بدین ،بیوی کے قتل میں ملوث شوہر کو عمر قید کی سزا
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
بدین(نمائندہ جسارت)بیوی کو قتل کرنے والے ملزم کو جرم ثابت ہونے پر عدالت کی جانب سے عمر قید کی سزا۔ ڈسٹرکٹ پولیس بدین نے سنگین جرائم میں ملوث عناصر کیخلاف مؤثر تفتیش اور مضبوط قانونی پیروی کے ذریعے ایک اور اہم عدالتی کامیابی حاصل کر لی ہے، جہاں بیوی کے قتل میں ملوث ملزم کو جرم ثابت ہونے پر عدالت کی جانب سے سخت سزا سنا دی گئی ہے۔ مورخہ 20 جولائی 2022ء کو تھانہ کھوسکی کی حدود میں شادی شدہ خاتون مہر النساچانڈیو کو اس کے شوہر صدام حسین چانڈیو نے گھریلو تنازعہ کے دوران قتل کر دیا تھا۔ واقعہ کی اطلاع ملتے ہی تھانہ کھوسکی پولیس نے فوری کارروائی کرتے ہوئے ملزم کیخلاف قتل کے دفعات کے تحت مقدمہ درج کر لیا تھا ۔ مذکورہ مقدمہ کی تفتیش انسپکٹر مولچند میگھواڑ نے انتہائی محنت، پیشہ ورانہ مہارت اور ذمہ داری کے ساتھ مکمل کی۔ دورانِ تفتیش تمام ضروری شواہد، گواہان کے بیانات اور ٹھوس ثبوت اکٹھے کر کے عدالت میں پیش کیے گئے، جس کی بدولت استغاثہ نے مقدمہ کو کامیابی سے ثابت کیا۔تمام شواہد اور مؤثر پیروی کی بنیاد پر ایڈیشنل سیشن جج بدین طاہر حسین عباسی کی عدالت نے فیصلہ سناتے ہوئے ملزم صدام حسین چانڈیو کو عمر قید کی سزا سنا دی۔ملزم عدالتی ریمانڈ پر جیل میں تھا، جسے سزا سنائے جانے کے بعد مزید قید کاٹنے کیلیے ڈسٹرکٹ جیل بدین روانہ کر دیا گیا ہے۔
ذریعہ
ذریعہ: Jasarat News
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی