ہاؤس بلڈنگ فنانس کی نجکاری کا موجودہ عمل ختم کرنے کی سفارش
اشاعت کی تاریخ: 9th, January 2026 GMT
نجکاری کمیشن بورڈ نے ہاؤس بلڈنگ فنانس کمپنی لمیٹڈ (ایچ بی ایف سی ایل) کی نجکاری کا موجودہ عمل ختم کرنے کی سفارش کردی۔
وزیراعظم شہباز شریف کے مشیر برائے نجکاری محمد علی کی زیر صدارت کی زیر صدارت بورڈ کا اجلاس ہوا۔
اجلاس کے اعلامیے کے مطابق بورڈ نے ایچ بی ایف سی ایل کی نجکاری کا موجودہ عمل ختم کرنے کی سفارش کی، اجلاس میں ایچ بی ایف سی ایل کے 51 فیصد حصص کی نیلامی دوبارہ شروع کرنے کا فیصلہ کیا گیا ہے۔
اجلاس کے اعلامیے کے مطابق پاکستان مورگیج ری فنانس کمپنی کی 4 اعشاریہ 2 ارب کی بولی مسترد کی اور ریفرنس قیمت 13 اعشاریہ 55 ارب تھی۔
اعلامیے کے مطابق نجکاری بورڈ نے اسلام آباد انٹرنیشنل ایئرپورٹ کو نجکاری پروگرام میں شامل کرنے کی سفارش بھی کی ہے۔
نجکاری کمیشن بورڈ نے نیو اسلام آباد ایئرپورٹ کےلیے کنسیشن ماڈل اپنانے کا فیصلہ کیا اور نجکاری کے عمل میں جی ٹو جی ماڈل مسترد کیا اور اوپن بولی کا راستہ اپنانے کا فیصلہ کیا ہے۔
اجلاس کے اعلامیے کے مطابق نجکاری بورڈ کی ایشیائی ترقیاتی بینک سے فنانشل ایڈوائزر کی تقرری پر مذاکرات کی منظوری دی گئی جبکہ حیسکو اور سیپکو کی نجکاری کے لیے ٹرانزیکشن کمیٹی قائم کی ہے۔
.
ذریعہ
ذریعہ: Jang News
کلیدی لفظ: اعلامیے کے مطابق کرنے کی سفارش کی نجکاری
پڑھیں:
مسجد اقصیٰ کی حرمت پر کوئی سمجھوتہ نہیں، پاکستان سمیت 8 ممالک کے وزرائے خارجہ کا دوٹوک اعلان
پاکستان سمیت آٹھ مسلم ممالک کے وزرائے خارجہ نے مسجد اقصیٰ میں اسرائیلی آبادکاروں اور انتہا پسند عناصر کی حالیہ کارروائیوں کی سخت الفاظ میں مذمت کرتے ہوئے خبردار کیا ہے کہ ایسے اقدامات نہ صرف مذہبی تقدس کی پامالی ہیں بلکہ پورے خطے میں کشیدگی کو خطرناک حد تک بڑھا رہے ہیں۔
مشترکہ اعلامیے پر پاکستان، سعودی عرب، متحدہ عرب امارات، قطر، مصر، اردن، ترکیہ اور انڈونیشیا کے وزرائے خارجہ نے اتفاق کیا۔ اعلامیے میں کہا گیا کہ مسجد اقصیٰ میں اسرائیلی آبادکاروں کی اشتعال انگیز کارروائیاں اور اسرائیلی انتہا پسند وزرا و گروہوں کی سرگرمیاں ناقابلِ قبول ہیں اور ان سے خطے میں امن و استحکام کو شدید خطرات لاحق ہو رہے ہیں۔
وزرائے خارجہ نے اس بات پر زور دیا کہ مسجد اقصیٰ کی تاریخی، قانونی اور مذہبی حیثیت کا ہر صورت احترام کیا جانا چاہیے اور اس میں کسی بھی قسم کی یکطرفہ تبدیلی ناقابلِ قبول ہے۔
مشترکہ اعلامیے میں مسجد اقصیٰ کے انتظامی اور مذہبی امور پر اردن کے محکمہ اوقاف کے خصوصی اختیار کا اعادہ کرتے ہوئے عالمی برادری سے مطالبہ کیا گیا کہ اس حیثیت کو برقرار رکھنے کے لیے مؤثر اقدامات کیے جائیں۔
اعلامیے میں اسرائیل سے مطالبہ کیا گیا کہ مسلمانوں کو مسجدِ اقصیٰ میں عبادت سے روکنے کا سلسلہ فوری طور پر بند کیا جائے، مذہبی آزادی کا احترام کیا جائے اور ایسے تمام اقدامات سے گریز کیا جائے جو مزید کشیدگی اور تصادم کا سبب بن سکتے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی