اب میرا نام لیا تو عدالت لے جاؤں گی، علیزے شاہ کی یاسر نواز کو آخری وارننگ
اشاعت کی تاریخ: 13th, January 2026 GMT
معروف اداکارہ علیزے شاہ نے سینئر اداکار، پروڈیوسر اور ہدایت کار یاسر نواز کو آخری وارننگ دیتے ہوئے کہا ہے کہ وہ کسی بھی پلیٹ فارم پر ان کا نام لینے سے باز رہیں، ورنہ قانونی کارروائی کی جائے گی۔ فوٹو اینڈ ویڈیو شیئرنگ ایپ انسٹاگرام پر جاری بیان میں علیزے شاہ نے کہا کہ گزشتہ پانچ برسوں سے یاسر نواز ہر موقع پر ان کا ذکر کرتے رہے ہیں حالانکہ دونوں کے درمیان کام کا رشتہ کب کا ختم ہو چکا ہے، کبھی معافی کی پیشکش کی جاتی ہے اور کبھی یہ کہا جاتا ہے کہ کام کا تجربہ خوشگوار نہیں تھا تاہم اس کا مطلب یہ نہیں کہ مسلسل ان کا نام لیا جائے۔ اداکارہ کا کہنا تھا کہ مختلف پروگرامز کی ریکارڈنگز اور رپورٹس موجود ہیں جن میں انہیں بدنام کیا گیا، اگر مستقبل میں یاسر نواز نے کسی بھی پلیٹ فارم پر دوبارہ ان کا نام لیا تو وہ بلا تاخیر بدنامی کا قانونی مقدمہ دائر کریں گی،اور اصل وجوہات بھی منظرِ عام پر لائیں گی کہ یاسر نواز ان کے ساتھ کام کیوں نہیں کرنا چاہتے جس سے ان کی ساکھ کو نقصان پہنچ سکتا ہے۔ واضح رہے کہ جون 2021 میں یاسر نواز نے اہلیہ ندا یاسر کے ہمراہ ایک ٹی وی شو میں شرکت کے دوران علیزے شاہ کے ساتھ کام کرنے کے تجربے کو ناخوشگوار قرار دیا تھا، اس موقع پر ندا یاسر نے بھی کہا تھا کہ یاسر نواز علیزے شاہ کے ساتھ کام کرکے پچھتا رہے ہیں۔ بعد ازاں یاسر نواز نے اپنے اس بیان پر علیزے شاہ سے معافی مانگتے ہوئے ان کے ساتھ دوبارہ کام کرنے کی خواہش کا اظہار بھی کیا تھا۔
.
ذریعہ
ذریعہ: Nawaiwaqt
کلیدی لفظ: علیزے شاہ یاسر نواز کے ساتھ
پڑھیں:
فلک جاوید اور صنم جاوید کےخلاف ٹویٹ کیس کی سماعت ملتوی
(شاہین عتیق) فلک جاوید اور صنم جاوید کےخلاف ریاست کے خلاف ٹویٹ کیس کی سماعت دس ستمبر تک ملتوی ہوگئی۔
ایڈیشنل سیشن جج نصرت صدیقی نے فلک جاوید اور صنم جاوید کے کیس کی سماعت کی،عدالت میں اس بار بھی صنم جاوید کو جیل سے لاکر پیش نہیں کیا گیا جبکہ فلک جاوید کو عدالت میں پیش کیا گیا۔
عدالت میں نیشنل کرائم ایجنسی ایف آئی اے نے درخواست دی کہ دونوں کے کیس کی سماعت جیل میں کی جاے،عدالت نے درخواست کو خارج کر تے ہوے قرار دیا کہ یہ کام ہوم ڈیپارٹمنٹ کا ہے ان سے رابطہ کریں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
عدالت میں ایف آئی اے نے صنم جاوید اور فلک جاوید کے خلاف چالان پیش کر رکھا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع