اپوزیشن لیڈر تقرری، نوٹیفکیشن آج یا کل جاری ہو جائیگا، طارق فضل
اشاعت کی تاریخ: 14th, January 2026 GMT
اسلام آباد (نیوزڈیسک) وفاقی وزیر پارلیمانی امور ڈاکٹر طارق فضل چوہدری کا کہنا ہے کہ اپوزیشن لیڈر کی تقرری کا نوٹیفکیشن آج یا کل جاری کردیا جائے گا۔
میڈیا سے گفتگو میں طارق فضل چوہدری نے کہا کہ قواعد و ضوابط موجود ہیں، اپوزیشن نے بےجا تنقید اور ایشو بنانے کی کوشش کی۔ تصدیق کا معاملہ اسپیکر کی صوابدید پر ہے، اسپیکر نے اجلاس کے دوران طریقہ کار سے آگاہ کیا تھا۔
دوسری جانب اسپیکر قومی اسمبلی ایاز صادق کی سیکریٹری قومی اسمبلی اور سیکریٹری لا سے اپوزیشن لیڈر کی تقرری پر مشاورت کی گئی۔فیصلہ آج شام یا کل متوقع ہے۔
ذرائع کے مطابق اسپیکر نے چیمبر میں قائد حزب اختلاف کی تقرری سے متعلق اسکروٹنی کی، جبکہ سیکرٹری قومی اسمبلی اور اسپیشل سیکرٹری قانون بھی مشاورتی عمل میں شریک رہے۔اپوزیشن لیڈر کی تعیناتی کے تصدیقی عمل کا جائزہ بھی لیا گیا، اور مشاورت مکمل کرنے کے بعد اسپیکر پارلیمنٹ ہاؤس سے روانہ ہوئے۔
ذرائع کے مطابق اپوزیشن لیڈر کی تقرری سے متعلق فیصلہ آج شام یا کل متوقع ہے، جس کے بعد اسپیکر قومی اسمبلی نوٹیفکیشن اپوزیشن رہنماؤں کے حوالے کریں گے۔
.
ذریعہ
ذریعہ: Daily Mumtaz
کلیدی لفظ: اپوزیشن لیڈر کی قومی اسمبلی کی تقرری
پڑھیں:
پیٹرولیم مصنوعات کی قیمتوں میں بڑا اضافہ کردیا گیا،نئی قیمتیں جانئے
اسلام آباد(نیوز ڈیسک)حکومت نے پیٹرولیم مصنوعات کی قیمتوں میں ایک بار پھر اضافہ کردیا۔
پیٹرولیم ڈویژن نے 24 جولائی کےلیے پیٹرول اور ڈیزل کی قیمت کا نوٹیفکیشن جاری کردیا، نوٹیفکیشن کے مطابق پیٹرول کی فی لیٹر قیمت میں 4 روپے 40 پیسے کا اضافہ کیا گیا ہے جس کے بعد پیٹرول کی نئی قیمت 331 روپے 52 پیسے فی لیٹر ہوگئی۔ْ
نوٹیفکیشن کے مطابق ڈیزل کی فی لیٹر قیمت میں بھی 3 روپے 62 پیسے کا اضافہ کیا گیا، ڈیزل کی نئی قیمت 378 روپے 66 پیسے فی لیٹر ہوگئی۔
حکومت نے گزشتہ روز بھی ڈیزل کی قیمت میں 7 روپے 83 پیسے جبکہ پیٹرول کی قیمت میں 6 روپے 39 پیسے فی لیٹر اضافے کا اعلان کیا تھا۔
مزید پڑھیں۔ستاروں کی روشنی میں آپ کا آج (جمعے) کا دن کیسا رہے گا ؟
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی