سوئی سدرن گیس کمپنی کا صنعتوں کو گیس فراہمی بند کرنے کا اعلان
اشاعت کی تاریخ: 9th, January 2026 GMT
کاوش میمن :سوئی سدرن گیس کمپنی (SSGC) نے ایک بار پھر صنعتوں کو گیس کی فراہمی بند کرنے کا اعلان کر دیا ہے۔
ترجمان کے مطابق 11 جنوری صبح 8 بجے سے 12 جنوری صبح 8 بجے تک انڈسٹریل سیکٹر کو گیس فراہم نہیں کی جائے گی، جس کا دورانیہ 24 گھنٹے ہوگا۔
ترجمان سوئی سدرن گیس کا کہنا ہے کہ یہ فیصلہ گھریلو اور کمرشل صارفین کو بہتر گیس پریشر فراہم کرنے کے لیے کیا گیا ہے، تاکہ سرد موسم میں عوام کو گیس کی فراہمی میں مشکلات کا سامنا نہ کرنا پڑے۔
پنجاب بھر کے سرکاری ہسپتالوں سے متعلق مریم نواز کے بڑے فیصلے
اعلان کے مطابق 12 جنوری صبح 8 بجے تک صنعتوں کو گیس کی فراہمی مکمل طور پر معطل رہے گی، جس سے صنعتی پیداوار متاثر ہونے کا خدشہ ظاہر کیا جا رہا ہے۔ صنعتکاروں نے اس فیصلے پر تحفظات کا اظہار کرتے ہوئے مطالبہ کیا ہے کہ گیس بحران کا مستقل حل نکالا جائے۔
سوئی سدرن گیس حکام کا کہنا ہے کہ صورتحال معمول پر آتے ہی صنعتوں کو گیس کی فراہمی بحال کر دی جائے گی۔
.
ذریعہ
ذریعہ: City 42
کلیدی لفظ: کو گیس کی فراہمی صنعتوں کو گیس سوئی سدرن گیس
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع