عوام کے محافظ خود نشانہ بن گئے، ڈاکوؤں نے 20 سے زیادہ پولیس اہلکاروں کو لوٹ لیا
اشاعت کی تاریخ: 12th, January 2026 GMT
سندھ کے ضلع لاڑکانہ میں ڈاکوؤں نے بڑی واردات کرتے ہوئے 20 سے زیادہ پولیس اہلکاروں کو لوٹ لیا۔
مزید پڑھیں: سندھ حکومت کا کچے کے ڈاکوؤں کے خلاف آپریشن شروع کرنے کا اعلان، قومی دھارے میں شامل ہونے کا آخری موقع
میڈیا رپورٹس کے مطابق یہ واقعہ رتوڈیرو کے قریب پیش آیا جہاں چھٹیوں کے بعد تربیتی مرکز لاڑکانہ واپس جانے والے 21 زیرِ تربیت پولیس اہلکار ڈاکوؤں کا نشانہ بن گئے۔
مسلح ملزمان نے اہلکاروں سے موبائل فونز، نقد رقم اور دیگر قیمتی سامان چھین لیا اور موقع سے فرار ہو گئے۔
ایس ایس پی لاڑکانہ احمد فیصل نے بتایا کہ واقعے کی اطلاع ملتے ہی پولیس کی ٹیمیں جائے وقوعہ کی جانب روانہ کر دی گئیں، جبکہ ملزمان کی گرفتاری کے لیے سرچ آپریشن بھی شروع کر دیا گیا ہے۔
مزید پڑھیں: سندھ میں ڈاکوؤں سے مقابلہ کرنے والے میاں بیوی پولیس اہلکار کون ہیں؟
پولیس حکام کا کہنا ہے کہ واقعے کی مختلف پہلوؤں سے تحقیقات جاری ہیں اور ڈاکوؤں کی تلاش کے لیے متعدد مقامات پر ناکہ بندیاں کی جا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ڈاکو زیر تربیت پولیس اہلکار سندھ لوٹ لیا وی نیوز.
ذریعہ
ذریعہ: WE News
کلیدی لفظ: ڈاکو زیر تربیت پولیس اہلکار لوٹ لیا وی نیوز
پڑھیں:
سندھ حکومت پولیس فورس کو جدید خطوط پر استوار کرنے کیلئے پرعزم ہے، وزیراعلیٰ سندھ
کراچی(ڈیلی پاکستان آن لائن) وزیر اعلیٰ سندھ مراد علی شایہ نے کہا ہے کہ سندھ حکومت پولیس فورس کو جدید خطوط پر استوار کرنے کیلئے پرعزم ہے۔
نجی ٹی وی چینل دنیا نیوز کے مطابق وزیراعلیٰ سندھ مراد علی شاہ نے کہا ہے کہ امن و امان کے قیام اور عوام کے جان و مال کے تحفظ میں سندھ پولیس کا کردار قابلِ ستائش ہے، سندھ پولیس عوام کے جان و مال کے تحفظ کے لیے ہر وقت تیار ہے، جدید تربیت یافتہ پولیس فورس امن و امان کے قیام میں کلیدی کردار ادا کرے گی۔
مراد علی شاہ نے پاسنگ آؤٹ پریڈ کی تقریب سے خطاب کرتے ہوئے کہا کہ پیشہ ورانہ مہارت، دیانتداری اور عوامی خدمت سندھ پولیس کی پہچان ہونی چاہیے، ہماری حکومت پولیس کی استعداد کار بڑھانے اور جدید سہولیات کی فراہمی کے لیے پرعزم ہے، نئی بھرتی ہونے والے جوان قانون کی بالادستی اور عوامی اعتماد کے فروغ میں اپنا بھرپور کردار ادا کریں۔
اداکارہ روما مائیکل اداکار شان بیگ سے شادی کے بندھن میں بندھ گئیں
وزیراعلیٰ سندھ نے پاس آؤٹ ہونے والے ریکروٹس کو مبارکباد پیش کرتے ہوئے روشن مستقبل کے لیے نیک تمناؤں کا اظہار کیا، تقریب کے اختتام پر وزیراعلیٰ سندھ نے ریکروٹس اور افسران کے ساتھ گروپ فوٹو بھی بنوایا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم