کراچی نے بانی پی ٹی آئی کو مسترد کر دیا، جلسے کی اجازت نہ دی جائے، ترجمان وفاقی حکومت
اشاعت کی تاریخ: 10th, January 2026 GMT
کراچی:
وفاقی حکومت کے ترجمان برائے سندھ راجہ انصاری نے کہا ہے کہ کراچی نے بانی پی ٹی آئی کو مسترد کر دیا ہے، پی ٹی آئی کو شہر قائد میں جلسے کی اجازت نہ دی جائے۔
کراچی پریس کلب میں پریس کانفرنس کرتے ہوئے راجہ انصاری کا کہنا تھا کہ بانی پی ٹی آئی کو کراچی نے مکمل طور پر مسترد کر دیا ہے اور ایسے لوگ جو دہشت گردوں کے سپورٹرز ہوں، انہیں سپورٹ نہیں کیا جانا چاہیے۔ انہوں نے سندھ حکومت سے مطالبہ کیا کہ تحریک انصاف کو کراچی میں جلسے کی اجازت نہ دی جائے۔
راجہ انصاری نے کہا کہ مسلم لیگ ن نے ہمیشہ آمریت کے خلاف سیاست کی ہے اور وفاق پی ٹی آئی کے صرف ان لوگوں سے ڈائیلاگ کرے گا جو قانون اور آئین کو مانتے ہیں۔ انہوں نے دعویٰ کیا کہ آئندہ گورنر سندھ مسلم لیگ ن کا ہوگا۔ گزشتہ جمعہ کو تحریک انصاف نے پورے شہر قائد کو یرغمال بنائے رکھا۔ میں نے کل فوٹیجز دیکھیں اور کہیں بھی 500 سے زائد افراد موجود نہیں تھے۔ افغان شہری بھی ان کے ساتھ تھے اور سیکیورٹی اداروں کے خلاف غلط الفاظ استعمال کیے گئے۔
انہوں نے کہا کہ عوامی مینڈیٹ کو گالی دی گئی ۔ خیبرپختونخوا کے وزیر اعلیٰ نے دیگر صوبوں کے مینڈیٹ کی توہین کی۔ آئین شہریوں کو اجازت دیتا ہے کہ وہ ملک میں کہیں بھی جا سکتے ہیں، مگر بطور وزیر اعلیٰ انہیں اپنے صوبے میں اپنی کارکردگی دکھانی چاہیے کیونکہ انہوں نے آئین اور عوام سے وفاداری کا حلف لیا ہے۔
راجہ انصاری کا مزید کہنا تھا کہ خیبرپختونخوا میں 2025 میں دہشت گردی کے 5 ہزار واقعات ہو چکے ہیں۔ ملٹری آپریشن کو دہشت گردی کہنے والے نے اپنے حلف کی خلاف ورزی کی ہے۔
انہوں نے کہا کہ صوبے میں ہر طرح کی اسمگلنگ سے کمائی کی جا رہی ہے ۔ ٹی ٹی پی کے ذریعے حکومت ان سے ملی ہوئی ہے۔ سندھ کے عوام بے وقوف نہیں ہیں۔ راجہ انصاری نے کہا کہ کل عام آدمی تحریک انصاف کے استقبال کے لیے باہر نہیں نکلا۔ انہوں نے بلاول بھٹو اور مراد علی شاہ سے کہا کہ تحریک انصاف کو جلسے کی اجازت نہ دی جائے کیوں کہ کل کو ٹی ٹی پی یا کچے کے ڈاکو بھی جلسے کی اجازت مانگ سکتے ہیں۔ ان کا کہنا تھا کہ جلسوں کی اجازت سیاسی جماعتوں کو دی جاتی ہے اور دہشت گردوں کو سازگار ماحول نہیں دیا جانا چاہیے۔
انہوں نے مزید کہا کہ کون بھول سکتا ہے کہ کیپٹن صفدر کو کس طرح گرفتار کیا گیا تھا ۔ محمود اچکزئی کے مطابق پی ٹی آئی میں ہر 100 بندوں کا الگ الگ لیڈر ہے۔ کراچی کے عوام نے پاکستان تحریک انصاف کو مسترد کر دیا ہے۔ وزیر اعظم نے پی ٹی آئی کے ان لوگوں کو مذاکرات کی دعوت دی ہے جو آئین کو مانتے ہیں اور ان کے لیے ڈائیلاگ کے دروازے ہر وقت کھلے ہیں، مگر جو گروہ دہشت گردوں کے سہولت کار ہیں، انہیں مذاکرات کی دعوت نہیں دی جائے گی۔
انہوں نے کہا کہ بطور وزیر اعلیٰ ان کے مینڈیٹ کا احترام کیا جاتا ہے ۔ وزیر اعلیٰ سندھ نے بھی اسی حوالے سے انہیں پروٹوکول دیا کیونکہ وہ سی ایم ہیں، تاہم اُنہوں نے اپنے دور میں سندھ اور کراچی کے لیے کچھ نہیں کیا۔ راجہ انصاری نے کہا کہ یہ اپنے جلسے میں فوجی آپریشن کی مخالفت کریں گے اور دہشت گردوں کی حمایت کریں گے۔ انہوں نے واضح کیا کہ پیپلز پارٹی اور مسلم لیگ ن الگ جماعتیں ہیں ۔ وہ پیپلز پارٹی پر تنقید نہیں کر رہے۔
راجہ انصاری کا کہنا تھا کہ پنجاب کے دورے میں بھی پنجاب کے عوام نے انہیں رد کر دیا تھا ۔ جو لوگ اپنے سوا کسی کا مینڈیٹ تسلیم نہیں کرتے، ان سے مذاکرات نہیں ہو سکتے۔ انہوں نے کہا کہ مسلم لیگ ن نے آمریت کے خلاف جدوجہد کی ہے ۔ آج نواز شریف کے بیانیے کو اسٹیبلشمنٹ نے تسلیم کیا اور اپنے افسر کو سزا دی۔ 9 مئی ہم نے نہیں کیا بلکہ عمران خان کے بھانجے نے کیا، وہ سب جانتے ہیں۔
انہوں نے کہا کہ کل شارع فیصل پر طوفان بدتمیزی برپا کیا گیا۔ صوبائی حکومت کو کراچی میں ٹریفک مسائل پر توجہ دینی چاہیے۔ سب کو پتا ہے کہ بیرسٹر گوہر اور بانی پی ٹی آئی کے گروپ میں نہیں بنتی ۔ عوام نے بانی پی ٹی آئی کو مسترد کر دیا ہے۔ انہوں نے ایک بار پھر کہا کہ سندھ میں آئندہ جب بھی گورنر لگے گا، وہ مسلم لیگ ن کا ہوگا۔
.
ذریعہ
ذریعہ: Express News
کلیدی لفظ: جلسے کی اجازت نہ دی جائے راجہ انصاری نے کہا بانی پی ٹی آئی کو انہوں نے کہا کہ کو مسترد کر دیا مسترد کر دیا ہے تحریک انصاف کہنا تھا کہ مسلم لیگ ن وزیر اعلی
پڑھیں:
سندھ حکومت کا مہنگے داموں پاسکو سے گندم خریدنے کا فیصلہ
(سٹی42)سندھ حکومت نے مہنگے داموں پاسکو سے گندم خرید کرنے کا فیصلہ کرلیا۔
2024 کی پرانی گندم پاسکو سے خرید ی جائے گی،پاسکو نے فی 40 کلو گرام کا 4150 روپے نرخ مقرر کیا ہے۔
پاسکو نے 2 لاکھ 20 ہزار 665 میٹرک ٹن گندم سندھ کو دینے کی پیشکش کی ہے،سندھ نے کاشت کاروں کیلئے 3500 روپے گندم خریداری کا نرخ مقرر کیا تھا لیکن کاشت کاروں نے کم نرخ کی وجہ سے گندم حکومت کو نہیں دی اورسندھ حکومت ایک لاکھ میٹرک ٹن گندم نہیں خرید سکی۔
سندھ حکومت نےرواں سال 10 لاکھ میٹرک ٹن گندم خرید کرنے کا ہدف مقرر کیا تھا،اب سندھ حکومت 650 روپے فی 40 کلو گرام 650 روپے مہنگی گندم خرید رہی ہے،سندھ حکومت نے بیرون ممالک سے 5 لاکھ میٹرک ٹن گندم درآمد کرنے کا فیصلہ بھی کیا ہے۔
محکمہ خوراک سندھ کے مطابق صوبے کو 16 لاکھ میٹرک ٹن سے زائد گندم کی قلت کا سامنا ہے، سندھ میں گندم کی ضرورت 65 لاکھ 30 ہزار میٹرک ٹن ہے،سندھ میں گندم کی پیداوار 47 لاکھ میٹرک ٹن سے زیادہ ہوئی ، جبکہ ایک لاکھ 40 ہزار میٹرک ٹن پرانی گندم کے ذخائر موجود ہیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محکمہ خوراک کے مطابق اوپن مارکیٹ میں زیادہ نرخ کی وجہ کاشت کاروں سے گندم خرید نہیںسکے،گندم کی قلت کا سامنا کرنے کی وجہ سے گندم درآمد کرنی پڑے گی،سندھ کابینہ نے گزشتہ روز گندم در آمد کرنے کی منظوری دیدی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع