کراچی: محکمہ فائر بریگیڈ میں ملازمین کی بھرتی کیلئے خالی اسامیوں کی تفصیلات طلب
اشاعت کی تاریخ: 12th, January 2026 GMT
فوٹو: فائل
کراچی میں محکمہ فائر بریگیڈ میں بہتری کیلئے 16 سال بعد بھرتیوں کیلئے اقدامات کیے جا رہے ہیں۔ کے ایم سی کے محکمہ فائر بریگیڈ میں ملازمین کی بھرتی کیلئے خالی اسامیوں کی تفصیلات طلب کی گئی ہیں۔
حکام کے مطابق کے ایم سی کے محکمہ فائر بریگیڈ میں گریڈ1 سے گریڈ 17 کی 440 اسامیاں خالی ہیں، فائر بریگیڈ میں گریڈ 17 کے ڈپٹی ڈائریکٹر کی ایک اور اسٹیشن آفسیرز کی 8 اسامیاں خالی ہیں۔
کے ایم سی کے حکام کے مطابق گریڈ 14 کے سینئر کلرک کی 8 اسامیاں خالی ہیں جبکہ گریڈ 12 کے سب فائر آفیسر کی 7 اسامیاں خالی ہیں۔
کے ایم سی کے حکام کے مطابق فورمین کی 2 اور وائرلیس مکینک کی اسامی خالی ہے۔
کے ایم سی کے حکام کے مطابق گریڈ 11 کے ٹیلیفون آپریٹر کی ایک، گریڈ 10 کی لیڈنگ فائر مین کی 34 آسامیاں خالی ہیں، گریڈ 5, 7 اور 8 میں ڈرائیورز کی 149 اسامیاں خالی ہیں۔
حکام کے مطابق گریڈ 7 کے مکینیک کی چار، آٹو الیکٹریشن کی تین، ایمبولینس اٹینڈنٹ کی 2 اسامیاں خالی ہیں۔ جبکہ گریڈ 5 میں فائر مین کی 207، ایمبولینس حوالدار کی ایک اور سینیٹری ورکرز کی 7 آسامیاں خالی ہیں۔
کے ایم سی کے حکام کے مطابق محکمہ فائر بریگیڈ میں 1353 ملازمین کی کیپسٹی میں سے 913 ملازمین موجود ہیں۔
حکام کا کہنا ہے کہ 16 سال کے دوران وفات پانے والے ملازمین، آتشزدگی کے واقعات میں شہید، زخمی اور ریٹائرڈ ہونے سے 440 اسامیاں خالی ہیں۔
کے ایم سی کے حکام کے مطابق محکمہ فائر بریگیڈ میں 2009 میں آخری مرتبہ بھرتیاں کی گئی تھی۔
.
ذریعہ
ذریعہ: Jang News
کلیدی لفظ: کے ایم سی کے حکام کے مطابق محکمہ فائر بریگیڈ میں اسامیاں خالی ہیں
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
پاکستان نے ورلڈ کپ 2028 کیلیے براہ راست کوالیفائی کر لیا