وزیراعظم کا تحریک انصاف سے مذاکرات کیلئے گرین سگنل
اشاعت کی تاریخ: 8th, January 2026 GMT
اسلام آباد (نوائے وقت رپورٹ) وزیراعظم شہبازشریف ملک میں سیاسی استحکام لانے کے خواہشمند ہیں۔ وزیراعظم کی ہدایت پر حکومت نے اپوزیشن سے مذاکرات کی حکمت عملی بنائی۔ وزیراعظم نے سپیکر ایاز صادق کو اپوزیشن سے مذاکرات کا گرین سگنل دے دیا۔ حکومت کا پلان ہے کہ مذاکرات صرف پی ٹی آئی کے منتخب نمائندوں سے ہونگے۔ ایاز صادق کی پیشکش کے باوجود اپوزیشن صفوں میں خاموشی ہے۔ پارلیمانی ذرائع کے مطابق سپیکر سردار ایاز صادق نے تحریک انصاف کو اپنے چیمبر میں آنے کی دعوت دی ہوئی ہے۔ذرائع کے مطابق اپوزیشن کی آمادگی کی صورت میں سردار ایاز صادق پارلیمانی کمیٹی کا اجلاس بلائیں گے۔علاوہ ازیں سپیکر قومی اسمبلی ایاز صادق نے نجی ٹی وی انٹرویو میں کہا ہے کہ وزیراعظم نے مذاکرات کی دعوت دی ہے۔ فیصلہ پی ٹی آئی نے کرنا ہے۔ اگر پی ٹی آئی مذاکرات چاہتی ہے اور سنجیدہ ہے تو میرے آفس آ کر بتائے ہو سکتا ہے پہلی میٹنگ میں کچھ نہ ہو مگر مذاکرات سے ہی حل نکلے گا جب تک کرسی پر بیٹھا ہوں مذاکرات کے حوالے سے رول ادا کرتا رہوں گا۔ مذاکرات سے ہی سب کو کچھ نہ کچھ ملے گا۔ تالی دونوں ہاتھوں سے بجتی ہے۔ اپوزیشن لیڈر کا انہوں نے اتنا بڑا ایشو بنا دیا ہے۔ اپوزیشن لیڈر کا معاملہ عدالت میں زیر سماعت تھا، میں نے اس معاملے پر ان کو چار خطوط لکھے تھے۔ اپوزیشن لیڈر کے تقرر کے لئے پروسیجر کا مکمل ہونا ضروری ہے۔ انہوں نے عدالت میں مجھے پارٹی بنایا ہوا تھا میں تو مذاکرات کی ذمہ داری ممبران کی ہی لوں گا میں نے بنگلہ دیش میں اس کا بدلہ ہوا منظر دیکھا ہے۔ تعلقات بہتر اور پروازیں بھی بحال ہوگئی ہیں۔ بنگلہ دیش کے لوگوں نے بڑی محبت دی۔ بھارت کے ساتھ کبھی نہ کبھی تو مذاکرات ہونگے، کچھ لوگوں نے میرے بھارتی وزیرخارجہ سے ہاتھ ملانے پر تنقید کی۔علاوہ ازیں ذرائع کے مطابق پی ٹی آئی رہنما آج سپیکر ایاز صادق سے ملاقات کرینگے‘ اس بات کا فیصلہ تحریک انصاف کی سینئر قیادت کے اجلاس میں کیا گیا۔
.
ذریعہ
ذریعہ: Nawaiwaqt
کلیدی لفظ: مذاکرات کی ایاز صادق پی ٹی آئی
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ