تھا کہ ’صبح آئے نہ‘ ان کے ذاتی سفر کی عکاسی کرتا ہے، جس میں انہوں نے اندرونی کشمکش سے نکل کر اپنی اصل شخصیت کو دریافت کیا۔
انہوں نے کہا، ’’یہ البم میری اس جدوجہد کی نمائندگی کرتا ہے جس میں میں نے اندرونی انتشار سے نکل کر اپنے حقیقی وجود کو پایا۔ میں بے حد پرجوش ہوں کہ آخرکار اسے اپنے مداحوں کے ساتھ شیئر کر رہا ہوں۔‘‘
View this post on Instagram View this post on Instagram
عاطف اسلم کے گانوں کو 8 ارب بار سنا جا چکا ہے:
دو دہائیوں سے زائد عرصے پر محیط اپنے شاندار موسیقی کے سفر کے دوران عاطف اسلم جنوبی ایشیا کے مقبول ترین گلوکاروں میں شمار ہوتے ہیں۔
تازہ اسپاٹیفائی اعداد و شمار کے مطابق، ان کے گانوں کو اب تک تقریباً 8 ارب بار سنا جا چکا ہے، جبکہ ہر ماہ 3 کروڑ سے زائد افراد 184 ممالک میں ان کی موسیقی سنتے ہیں۔
اعداد و شمار کے مطابق گزشتہ ایک سال کے دوران عاطف اسلم کی 96 فیصد اسٹریمنگز پاکستان سے باہر ہوئیں، جو مشرقِ وسطیٰ، شمالی امریکا، یورپ اور ایشیا پیسیفک سمیت مختلف خطوں میں ان کی مقبولیت کا ثبوت ہے۔
رپورٹ کے مطابق، عاطف اسلم کی موسیقی نوجوان نسل میں بھی بے حد مقبول ہے، جہاں جنریشن زیڈ ان کے 85 فیصد سامعین پر مشتمل ہے۔ گزشتہ ایک سال میں 4 کروڑ 10 لاکھ سے زائد نئے اور پرانے سامعین نے ان کے گانے سنے، جبکہ ان کے گانوں کو دنیا بھر میں 3 کروڑ 75 لاکھ سے زائد ذاتی پلے لسٹس میں شامل کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع