ٹینس کی بدترین کھلاڑی کی ویڈیو وائرل، پروفیشنل ٹینس ایونٹ میں شرکت پر سوالات اٹھ گئے
اشاعت کی تاریخ: 8th, January 2026 GMT
پروفیشنل ٹینس ٹورنامنٹ میں وائلڈ کارڈ کے ذریعے شامل ہونے والی کھلاڑی غیر معمولی ناقص کارکردگی کے باعث سوشل میڈیا پر موضوعِ بحث بن گئیں۔
مصری ٹینس کھلاڑی حاجَر عبدالقدر نیروبی میں ہونے والے انٹرنیشنل ٹینس فیڈریشن (آئی ٹی ایف) ڈبلیو 35 ایونٹ کے پہلے راؤنڈ میں جرمن کھلاڑی لورینا شیڈل کے خلاف صرف 37 منٹ میں 0-6 اور 0-6 سے شکست کھا گئیں۔
21 سالہ عبدالقدر پورے میچ میں صرف تین پوائنٹس ہی حاصل کر سکیں، جن میں سے دو ان کی حریف کی ڈبل فالٹس اور ایک غیر ضروری غلطی کے نتیجے میں ملے۔
کلے کورٹ پر کھیلے گئے میچ میں وہ غیر یقینی انداز میں کھیلتی دکھائی دیں۔ عبدالقدر کی سروس بار بار لائن سے باہر جاتی رہی اور مجموعی طور پر انہوں نے 20 ڈبل فالٹس کیے۔
میچ کے دوران بعض اوقات وہ سروس کرتے وقت اپنی پوزیشن کے بارے میں بھی الجھن کا شکار نظر آئیں۔
Hajar Abdelkader entered a low level tennis tournament in Africa as a wild card
She might be the single worst athlete we’ve ever seen
pic.
اگرچہ انہوں نے 14 سال کی عمر میں ٹینس کھیلنا شروع کیا تھا، لیکن یہ ان کا پہلا ٹور لیول میچ تھا۔ اس کارکردگی کے بعد سوال اٹھائے جا رہے ہیں کہ انہیں ٹورنامنٹ میں جگہ کیسے ملی۔
ذرائع کے مطابق، ایک مقامی کینین کھلاڑی کے آخری وقت میں دستبردار ہونے کے بعد خالی جگہ پُر کرنے کے لیے انہیں وائلڈ کارڈ دیا گیا۔
واضح رہے کہ آئی ٹی ایف قوانین کے تحت وائلڈ کارڈ کی خرید و فروخت سختی سے ممنوع ہے اور یہ سہولت عموماً ابھرتے ہوئے مقامی کھلاڑیوں کو دی جاتی ہے۔
ذریعہ
ذریعہ: Express News
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی