متحدہ علماء محاذ پاکستان کے وفد کی قونصل جنرل ایران کراچی اکبر عیسیٰ زادہ سے ملاقات
اشاعت کی تاریخ: 15th, January 2026 GMT
وفد نے ایرانی قونصل جنرل کو کراچی میں تعیناتی پر مبارکباد پیش کرتے ہوئے نیک تمناؤں کا اظہار کیا اور ایران کے مؤقف کو حق و انصاف پر مبنی قرار دیا۔ ملاقات کے دوران علماء کرام نے کہا کہ اسلامی جمہوریہ ایران کے خلاف عالمی استعماری دباؤ دراصل خطے میں امن و استحکام کو سبوتاژ کرنے کی کوشش ہے، جسے امتِ مسلمہ مسترد کرتی ہے۔ اسلام ٹائمز۔ متحدہ علماء محاذ پاکستان کے 14 رکنی وفد نے ایران کے قونصل جنرل کراچی اکبر عیسیٰ زادہ سے ملاقات کی، جس میں ایران کے خلاف امریکی دھمکیوں اور بیجا مداخلت کی شدید مذمت کرتے ہوئے رہبرِ انقلاب اسلامی آیت اللہ العظمیٰ سید علی خامنہ ای، ایرانی حکومت اور عوام سے بھرپور یکجہتی کا اظہار کیا گیا۔ وفد نے قونصل جنرل کو کراچی میں تعیناتی پر مبارکباد پیش کرتے ہوئے نیک تمناؤں کا اظہار کیا اور ایران کے مؤقف کو حق و انصاف پر مبنی قرار دیا۔ ملاقات کے دوران علماء کرام نے کہا کہ اسلامی جمہوریہ ایران کے خلاف عالمی استعماری دباؤ دراصل خطے میں امن و استحکام کو سبوتاژ کرنے کی کوشش ہے، جسے امتِ مسلمہ مسترد کرتی ہے۔
متحدہ علماء محاذ پاکستان کے وفد میں بانی سیکریٹری جنرل مولانا محمد امین انصاری، مرکزی صدر علامہ مرزا یوسف حسین، چیئرمین علامہ عبدالخالق فریدی، ڈاکٹر سید شمیل احمد قادری حنبلی، ڈاکٹر صابر ابو مریم، شیخ الحدیث مفتی محمد داؤد، علامہ حسن شریفی، مولانا قاری محمد اقبال رحیمی، مولانا حافظ محمد ابراہیم چترالی، علامہ اشرف علی منتظری، علامہ زاہد حسین ہاشمی مشہدی، ناصر احمد ایڈووکیٹ ہائی کورٹ، فہد خان اور صفدر علی خٹک شامل تھے۔ اس موقع پر قونصل جنرل اکبر عیسیٰ زادہ نے وفد کا شکریہ ادا کرتے ہوئے کہا کہ ایران ہمیشہ امتِ مسلمہ کے اتحاد، خودمختاری اور مظلوم اقوام کی حمایت کرتا رہے گا۔ انہوں نے پاکستان اور ایران کے عوام کے درمیان تاریخی، دینی اور ثقافتی رشتوں کو مزید مضبوط بنانے کے عزم کا اظہار بھی کیا۔
ذریعہ
ذریعہ: Islam Times
کلیدی لفظ: کرتے ہوئے کا اظہار ایران کے
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی