پنجاب کے سرکاری محکموں میں پیٹرول و ڈیزل گاڑیوں کی خریداری پر پابندی عائد
اشاعت کی تاریخ: 14th, January 2026 GMT
پنجاب حکومت نے صوبے میں ماحول دوست ٹرانسپورٹ کے فروغ کے لیے بڑا اور اہم فیصلہ کرتے ہوئے سرکاری محکموں میں پیٹرول اور ڈیزل سے چلنے والی گاڑیوں کی خریداری پر مکمل پابندی عائد کرنے کا اعلان کردیا ہے۔
اس فیصلے کے تحت آئندہ تمام سرکاری محکمے صرف الیکٹرک یا ہائبرڈ گاڑیاں ہی خرید سکیں گے، تاہم فیلڈ ڈیوٹی پر مامور گاڑیوں کو اس پابندی سے مستثنیٰ قرار دیا گیا ہے۔
یہ بھی پڑھیں: پنجاب میں الیکٹرک گاڑیوں کی رجسٹریشن فیس میں 95 فیصد کمی کا اعلان
چیف سیکریٹری پنجاب کے مطابق صوبے میں ماحولیاتی تحفظ اور گرین انرجی کے فروغ کو ترجیح دی جا رہی ہے، اسی سلسلے میں نئی الیکٹرک وہیکل پالیسی جلد متعارف کرائی جائے گی۔
انہوں نے بتایا کہ صوبے میں قائم ہونے والے نئے پیٹرول پمپس کے لیے این او سی کی منظوری کو الیکٹرک چارجنگ یونٹس کی تنصیب سے مشروط کر دیا گیا ہے۔
فیلڈ ڈیوٹی پر مامور گاڑیاں پابندی سےمستثنیٰ قرار ،نئی الیکٹرک وہیکل پالیسی کا اعلان جلد متوقع۔ نئے پٹرول پمپس کے لیے این او سی کی منظوری اب الیکٹرک چارجنگ یونٹ لگانے سے مشروط ہوگی۔ کسی بھی نئے پیٹرول پمپ کو الیکٹرک چارجنگ یونٹ کی تنصیب کے بغیر کام کرنے کی اجازت نہیں ہوگی۔ 2/4
— Chief Secretary Punjab (@CS_Punjab) January 14, 2026
چیف سیکرٹری کا کہنا تھا کہ کسی بھی نئے پیٹرول پمپ کو الیکٹرک چارجنگ یونٹ کی تنصیب کے بغیر کام کرنے کی اجازت نہیں دی جائے گی۔
اس فیصلے کے تحت این او سی حاصل کرنے والے 170 نئے پیٹرول پمپس پر الیکٹرک چارجنگ یونٹس کی تنصیب لازمی قرار دے دی گئی ہے۔
حکومتی اعلامیے کے مطابق صوبے کے 31 شہروں میں ای بز پورٹل کے ذریعے 170 نئے پیٹرول پمپس کے لیے این او سیز جاری کی گئی ہیں۔
مزید پڑھیں:پاکستان ماحولیاتی چیلنجز سے تنہا نہیں نمٹ سکتا، دنیا کو مدد کرنا ہوگی، وزیراعظم شہباز شریف
فیصل آباد میں 29، لاہور میں 14، بہاولپور میں 10 جبکہ خانیوال اور بہاولنگر میں 9، 9 نئے پیٹرول پمپس کو الیکٹرک چارجنگ کی سہولت فراہم کرنے کا پابند بنایا گیا ہے۔
اسی طرح راولپنڈی اور جھنگ میں 8، جبکہ ٹوبہ ٹیک سنگھ، میانوالی، قصور اور چنیوٹ میں 7، 7 نئے پیٹرول پمپس کو الیکٹرک چارجنگ یونٹ کی تنصیب کی شرط پر منظوری دی گئی ہے۔
حکام کے مطابق ان اقدامات کا مقصد فضائی آلودگی میں کمی، ایندھن پر انحصار کم کرنا اور صوبے میں پائیدار ٹرانسپورٹ نظام کو فروغ دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرک الیکٹرک چارجنگ یونٹس الیکٹرک وہیکل پالیسی این او سی پائیدار ٹرانسپورٹ پنجاب حکومت پیٹرول پیٹرول پمپس ڈیزل فیلڈ ڈیوٹی ماحول دوست ٹرانسپورٹ ہائبرڈ گاڑیاں.
ذریعہ
ذریعہ: WE News
کلیدی لفظ: الیکٹرک الیکٹرک چارجنگ یونٹس الیکٹرک وہیکل پالیسی این او سی پائیدار ٹرانسپورٹ پنجاب حکومت پیٹرول پیٹرول پمپس ڈیزل ماحول دوست ٹرانسپورٹ ہائبرڈ گاڑیاں کو الیکٹرک چارجنگ یونٹ نئے پیٹرول پمپس کی تنصیب کے لیے
پڑھیں:
حکومت نے یومیہ بنیادوں پر آج پھر عوام پر پیٹرول بم گرا دیا
اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ پیٹرولیم ڈویژن کے جاری کردہ نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر اضافہ کردیا ہے۔ پیٹرول کی نئی قیمت 331 روپے 52 پیسے فی لیٹر مقرر کردی گئی ہے۔ جبکہ ڈیزل کی قیمت فی لیٹر قیمت میں 3 روپے 62 پیسے اضافہ کر دیا گیا ہے، ڈیزل کی نئی قیمت 378 روپے 66 پیسے فی لیٹر مقرر کردی گئی۔(جاری ہے)
نئی قیمتوں کا اطلاق آج رات 12 کے بعد ایک دن کیلئے ہوگا۔ یاد رہے وفاقی کابینہ نے پیٹرولیم مصنوعات کے لیے روزانہ قیمتوں کے تعین کا نیا نظام منظور کر لیا جس کے تحت اوگرا اب پیٹرول اور ڈیزل کی ایکس ڈپو قیمتیں روزانہ جاری کرے گا۔ پیٹرول اور ڈیزل کی نئی قیمتیں گزشتہ سات کاروباری دن کی اوسط عالمی قیمت کے مطابق ہوں گی، پیٹرول اور ڈیزل کی قیمتوں کا تعین عالمی مارکیٹ کے حساب سے کیا جائے گا۔ قیمتوں کے اعلان کے لیے وزیراعظم یا وفاقی حکومت کی پیشگی منظوری درکار نہیں ہوگی جبکہ اوگرا بغیر وزیراعظم یا حکومت کی منظوری کے قیمتوں کا اعلان کرے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی