ڈائیلاگ کا عمل ہمیشہ ہی پائیدار نتیجہ دیتا ہے، شیر افضل مروت
اشاعت کی تاریخ: 7th, January 2026 GMT
رکن قومی اسمبلی شیر افضل مروت نے کہا ہے کہ ڈائیلاگ کا عمل ہمیشہ ہی پائیدار نتیجہ دیتا ہے۔
نیشنل ڈائیلاگ کمیٹی کے تحت قومی ڈائیلاگ سے خطاب میں شیر افضل مروت نے کہا کہ ہم نے کبھی بھی قومی سلامتی کے تصور کو سمجھنے کی کوشش نہیں کی۔
اتنی بڑی سیاسی جماعت ہے لیکن اپوزیشن لیڈر کسی اور کو نامزد کردیا: شیر افضل مروت
انہوں نے کہا کہ صلح حدیبیہ میں بھی ایسی شرائط بظاہر مسلمانوں کے خلاف تھیں، ڈائیلاگ کا عمل ہمیشہ سے ہی پائیدار نتیجہ دیتا ہے۔
پی ٹی آئی ایم این اے نے مزید کہا کہ بانی چیئرمین نے کبھی مذاکرات سے انکار نہیں کیا، ڈائیلاگ صرف بانی چیئرمین کی رہائی کا نہیں ہے۔
اُن کا کہنا تھا کہ فوج کو پاکستان کی طاقت بننا ہے، پاکستان کو فوج کی طاقت نہیں بننا، میرا حلقہ دہشت گردی سے سب سے زیادہ متاثرہ حلقہ ہے، یہ ریاست کی ذمہ داری ہے۔
پاکستان تحریک انصاف (پی ٹی آئی) کے رہنما شیر افضل مروت کا کہنا ہے کہ پی ٹی آئی میں کوئی اختلافات نہیں۔
شیر افضل مروت نے یہ بھی کہا کہ نیلسن منڈیلا نے کتنا عرصہ جیل میں گزارا، ایک ہم ہیں، سیاسی مخالفت کو نکتہ عروج پر پہنچا دیا ہے۔
انہوں نے کہا کہ 27ویں ترمیم کے بعد عدلیہ اپنی آزادی کھو چکی ہے ، حل بھی ہے لیکن سوال یہ ہے کہ عمل کون کروائے گا؟
پی ٹی آئی کے رکن قومی اسمبلی نے کہا کہ ڈائیلاگ بنیادی نظام پر ہونا چاہیے نہ کہ صرف بانی چیئرمین اور کوٹ لکھپت کے قیدیوں تک ہو۔
اُن کا کہنا تھا کہ میں پی ٹی آئی سے منتخب ہوا، میں نہ مانوں والی سوچ نے پارٹی کو اس حال پر پہنچایا ہے، آپ ن لیگ کے ساتھ نہیں بیٹھنا چاہتے، آپ کو اے این پی، پیپلز پارٹی اور فواد چوہدری سے کیا مسئلہ ہے۔
.
ذریعہ
ذریعہ: Jang News
کلیدی لفظ: شیر افضل مروت پی ٹی ا ئی نے کہا کہ
پڑھیں:
بانی سے ملاقات نہ ہوئی تو وفاقی بجٹ پاس نہیں ہونے دیں گے: سہیل آفریدی
راولپنڈی (اپنے سٹاف رپورٹر سے) وزیراعلیٰ خیبر پی کے محمد سہیل آفریدی نے اپنی اور صوبائی مشیر خزانہ کی بانی چیئرمین پاکستان تحریک انصاف سے ملاقات کرانے کا مطالبہ کرتے ہوئے کہا ہے کہ بانی سے بجٹ پر رہنمائی حاصل کرنا ضروری‘ اس کے لیے اسلام آباد ہائیکورٹ سے بھی رجوع کیا جائے گا۔ علیمہ خان کے ساتھ اڈیالہ جیل کے باہر گفتگو کرتے ہوئے وزیراعلیٰ نے کہا کہ ہمیں مزید دیوار سے لگانے کی کوشش اور ملاقات کا حق نہ دیا گیا تو 10 جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیا جائے گا۔ انہوں نے کہا کہ خیبر پی کے میں حکومت عمران خان کی ہے، اسے ان کے سوا کوئی ختم نہیں کر سکتا۔ انہوں نے مزید کہا کہ حکومت کے پاس نہ موثر داخلہ پالیسی ہے اور نہ ہی خارجہ پالیسی۔ آنے والا وفاقی بجٹ عوام پر ایک معاشی ایٹم بم ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ