وزیراعظم کی رمضان المبارک میں عوام دوست پیکیج تیار کرنے کی ہدایت
اشاعت کی تاریخ: 9th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد : وزیراعظم شہباز شریف نے رمضان المبارک میں عوام دوست امدادی پیکیج تیار کرنے کی ہدایات جاری کی ہیں۔
وزیراعظم شہباز شریف کی زیر صدارت رمضان المبارک کے لیے مجوزہ وفاقی رمضان پیکیج اور گزشتہ سال کے پیکیج کی تھرڈ پارٹی ویلیڈیشن کے حوالے سے ایک اہم جائزہ اجلاس منعقد ہوا، جس میں وزیراعظم نے آنے والے رمضان کے لیے عوام بالخصوص غریب اور سفید پوش طبقے کے لیے زیادہ مؤثر، شفاف اور سودمند پیکیج تیار کرنے کی واضح ہدایات جاری کیں۔
اجلاس میں وزیراعظم نے گزشتہ سال کے رمضان پیکیج پر مستند عالمی آڈٹ ادارے کی جانب سے دی گئی رپورٹ کو سراہتے ہوئے کہا کہ شفافیت اور مؤثر نگرانی حکومت کی پالیسی کا بنیادی ستون ہے۔
وزیراعظم نے اجلاس سے خطاب میں کہا کہ گزشتہ سال وفاقی حکومت نے رمضان پیکیج کے ذریعے غریب عوام کو ارزاں نرخوں پر اشیائے خور و نوش کی فراہمی کے لیے ایک نیا اور شفاف نظام متعارف کرایا، جس کے مثبت نتائج سامنے آئے۔ انہوں نے کہا کہ دہائیوں سے یوٹیلٹی اسٹورز کے ذریعے مالی بے ضابطگیوں، بدنظمی اور مستحق افراد کے استحصال کا جو نظام چلا آ رہا تھا، اسے موجودہ حکومت نے مرحلہ وار شفاف اور منظم ڈھانچے میں تبدیل کیا ہے، جس سے حقیقی مستحقین کو فائدہ پہنچا۔
وزیراعظم نے تمام متعلقہ وزارتوں اور اداروں کو ہدایت دی کہ آئندہ رمضان المبارک کے لیے پچھلے سال سے بھی زیادہ بہتر، جامع اور مؤثر پیکیج تیار کیا جائے تاکہ زیادہ سے زیادہ غریب اور سفید پوش خاندانوں کو ریلیف فراہم کیا جا سکے۔ انہوں نے واضح کیا کہ یوٹیلٹی اسٹورز میں بدعنوانی کے باعث ماضی میں مستحق افراد اپنے حق سے محروم رہے، اس لیے حکومت کی اولین ترجیح یہ ہے کہ سماجی تحفظ اور مالی معاونت کے تمام اقدامات مکمل شفافیت کے ساتھ کیے جائیں۔
اجلاس میں وزیراعظم نے اس بات پر بھی زور دیا کہ رمضان پیکیج کے تحت امدادی رقوم کی تقسیم ڈیجیٹل والٹس کے ذریعے کی جائے تاکہ مستحق افراد کی عزتِ نفس مجروح نہ ہو اور انہیں کسی قسم کی مشکلات کا سامنا نہ کرنا پڑے۔
انہوں نے کہا کہ ڈیجیٹل والٹس کے ذریعے رقوم کی فراہمی نہ صرف شفافیت کو یقینی بنائے گی بلکہ کیش لیس معیشت کے فروغ میں بھی ایک اہم سنگ میل ثابت ہوگی۔ وزیراعظم نے اسٹیٹ بینک آف پاکستان کی شمولیت کو بھی خوش آئند قرار دیتے ہوئے کہا کہ اس سے رمضان پیکیج کی تقسیم مزید مؤثر ہو سکے گی۔
وزیراعظم نے متعلقہ اداروں کو خصوصی ہدایت دی کہ امدادی رقوم کے دائرہ کار کو زیادہ سے زیادہ وسیع کیا جائے تاکہ زیادہ مستحق خاندان اس سہولت سے فائدہ اٹھا سکیں۔ انہوں نے اس مقصد کے لیے جامع حکمت عملی، عملی اقدامات اور سفارشات جلد پیش کرنے کی ہدایت دی، جبکہ مؤثر نگرانی کے لیے ڈیجیٹل ڈیش بورڈ اور منظم مانیٹرنگ سسٹم وضع کرنے پر بھی زور دیا۔
اجلاس میں دی گئی بریفنگ میں بتایا گیا کہ گزشتہ سال رمضان پیکیج کی تھرڈ پارٹی ویلیڈیشن عالمی شہرت یافتہ آڈٹ فرم نے کی، جس نے حکومتی پیکیج کو شفاف اور مؤثر قرار دیا۔ بریفنگ میں یہ بھی آگاہ کیا گیا کہ بینظیر انکم سپورٹ پروگرام کے تحت سوشل پروٹیکشن والٹ نظام متعارف کرایا جا رہا ہے، جس کے ذریعے مستحق افراد کو مفت سمز فراہم کی جا رہی ہیں، اور مارچ 2026 سے تمام امدادی رقوم انہی سمز کے ذریعے ڈیجیٹل طور پر تقسیم کی جائیں گی۔
اجلاس میں وفاقی وزیر خزانہ محمد اورنگزیب، وفاقی وزیر اطلاعات و نشریات عطا اللہ تارڑ، وفاقی وزیر تخفیف غربت سید عمران احمد شاہ، وفاقی وزیر قومی تحفظ خوراک رانا تنویر حسین، وفاقی وزیر انفارمیشن ٹیکنالوجی شزا فاطمہ خواجہ، وزیراعظم کے معاون خصوصی ہارون اختر، چیئرمین نادرا، چیئرمین پاکستان ٹیلی کمیونیکیشن اتھارٹی اور دیگر اعلیٰ سرکاری حکام نے شرکت کی۔
.
ذریعہ
ذریعہ: Jasarat News
کلیدی لفظ: رمضان المبارک رمضان پیکیج مستحق افراد پیکیج تیار وفاقی وزیر گزشتہ سال اجلاس میں کے ذریعے انہوں نے کرنے کی کے لیے کہا کہ
پڑھیں:
مینگو شیک کے لیے کون سا آم بہترین ہے؟ ذائقے اور کریمی ٹیکسچر کو بدل دینے والے راز
گرمیوں کی آمد کے ساتھ ہی آموں کی خوشبو اور مٹھاس ہر طرف پھیل جاتی ہے، اور بازاروں، ریڑھیوں اور گھروں میں مختلف اقسام کے آم اپنی رنگینی بکھیرنے لگتے ہیں۔
پاکستان میں آم کی کئی مشہور اقسام پائی جاتی ہیں جن میں دسہری، کیسر، چونسہ اور سندھ کے بعض علاقوں میں محدود پیمانے پر کاشت ہونے والا الفانسو آم شامل ہے، جسے عام طور پر ’الفنس‘ کے نام سے بھی جانا جاتا ہے۔
آم کو صرف ایک پھل نہیں بلکہ گرمیوں کی پہچان سمجھا جاتا ہے، اسی لیے اس موسم میں اس سے آئس کریم، میٹھے پکوان، آم رس، سلاد اور مختلف مشروبات تیار کیے جاتے ہیں۔ تاہم ٹھنڈا اور گاڑھا مینگو شیک آج بھی سب سے زیادہ پسند کیے جانے والے مشروبات میں شمار ہوتا ہے، اور اکثر یہ سوال سامنے آتا ہے کہ آخر مینگو شیک کے لیے بہترین آم کون سا ہے؟
ماہرین اور شوقین افراد کے مطابق الفانسو آم مینگو شیک کے لیے بہترین انتخاب سمجھا جاتا ہے۔ اس کی گودے دار ساخت قدرتی طور پر کریمی ہوتی ہے، اس میں ریشہ نہ ہونے کے برابر ہوتا ہے اور اس کی مٹھاس دودھ کے ساتھ بخوبی گھل جاتی ہے، جس سے شیک ہموار اور ملائم بنتا ہے۔ بعض آم بلینڈ کرنے کے بعد ریشے دار محسوس ہوتے ہیں، لیکن الفانسو شیک کو ایک یکساں اور کریمی ساخت دیتا ہے۔
الفانسو آم کی ایک اور نمایاں خصوصیت اس کی خوشبو ہے، جو سادہ دودھ کے شیک کو بھی ایک خاص ذائقہ اور مہک عطا کرتی ہے۔ چونکہ یہ قدرتی طور پر بہت میٹھا ہوتا ہے، اس لیے اکثر افراد اس میں اضافی چینی ڈالنے کی ضرورت محسوس نہیں کرتے۔
ماہرین کا کہنا ہے کہ ہر آم مینگو شیک کے لیے یکساں طور پر موزوں نہیں ہوتا۔ ایک اچھے شیک کے لیے ایسے آم کا انتخاب بہتر ہے جس میں ریشہ کم ہو، گودا قدرتی طور پر میٹھا اور خوشبودار ہو، ساخت گاڑھی اور کریمی ہو، جبکہ گٹھلی چھوٹی اور گودا زیادہ ہو۔
الفانسو کے علاوہ کیسر آم بھی ایک اچھا انتخاب سمجھا جاتا ہے، جو اپنے شوخ نارنجی گودے اور بھرپور مٹھاس کے باعث گاڑھا اور لذیذ شیک تیار کرتا ہے۔ اسی طرح دسہری آم اپنی خوشبو اور رس دار خصوصیات کی وجہ سے ہلکے اور تازگی بخش شیک کے لیے موزوں مانا جاتا ہے۔
ماہرین یہ بھی خبردار کرتے ہیں کہ بہت زیادہ پکے ہوئے آم استعمال نہ کیے جائیں، کیونکہ اگرچہ وہ زیادہ میٹھے ہوتے ہیں لیکن بعض اوقات ان میں خمیر جیسی بو پیدا ہو سکتی ہے جو شیک کے ذائقے کو متاثر کرتی ہے۔
گھر میں بہترین مینگو شیک بنانے کے لیے چند آسان طریقے بھی مددگار ثابت ہوتے ہیں۔ آموں کو استعمال سے پہلے ٹھنڈا کر لیا جائے تو برف کی ضرورت کم ہو جاتی ہے، جبکہ مکمل چکنائی والے ٹھنڈے دودھ سے شیک زیادہ کریمی بنتا ہے۔ آم کے ٹکڑوں کو فریز کر کے استعمال کرنے سے شیک مزید گاڑھا ہو جاتا ہے، اور ذائقے میں بہتری کے لیے ہلکی سی الائچی یا زعفران بھی شامل کیا جا سکتا ہے۔
ماہرین کے مطابق ضرورت سے زیادہ بلینڈنگ سے شیک پتلا بھی ہو سکتا ہے، اس لیے اسے مناسب وقت تک ہی بلینڈ کرنا بہتر سمجھا جاتا ہے۔ مجموعی طور پر کہا جا سکتا ہے کہ گرمیوں میں بہترین مینگو شیک کا راز صرف ترکیب میں نہیں بلکہ صحیح آم کے انتخاب میں بھی چھپا ہوتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ