پولیس سے مقابلوں میں ڈاکو ہلاک‘زخمیوں سمیت12گرفتار
اشاعت کی تاریخ: 8th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر) شہر کے مختلف علاقوں میں اسٹریٹ کرائم کے خلاف جاری کارروائیوں کے دوران پولیس اور ڈاکوؤں کے درمیان مختلف مبینہ مقابلوں کے دوران ایک ڈاکو ہلاک اور زخمیوں سمیت12 ملزما ن کو گرفتار کر لیاگیا گرفتار ملزمان سے اسلحہ ، موبائل فون ،موٹر سائیکلیں ، نقدی ،اور مسروقہ سامان برآمد ہوا ۔تفصیلات کے مطابق تھانہ کورنگی پولیس کا گلشن محمدی، گورنمنٹ پولی ٹیکنیکل انسٹیٹیوٹ کے قریب پولیس مقابلہ ہوا، دورانِ گشت ایک موٹر سائیکل پر سوار دو مشکوک افراد کو رکنے کا اشارہ کیا گیا، جس پر ملزمان نے پولیس پارٹی پر فائرنگ شروع کر دی۔جوابی فائرنگ کے نتیجے میں ایک ملزم ہلاک جبکہ دوسرا ملزم زخمی حالت میں فرار ہو گیا۔ہلاک ملزم کی شناخت جنید ولد عبدالرحمان کے نام سے ہوئی،گرفتار ملزم کے قبضے سے ایک 9 ایم ایم پستول بمعہ گولیاں اور 2 موبائیل فونز برآمد ہوئے ۔ہلاک ملزم کے خلاف قتل، ڈکیتی، پولیس مقابلہ اور اقدام قتل جیسے سنگین مقدمات کا رکارڈ ملا ہے۔پولیس کا مفرور ملزم کی گرفتاری کے لیے سرچنگ کا عمل جاری ہے۔ادھر گلشنِ معمار کے علاقے ناردرن بائی پاس ایم ڈی کٹ کے قریب دورانِ گشت مشکوک موٹرسائیکل سواروں کو رکنے کا اشارہ کیا۔ ملزمان نے پولیس پارٹی پر فائرنگ کر دی جس کے نتیجے میں دو طرفہ فائرنگ کا تبادلہ ہوا۔ فائرنگ کے دوران ایک ڈاکوارمان اللّٰہ عرف عرفان ولد کانہ خان زخمی حالت میں گرفتار کر لیا گیا، جسے فوری طور پر طبی امداد کے لیے قریبی اسپتال منتقل کیا گیا، جبکہ اس کے ساتھی ہجران ولد خیال زرین کو اسلحے سمیت گرفتار کر کے تھانے منتقل کر دیا گیا۔پولیس حکام کا کہنا ہے کہ گرفتار ملزمان کے قبضے سے اسلحہ، شہریوں سے چھینے گئے موبائل فونز اور واردات میں استعمال ہونے والی موٹرسائیکل برآمد کر لی گئی ہے، جبکہ ان کے دو دیگر ساتھی موقع سے فرار ہونے میں کامیاب ہو گئے، جن کی تلاش کے لیے علاقے میں ناکہ بندی اور چھاپے مار کارروائیاں جاری ہیں۔
ذریعہ
ذریعہ: Jasarat News
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم