26 نومبر کا احتجاج، علیمہ خان کے وکیل کی 6 گواہوںپر جرح مکمل
اشاعت کی تاریخ: 15th, January 2026 GMT
راولپنڈی (جنرل رپورٹر) انسداد دہشت گردی کی خصوصی عدالت کے جج امجد علی شاہ کے روبرو تحریک انصاف کے 26 نومبر کے احتجاج پر تھانہ صادق آباد کے مقدمہ میں ملوث سابق چیئرمین کی ہمشیرہ علیمہ خانم کے وکیل نے مزید 6 گواہوں پر جرح مکمل کر لی گئی۔ گزشتہ روز سماعت کے موقع پر علیمہ خانم اپنے وکیل فیصل ملک کے ہمراہ عدالت پیش ہوئی جبکہ سپیشل پراسیکیوٹر ظہیر شاہ بھی ٹیم کے ہمراہ موجود تھے، اس موقع علیمہ خانم کے وکیل نے استغاثہ کے اے ایس آئی ظہیر، کانسٹیبل بابر اور اے ایس آئی کاظم رضا، اسسٹنٹ آئی ٹی پولیس طارق، سب انسپکٹر اقبال اور ڈی ایف سی مرسلین پر مشتمل 6 گواہوں پر جرح مکمل کر لی۔ سماعت کے دوران علیمہ خانم کا وڈیو بیان بھی سکرین پر چلایا گیا، پراسیکیوشن کی مداخلت پر ملزمہ کے وکیل نے جرح چھوڑ کر جانے کا کہا جس پر عدالت نے ریمارکس دیئے کہ آپ جرح نہیں کرنا چاہتے تو ہم آرڈر میں یہی لکھ دیتے ہیں۔ عدالت نے ہدایت کی کہ وکیل صفائی گواہوں سے غیر متعلقہ سوال نہ پوچھیں تاہم گواہوں پر جرح مکمل ہونے پر عدالت نے مزید گواہوں کو طلب کرتے ہوئے سماعت آج جمعرات تک ملتوی کر دی۔
.
ذریعہ
ذریعہ: Nawaiwaqt
کلیدی لفظ: علیمہ خانم کے وکیل
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ