رجب بٹ نے سوشل میڈیا اکاؤنٹس غیرفعال کردیے، وجہ کیا بنی؟
اشاعت کی تاریخ: 10th, January 2026 GMT
مشہور یوٹیوبر رجب بٹ ایک بار پھر سوشل میڈیا کی توجہ کا مرکز بن گئے ہیں، لیکن اس بار وجہ کوئی نیا ویڈیو مواد نہیں بلکہ ان کی ذاتی زندگی میں پیدا ہونے والا تنازع ہے۔ اس کے بعد انہوں نے اپنا یوٹیوب چینل اور انسٹاگرام اکاؤنٹ غیر فعال کردیے ہیں۔
مزید پڑھیں: نہیں معلوم کہ یہ شادی چلے گی یا نہیں، یوٹیوبر رجب بٹ کا شادی کے مستقبل پر حیران کن انکشاف
حالیہ دنوں میں رجب بٹ کے خاندانی امور سوشل میڈیا پر نمایاں ہوئے، جب انہوں نے اپنی والدہ اور بہن کے حق میں متعدد پوسٹس شیئر کیں اور اہلیہ کے ساتھ اختلافات سے متعلق کچھ نجی چیٹس بھی عوام کے سامنے آئیں۔
ان مواد کے بعد صارفین کی جانب سے شدید ردِعمل سامنے آیا اور معاملہ جلد ہی تنازعے کی شکل اختیار کر گیا۔
میڈیا رپورٹس کے مطابق بڑھتی ہوئی تنقید اور ذاتی زندگی کے معاملات کے غیر ضروری افشا ہونے کی وجہ سے رجب بٹ نے انسٹاگرام، یوٹیوب اور ٹک ٹاک اکاؤنٹس عارضی طور پر بند کرنے کا فیصلہ کیا۔
ایک قریبی دوست نے بتایا کہ یہ اکاؤنٹس مستقل طور پر ڈیلیٹ نہیں کیے گئے، بلکہ وقتی طور پر رجب بٹ کی جانب سے ڈی ایکٹیویٹ کیے گئے ہیں۔
مزید پڑھیں: رجب بٹ کے وکیل اور مخالف وکلا کے درمیان مذاکرات کامیاب، مقدمات واپس لینے کا فیصلہ
میڈیا رپورٹس میں مزید کہا گیا ہے کہ یہ اقدام ذہنی دباؤ سے بچنے اور حالات کو سنبھالنے کے لیے کیا گیا ہے، اور امکان ہے کہ رجب بٹ جلد ہی سوشل میڈیا پر دوبارہ متحرک ہوں گے۔ مداح اس فیصلے پر فکر مند ہیں، جبکہ کئی صارفین اسے ایک سمجھدار اور ضروری وقفہ قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انسٹا گرام رجب بٹ سوشل میڈیا اکاؤنٹس غیرفعال وی نیوز یوٹیوب.
ذریعہ
ذریعہ: WE News
کلیدی لفظ: انسٹا گرام سوشل میڈیا اکاؤنٹس غیرفعال وی نیوز یوٹیوب سوشل میڈیا
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
بھارت سے جنگ اور افغانستان میں کارروائی خارج ازامکان نہیں، وزیردفاع